VOAL

VOAL

Please Wait ...
0%

Lukë Frrokaj, Kryetari i PSHDK-së Bern jep dorëheqjen pas koalicionit në Kosovë të PSHDK-së me PDK

By | May 17, 2017

Komentet

Jehonë në Zvicër për piktorin e talentuar Samedin Asllani dhe ekspozitën e tij Nga Nexhmije Mehmetaj

Piktori i njohur shqiptar Samedin Asllani nga Kosova që jeton në Zvicër të premten më 21 prill në orën 18.30, ka hapur « Ekspozitën personale 2017 » në Galerinë Faubourg në qendër të qytetit Porrentruy, Kantoni Jura – Zvicër. Ajo mblodhi rreth vetës publikun zviceranë dhe shqiptarë.

Me ketë rast fjalën hyrëse e mbajti zoti Pierre Maurer një personalitet zviceran që ndërton ura bashkëpunimi mes zviceranëve dhe shqiptarëve, dha një vlerësim për veprat e piktorit Asllani si një pjesë e çmueshme e kulturës dhe artit shqiptar pavarësisht që po krijohet në Zvicër, artisti shqiptar po pasuron artin në përgjithësi me elemente të reja mbi një estetikë të re tha ai.

Pas tij fjalën e mori znj Nazane Breca, Ambasadorja e Republikës së Kosovës në Bernë, hedh një vështrim të shkurtër, të sotmes të kësaj vepre, në shkallët e saj të ngjitjes drejt së ardhmes. Ajo tha: “Për mua, për një Ambasadore është një ndjenjë e jashtëzakonshme kur sheh për së afërmi të arriturat e bashkëkombësve të vet të cilët në çdo fushë janë duke arritur suksese të larta përmes së cilave ata po behën ambasadorë të vërtetë të imazhit të vendit të tyre të origjinës. I tillë është padyshim edhe Samedin Asllani i cili me përsosmëri artistike jetëson përjetimet e tija në vepra arti. Autori Asllani është një nga qytetarët tanë të cilët përjetuan një kohë të rëndë në vendlindje por me punë ia dolën të gjejnë vetën jo vetëm një vendstrehim këtu në Zvicër por duke krijuar në një vendlindje të dytë në të cilën ndjehen të barabartë dhe të vlerësuar për punën që bëjnë… Uroj që të vazhdoni të jeni ndër ato ura të forta që lidhin popujt ndërmjet veti sepse sot më shumë se kurdoherë bota ka nevojë për njerëz që kapërcejnë vetën dhe kufijtë, për njerëz që gjejnë mirëkuptimin përmes të bukurës, përmes artit ashtu siç thoshte Shiller: ” Arti është dora e djathtë e natyrës. Natyra nxori vetëm krijesa kurse arti bëri njeriun”.

Kënaqësia që këndelli të pranishmit qenë këngët shqipe të kënduara nga nxënësit e Shkollës shqipe në Jura, enkas për të nderuar një vepër të kulturës sonë kombëtare që po krijohet në një vend tjetër larg atdheut.

Në ketë rast ishte e pranishme edhe znj Eliverta Radomi, nga stafi diplomatik i Shqipërisë në Bernë.

Në fjalën e tij z. Samedin Asllani tha më gëzon pjesëmarrja juaja, kjo nuk është aspak e rastësishme me këtë nënkuptoj një vlerësim i punës sime. Ju falënderoj për pritjen bujare që ju sot më afroni këtu në Jura!
Ekspozita e autorit Samedin Asllani do të qëndron e hapur deri më 26 maj 2017. Ajo ka gjetur shprehje edhe me një artikull në gazetën e përditshme zvicerane “Le Quotidien Jurassien” të Juras.

Megjithatë ajo që publikut ua tërhoqi vëmendjen ishte arti në pikturat e artistit Samedin Asllanit, një vepër e pasur dhe madhështore në tërësinë e saj në formë dhe përmbajtje. Në festën e madhe të ngjyrave dhe vijave në pikturën e bukur shqiptare lehtë gjen pamje nga atdheu dhe njerëzit e tij. Ajo që e karakterizon artin e kësaj krijimtarie është aftësia për t’iu dhënë përbërësve në mënyrë të peshuar të mjeteve teknike me shpirtin bashkëkohor.

