“MARGARITA” ME TË GJATIN, PO NA E MARRIN EDHE LAUREATIN- Nga Selfo Kardhiqi, SHBA

October 2, 2023

“Margarita” me të gjatin,

Na e morën dhe laureatin,

Pasi vodhën gjithë Shqipërinë,

Po vjedhin edhe poezinë.

–

Po çmendin gjithë njerëzinë

Po shkatrrojnë dhe letërsinë.

Nuk po lenë gjë pa vjedhur,

Me këtë popull të “mbledhur”!

.

Tani i kanë kthyer sytë

Të privatizojnë dhe poezitë

Me bekimin e Partisë

U zgjodh e para e jurisë

.

Që të shpallë dhe për sivjet

Më të mirin ndër poetë

Për së gjeri e për së gjati

Me kostum, laureati

.

Alda ka në xarf fermanin

Për të emëruar laurat-manin

Askush nuk e di se pse ?

Do ta shpall letrarje e re “S”

.

Dhe ashtu si herët e tjera

Me miqësira e me tendera

Si gjithmonë për laureatë

Janë të njëjtët kandidatë

.

Po ato dhe po ata

Sojli burra edhe gra

Me një barrë tru e mend

Për të tjerët nuk ka vend

.

(Nuk ka vend dhe s’do të ketë

E ka thënë dhe njëshi vetë)

E kanë marrë me tapi

Vip në prozë dhe poezi

Vetëm Flutura e di

.

Kryetarja ka dhënë prova

Eshte e ardhur nga Kosova

Vajzë e urtë dhe pa qibër

Kot ka bërë dhe ndonjë libër

.

Dhe juria njerëz pa bujë

Hidh ca miell e shto ca ujë

Flokë biondina e kompetente

Të bëjnë të flasësh me vete

.

Fundja ç’duhen më të sakta

Këtu kudo sundon gallata

Shkoftë në djall poezia.

Neve bëjme ç’na thotë Partia.

.

S’ka çfarë bën Dolfi i shkretë

Në Juri askush s’e piet

Nuk e piet as Ylljeti

Prozator është i shkreti

.

Nuk merr vesh nga poezia

Ka hyr kot aty mavria

E ka caktuar me vrap partia

Në të sëmës të shkoj Shqipëria

.

Bashkë me të dhe letërsia.

PPP e PKSh

Tani del dhe QKLL

Poezinë e futen ne dhe.

.

Qeverisë i plasi barku

Nuk e ndreq as Arta Marku

Në Juri është kot së koti

E di edhe më idioti

.

As studiuese as poete

Do laureatin për vete

Sic i thonë e lagu s’e lagu

Nuk e zgjidh do as SPAKU

.

Do shpallim vrimen laureate

Alma sheh veç ëndërra nate

Me gazmore, pa gazmore

Shpallim Açken prozatore.

.

Por nuk e dinë këta hajnë

Se më kë kanë të bajnë!

Poezia nuk njeh frëngji

Ajo fluturon në liri…!

.

Kur shkruan me gjak poeti

Aty përulet edhe mbreti!

Ndaj të ngrihemi sa s’është vonë

Që hajnat mos t’na e marrin fronë…

.

Dogjën vodhen vranë Shqipërinë

Tani morën edhe poezinë

Vaj vatni mjerë mileti

Shqipërië sa keq e gjeti

.

Margaritë, Margaritë…

I gjati t’i ka mshelur sytë,

Mos e vrit ti poezinë,

Kundra ke gjithë Shqipërinë…

• twitter

  Follow
• facebook
• linkedin

Fjalë kyçe: Selfo Kardhiqi