Kryetari i Partisë Republikane, Fatmir Mediu, mori pjesë në punimet e Asamblesë Parlamentare të NATO-s në Lubjanë, Slloveni.

Në një postim në rrjetet sociale, Mediu ka ndarë disa nga momentet më të rëndësishme lidhur me këtë takim të rëndësishëm ku në diskutime kanë zënë vend çështje që lidhen me sigurinë globale.

Si pjesë e delegacionit shqiptar, Mediu theksoi nevojën për një strategji të përbashkët të vendeve të NATO-s dhe aspiranteve në Ballkan, për të përballuar kërcënimet që vijnë nga Rusia, Kina dhe aleatët e tyre në rajon.

Ai gjithashtu ka shprehur mbështetje të qartë për Ukrainën dhe propozoi intensifikimin e bashkëpunimit rajonal në kuadër të vendimeve të Samitit të NATO-s në Hagë.

Postimi

Lubjana Slovenia
Si anëtar i delegacionit të parlamentit në Asamblenë parlamentare të NATO-s, së bashku me kolegë të parlamentit morëm pjesë në diskutime të rëndësishme për zhvillimet gjeopolitike, lufta në Ukrainë, lindja e mesme agresioni Rus, roli i Kinës në konfliktet dhe përballja ndërmjet vëndeve demokratike dhe atyre autoritariste.

Së bashku me kolegë nga parlamentet e tjera në Europë United4Ukraine, me të cilët ishim në Kiev 2 muaj më parë, zhvilluam një takim me delegacionin e RADA të Ukrainës duke u nagazhuar në mbështetje për ti dhënë fund agresionit Rus.

Presidenti Zelenski online ju adresua Asamblesë duke shpjeguar situatën e luftës në Ukrainë dhe bisedën e fundit me Presidentin Trump.

Ishte kënaqësi të takoja ish Presidentin e Ukrainës Poroshenko, me të cilin prej kohësh kemi bashkëpunuar në Forumet e IDU dhe Forumin e Sigurisë në Washington.

Po ashtu kënaqësi që Asambleja do të bëjë vleresimin më të lartë “Women for Peace and Security”, për Presidenten e Kosovës Vjosa Osmani Sadriu.

Gjatë diskutimeve në Komisjonin e sigurisë dhe mbrojtjes kërkova që vëndet e NATO-s dhe ato aspirante në Ballkan të bashkëpunojnë për ndërtimin e një deterrance të përbashkët politike, ushtarake, në vlerësim të investimeve 5%, në sektorim e mbrojtjes, mbas vendimit Samitit të NATOs në Hagë, duke vlerësuar se kërcënimet në ballkan vijnë nga Rusia, Kina dhe aleatët e tyre në Ballkan. Iniciativa e Shqipërisë, Kroacisë dhe Kosovës duhet të zgjerohet me veëndet e tjera të Ballkanit. Ky qëndrim u përkrah nga Ministri i Mbrojtjes së Slovenisë Borut Sajovic. bw