Delemont, 24.04.2017 Nexhmije Mehmetaj

Mbyllet xhamia famëkeqe, ja pse dënohet dënohet imami shqiptar

Emri i xhamisë An`Nur të Winterthurit ka një kohë të gjatë që nuk zbret nga kryetitujt e mediave zvicerane. Fillimisht për shkak të një imami ekstremist që kishte predikuar dhunë ndaj “të pafeve” dhe më vonë edhe për kryetarin e bashkësisë së kësaj xhamie, shqiptarin nga Maqedonia I.H.

Ndërkohë që imami (somalian) ishte dënuar dhe xhamia famëkeqe ishte mbyllur, I.H. i kishte shpëtuar dënimit lidhur me predikimin në xhaminë “e tij”. Ai, siç shkruan landbote.ch dhe blick.ch, ishte mbajtur në paraburgim më shumë se një muaj, por nuk ishte gjetur fajtor për ndonjë shkelje ligji.

Mirëpo ndërkohë shqiptari 37 vjeçar me shtetësi zvicerane është dënuar nga gjykata e Qarkut e Winterthurit për dy krime te tjera, transmeton albinfo.ch. Dënimi i parë atij i është shqiptuar për faktin se ka angazhuar si imam të përkohshëm për xhaminë e tij një azilkërkues. Ai i kishte paguar atij 600 franga për udhëheqjen e disa predikimeve dhe në këtë mënyrë kishte shkelur ligjin e punës.

Ndërsa krimi i dytë për të cilin ai po ashtu është dënuar është më i veçantë. I.H. ka lejuar djemte e tij të vegjël të ngisnin makinën e tij. Herën e parë këtë e kishte bërë i biri i tij vetëm 9 vjeçar. Vogëlushi ishte lejuar pra që të bënte disa kthesa me makinë në një shesh publik, ndërkohë që babai i tij rrinte ulur në ulësen paralele, transmeton albinfo.ch. Ndërsa herën tjetër me djalin e madh, 12 vjeçar puna kishte shkruar edhe më larg: ai kishte ngarë makinën e babait rrugëve me trafik, në praninë e të et. Për më tepër, asnjëri prej tyre nuk ishin të lidhur me rripin e sigurisë.

Këto dy shkelje mbase nuk do të zbuloheshin skur ai të mos i kishte filmuar. Dhe me rastin e kontrollimit të telefonit të tij mobil, policia kishte gjetur edhe filmimet në fjalë.

Për të gjitha deliktet prokuroria kërkon një dënim me gjobë prej 2400 frangash.

NJË KRAHASIM MES BAMIRËSISË SË SHHK “SALIH ÇEKAJ“ NË ZVICËR DHE QEVERISË – Nga Abas Fejzullai

Kishte me qenë një mrekulli e veçantë për të mirën dhe shëndetin e Kosovës hallemadhe, sikurse pushshtetarët dhe qeveritarët bashkë me Kuvendin dhe kuvendarët të merrnin vendime dhe të jetësonin në praktikë veprimet me aq qiltërsi e përgjegjësi njerëzore (vetanake dhe kolektive) siç vepron SHHK “SALIH ÇEKAJ“ në Zvicër, qysh nga themelimi i saj, për bamirësi lidhur me skamnorët dhe nevojtarët e shumtë, si në drejtimin shëndetësor dhe të pa shtëpi e pa kulm mbi krye, për familjarët e tyre në Kosovën hallemadhe të pas luftës në veçanti, pa e lënë anash edhe drejtimin e kulturës në përgjithësi, si pasojë e luftës edhe aq ma shumë si pasoj e qeverisjesë vendore të keqe, që nga paslufta, në veçanti nga viti 2008.

Për fatin e keq të Kosovës me shumë halle të luftës edhe ma shumë të shkaktuara e ngarkuara pas luftës nga pushtat e pushshtetarët vendor, të pa njarëzishëm e të pa përgjegjshëm deri në skajshmëri me sjelljet dhe veprimet e tyre..!

