Sekretari amerikan i Shtetit, Marco Rubio, tha para ligjvënësve se kërcënimet e fundit të administratës për Groenlandën nuk tregojnë për një pushtim të menjëhershëm, por janë pjesë e përpjekjeve për të negociuar blerjen e ishullit nga Danimarka, raporton Wall Street Journal.

Rubio theksoi se Qeveria e SHBA po përdor retorikë të fortë për të ushtruar presion diplomatik dhe nxitur bisedime me Kopenhagenin, dhe se objektivi është që marrëveshja të arrihet në mënyrë paqësore dhe me konsensus.

Shqetësimet rriten ndërsa Shtëpia e Bardhë ka lënë të kuptohet se opsionet strategjike përfshijnë edhe mundësinë e përdorimit të forcës ushtarake, megjithëse zyrtarë të Administratës shprehen se një pushtim nuk është në planin e afërt.

Debati vijon ndërkohë që Danimarka dhe autoritetet e Groenlandës kundërshtojnë çdo ide për ndryshim të statusit të ishullit, duke nënvizuar sovranitetin dhe vullnetin e popullit të tij. Panorama