Mundohem- Poezi nga YMER LLUGALIU

October 1, 2023

Mundohem me e therë

vetminë me nji melodi.

E melodia tretet

Nëpër valë, nëpër rryma

si shkuma mbi ballin

e detit përthi.

Mundohem me e mposht

vetminë e natës

me besim në mëngjesin

që do të lind.

E besimi përcëllohet me ngricë,

zbehet në thatësinë,

vyshket në zagushi.

​

Mundohem me lan

shpirtin e lirë

si shqipen në fluturim.

Por mjegulla e dendun

e ban miop,

krahët ja lodh

cikloni pa pushim.

Mirditë-Rrëshen ,1975

• twitter

  Follow
• facebook
• linkedin

Fjalë kyçe: YMER LLUGALIU