Vendorët tani më po ballafaqohen me pasoja të dëmshme në të gjitha drejtimet, për fatin e keq të shqiptarëve shumicë me 95% dhe të 3-5 % të pakicave tjera, do të ballafaqohen dhe vuajnë pasojatë edhe gjeneratatë e ardhme s’paku edhe pas 25 vitesh, që aspak s’janë fajtor për veprimet jo të drejta dhe pa përgjegjësitë e pushtetarëve të tashëm gryksa dhe të uritur e asnjëherë deri më tani të ngopur në kohë dhe hapësirë në vazhdimsi, për pozita, pushtet, pasuri, papërgjegjësi dhe paturpësi, në pa kufi …!

Në vijim po i paraqesim vetëm disa prej shumë dëshmive tjera, që vërtetojnë qeverisjenë e keqe të pushtave dhe pushtetarëve, Kuvendit dhe ku®vendarëve vendorë në Kosovën hallemadhe (përjashto pakicën e mbivotuar dhe ate serbe të lëmuar, përkdhelur, lazdruar e privilegjuar në skajshmëri në të gjitha drejtimet si me pushtet e pozita dhe me të mira mateiale…

që pushtetarët vendor s‘ bashku me disa diplomat e diplomaci të huaja këtë e quajnë haptas diskriminim pozitiv që në të vërtetë ka qenë dhe është shumë negativ, sepse 3% e pakicës ardhacake kolonialiste serbe të diskriminoj 95% të shumicës shqiptare vendor është jo vetëm e pa drejtë por edhe kriminale sepse asnjë nga shtetet perëndimore që thirren në demokraci këtë gjë s‘ do ta pranonin e lejonin të zbatohet e jetësohet në vendet e tyre, por kjo gjenë zbatim e jetësim të plotë në Kosovë!)?!

Kjo do të befasoj çdo lexues e njeri që do të ketë rastin ta lexoj dhe analizoj drejtë në bazën e të dhënave dhe dëshmive që tani më janë të njohura e publike edhe nga vet Kuvendi i Kosovës, rrjedhave të përditshmërisë me lajme dhe ngjarje.. që kanë ndodhur:

  1. Qeveria e Kosovës, kryetari i shtetit, Kuvendi dhe kuvendarët kanë lejuar dhe lejojnë ende sot e kësaj dite që të paguajnë s‘ paku qe 18 vite, për çdo vjet miljona Euro, rrymën që e kanë hargjuar dhe që ende hargjojnë serbët ardhacak (kolonizator) më herët dhe tani pas luftës së fundit, në pjesën e tri bashkive( komunave) veriore të Mitorovicës, përfaqësuesit e të cilëve (kanë kryer krime dhe spastrim etnik ndaj shqiptarëve vendor ku dhe kanë ndërruar strukturën e popullatës… shqiptare që ka qenë shumicë e tani është pakicë…), të cilët janë përkrahur dhe përkrahen nga Serbia e të zgjedhur dhe si të till përfaqësohen e pranohen në Kuvendin e Kosovës sikur të ishin 30%, e janë vetëm 3% !

 

  1. Këta përfaqësues serb të zgjedhur e përzgjedhur nga Sërbia të njour me emrin e famshëm LISTA SERPSKA, që tani më kanë dalur edhe haptas me shenjen e tyre të shkronjës S sipas alfabetit çirilicë si në vijim: ( CCCC ) që ka këtë kuptim:(Vetëm bashkimi shpëton serbët ose vetëm serbët presin me sopatë) si dhe shenjën e kësulës së njohur serbe SHAJKAQA serbo çetnike, shenjë kjo famkeqe që ka dëshmuar dhe dëshmon për gjenocidin e kryer ndaj shqiptarëve vendor në hapësirat e Dardanisë në kohë dhe hapëesirë në të gjitha periudhat e pushtimit dhe tani në vazhdimsi) dhe po me këto shenja kanë qëllimin për ta themeluar BKS (bashkimin e komunave serbe) apo e njohur tani më si ZAJEDNICË që shqiptarëve  u ka dal e ka me u dal ZAJEBNICË e madhe…!

