Organizata Ndërkombëtare për Emigrim thotë se janë gjetur 4 trupa pa jetë dhe janë shpëtuar 342 emigrantë nga një anije që u përmbys sot në detin Mesdhe.
Rreth 700 emigrantë besohet të kenë qenë në bordin e një anije prej druri që filloi të fundosej herët në mëngjes.
Pesë anije, përfshi një të rojes bregdetare greke dhe një helikopter, po vazhdojnë operacionin e kërkim- shpëtimit.
Kombësitë e emigrantëve nuk janë konfirmuar, dhe fati i tyre pritet të jetë shumë i ndryshëm në varësi të faktit nëse cilësohen refugjatë.
Ata që kanë shpëtuar dhe kualifikohen si emigrantë, ndryshe nga refugjatët, rrezikohen të kthehen në vendet e tyre pasi të jenë identifikuar.
Nigerianët dhe gambianët janë ndër emigrantët më të zakonshëm që kryejnë udhëtimin nga Libia në Greqi, edhe pse mes tyre ka një numër në rritje somalezësh dhe eritreas.
Edhe pse shumica e refugjatëve sirianë hyjnë në Evropë nga toka përmes Turqisë, një anije me 65 sirianë, afganë dhe pakistanezë u kap në brigjet greke javën e kaluar.
Komentet