– Hello Mr. Shkurti!

– Hello… excuse me, me çin po flas? – u hutova unë.

– Si po të shkojnë angazhimet?

– Po… mirë… ça të them unë?

– Je përzgjedhur për të vizituar SHBA. Është një program që quhet “programi i vizitorëve nga vendet e huaja”. Kemi menduar t’ju përfshijmë në këtë program.

– Uau! Shumë falemnderit që më zgjodhët mua. Po… ça duhet të bëj unë?

– Po ja… të na thoni ndonjë përshtypje pozitive për qeverinë.

– Epo… ç’është e vërteta… Rama ka punuar shumë. Dhe vendi ynë ka bërë progres të paparë drejt Europ… më falni! Drejt perspektivës Euroatlantike…

– Po për kryetarin e bashkisë së Tiranës?

– Lali është një koqe!

– Çfarë?!

– … është një koqeçelik, siç ka thënë vetë. Dhe kjo vjen për shkak të konsolidimit të pozitave të shëndosha, arritur me punë e këmbëngulje dhe vetmohim heroik.

– Besoj vlerësim pozitiv keni edhe për zotin Basha…

– Luli është një shtrateg. Më kujton moton e Muhamed Aliut: “Kërce si flutur, picko si bletë”. Nga fitorja në fitore Basha po kërcen i sigurt drejt pushtetit….

– Ha ha ha! Altini , Altini jam!