 

  1. Përfaqësuesit e ZAJEDNICËS janë frytë i bisedimeve të kryetarit të shtetit të Kosovës Hashim Thaçit me Serbinë pa kurrfar kushtesh e pa kurrfarë përgjegjësie për bisedimet e bëra i cili me këmbëngulësi kur ishte kryetar

 

qeverie kërkonte të sigurohen vende të rezervuara për pakicën serbe që të përfaqëesohen në Kuvendin e Kosovës dhe kur këtë e arrijti, pjella e të zezave tjar janë krijimi i LISTES  SERPSKA përmes të cilës Serbia tani edhe po e krijon ZAJEDNICEN me katër S(CCCC) dhe shajkaqen e famshme çetnike, ashtu siç dëshiron vet me qëllimin kryesor për të jetësuar ndarjen së Mitrovicës edhe ligjërisht sepse praktikisht kjo veç ka ndoshur nga se e Mitrovicës në pjesën ku veprojnë strukturat paralele serbe dhe çdo gjë kontrollohet nga Serbia…!

 

  1. LISTA SERPSKA, me përfaqësuesit e saj haptas kundërshtojnë Republikën e Kosovëes, veprojnë me këshilla dhe udhëzimet e Serbisë në dëm të Kosovës, kur dojnë marrinë pjesë në mbledhjet e Kuvendit të Kosovës dhe sa herë dëshirojnë largohen e s‘ marrinë pjesë, kushtëzojnë për të marrë poste e pozita si dhe pengojnë në vendim marrëjen kur bëhet fjaë për interes dhe të mirën e Kosovës, janë kundër krijimit të ushtrisë e shumë kushtëzime tjera, ndërsa marrin paga të majme nga taksapaguesit e Kosovës hallemadhe me papunëesi e varfëri të skajshme ekonomike..!

 

  1. Asnjë vend në botë nuk ju jep rroga dhe atyre kuvendarëve të cilët haptas veprojn kundër shtetit dhe se pranojnë atë shtet, kjo lejohet edhe financohet vetëm në Kosovë, siç është rasti konkret me serbët ardhacak e kolonizator që veprojnë kundër Kosovës dhe për ta kthyer sundimin e Serbisë mbi Kosovën..!

 

  1. Kuvendi i Kosovës, Qeveria dhe qeveritarët në poste dhe pozita të ndryshme asnjëherë s’kanë ndërmarrë ndonjë veprim konkret që në Kuvendin e Kosovëes të ketë vende të rezervuara për kurbetçarët kudo që gjinden jashtë në të gjitha kontinentet që jetojnë dhe punojnë… po as sipas numrit që janë në kurbet të kenë edhe përqindjen e përfaqësimit në Kuvendin e Kosovës, sepse i friksohen ndryshimeve dhe ndikimeve pozitive ku me siguri do të humbin postet dhe pozitatë që i kanë pushtuar dhe i mbajnë këta parazitë që vetem vjelin e mjelin kurbetçarët në të gjitha format dhe mënyrat e mundëshme kriminale dhe jashtëligjore..!

 

  1. Kurbetçarët kanë mbajtur gjallë para lufte popullatën e Kosovës, kanë ndihmuar qëndresën e tyre në vendlindje për ti bërër ball me sukses pushtimit çetniko serb. Kanë mbajtur dhe ndihmuar arsimin dhe kanë bërë luftën kundër URISË të shpallur e vendosur nga Serbia për shqiptarët në Kosovë qysh në vitin 1989, e pa njohur e pa publikuar nga qendratë vendore perëndimore të shteteve demokratike, që është luftë e rëndë, jonjerëzore dhe në kundërshtim me të gjitha rregullatë dhe ligjet e luftës,

 

që ta detyrosh dorëzimin dhe nënshtrimin e një populli të pushtuar përmes URISË, ndalimin e bukës si elementin thelbsor për jetë, është njësoj si të ja ndalosh ujin dhe ajrin, që bie ndesh me të gjitha rregullatë, ligjetë njerëzore dhe ndërkombëtare…! Por këtë luftë të pa shpallur botërisht e të vendosur tinzisht nga Serbia, për shqiptarët e Kosovës, të cilët e fituan këtë luftë, falë veprimit në terren të SHH“FNF“dhe të shoqatave dhe organizimeve tjera të cilat u përkrahen dhe u ndihmuan në vazhdimsi prej kurbetçarëve, të cilët e mbajtën dhe ndihmuan luftën çlirimtare dhe rindërtimin e vendit pas luftës dhe janë tue mbajtur ende sot e kësaj dite për fatin e keq edhe këtë qeveri dhe qeveritarë me plotë pushta e pushtetarë ministra e zëvendësministra vendor e serb ardhacak, sa ja kanë kaluar edhe Kines me mbi 1 miljard banorë, po u muarren  lakmi pushtetarëve të Kosovës për numrin e ministrave e zëvendës ministrave edhe Kina do vie në këtë gjendje siç ka ardhur Kosova, që secili banorë dëshiron të largohet e ta lëshoj Kosovën nga skamja e papunësia, dhe atëhere bota kishte me u përball me vërshime apo CUNAMIN e të larguarve nga KINA  …!

