“Një e treta e kantonit është e paqëndrueshme” sipas Andreas Huwiler, kreu i sektorit të rreziqeve natyrore dhe ndërtimeve mbrojtëse.

VOAL- Rrëshqitja e dheut e Brienz-it, më e fundit në kohë, gurët që rrotullohen në luginën në Felsberg ose rrëshqitja e dheut Bondo në verën e vitit 2017. Këto janë vetëm disa nga ngjarjet natyrore që kanë bërë bujë vitet e fundit. Megjithatë, mali po lëviz edhe në pjesë të tjera të Graubünden (Graubynden): “Nëse shikojmë hartën mund të themi se rreth një e treta e kantonit është e paqëndrueshme” konfirmon Andreas Huwiler, kreu i sektorit të rreziqeve natyrore dhe ndërtimeve mbrojtëse të zyrës kantonale.

Duke folur për sigurinë, ka vende të ndryshme në rrezik. Brienz para së gjithash, por edhe në Val Lumnezia ka një sipërfaqe të gjerë të paqëndrueshme dhe një situatë e ngjashme është regjistruar edhe në rajonin e Heinzenberg. Duke u zhvendosur në Engadine pastaj, atje është muri Brattas.

Shkalla e rrezikut të një zone vlerësohet duke marrë në konsideratë “produktin midis rrezikut dhe dëmit të mundshëm që ky i fundit mund të shkaktojë”, shpjegon Huwiler. Këtyre duhet shtuar, për shembull, shqetësimin që mund të krijojë mbyllja e një rruge dhe sasia e njerëzve të prekur.

Ka mënyra të ndryshme për të reduktuar rreziqet: ju mund të monitoroni zonën e prekur nga lëvizjet, të instaloni struktura të tilla si rrjeta mbrojtëse kundër shkëmbinjve që bien ose të ndërtoni pellgje izolimi. Andreas Huwiler, megjithatë, nënvizon se më e rëndësishmja mbeten “vëzhgimet e drejtpërdrejta të rojtarëve të pyllit ose nga popullsia, me pak fjalë, nga ata që njohin, jetojnë dhe lëvizin në zonë”. rsi-eb