 

  1. Derisa Kuvendi dhe kuvendarët e Kosovëes miratojnë ndarjen e miljona Eurove për pakicën e përkdhelur serbe që Kosovës deri më tani i ka sjellur vetëm dëme në të gjitha drejtimet, asnjëhere s‘ kanë ndarë mjete as mirënjohje për SHHK“ SALIH ÇEKAJ“në Zvicër për ta ndihmuar e përkrahur veprimtarinë e saj bamirëse të dëshmuar deri më tani për nevojtarët në Kosovë që qeveria i ka lënë në harresë, në mjerim, varfëri e skamje të tmerrshme, përfshi të gjitha kategorit familjare edhe të atyre pjesëmarrësve në luftë dhe invalidët e UÇK-së..!

 

  1. SHHK“ SALIH ÇEKAJ“në Zvicër udhëhequr nga kryetari i saj Saim Tahiraj, përkrahur nga anëtarësia e saj e mrekullueshme në kurbet për veprimtari bamirëse tani më të dëshmuar meriton përkrahje nga kurbetçarët në veçanti pasi që ndihmon në vazhdimsi edhe për jetësimin e porosisë së rilindasit mendjendritur Sami Frashërit i cili mes tjerash jep këtë porosi:   “ Nëse do të mbjellësh për një vit, mbill misër e grurë. Nëse kërkon që të mbjellësh përgjithmonë, mbill arsim e kulturë“ pasi që në vazhdimsi  për çdo vitë ndanë katër bursa për tu ndihmar studentëve për ti kryer studimet për të cilatë janë përcaktuar.  Kanë ndërtuar edhe shtëpi për disa skamnor në të gjitha anët e Kosovës dhe ndihmuar nevojtar për shërim dhe  të sëmurë të ndryshem dhe me nevoja të veçanta, bauar në të gjitha këto veprime  meritojnë që të përkrahen dhe ndihmohen nga kurbetçarët kudo dhe kahdo që gjinden.

Në vijim fotografia e FLETËPAGESËS:

Në Fletëpagesën janë të gjitha të dhënatë,  ku secili bamirës-se vet vendos për shumën e ndihmës  për çdo muaj apo njëherë në vit.

Me ndihmën tuaj mundësoni  që SHHK“ SALIH ÇEKAJ“në Zvicër të vazhdoj me sukses veprimtarin e saj të bamirësisë për nevojtarët dhe skamnorët e ndryshëm në atdhe që të përballojnë sa më leht gjendjen në të cilën gjinden pa dëshirën e tyre në varfëri, pa shtëpi apo në gjendje të vështirë shëndetësore.

  1. SHHK “SALIH ÇEKAJ“në Zvicër, mori një nismë shumë të qëlluar nga ana e kryetarit Zotëri SAIM TAHIRAJ, i cili sipas autorizimit dhe kërkesës së Këshillit të Kosovës për ngritjen e Memorialit Ibrahim Rugova në Malaj-Rugovë, në klubin Dardania në Zofingen më datën 2018-03-31 themeloi Nënkëshillin për Zvicër i cili është i autorizuar për mbledhjen e mjeteve nga bashkatdhetarët tanë në Zvicër dhe bashkëatdhetarët në kurbet do të lajmërohen me kohë përmes mjeteve të ndryshme të lajmërimit dhe të shtypit për përfundimin e aksionit.

 

  • Dshmi përmes fotografive për disa nga veprimtarit e bamirësisë të SHHK “SALIH ÇEKAJ“në Zvicër marrë nga faqja pamore e shoqatës.

Punimet e ndertimit të shtëpis së Ferat Azemit nga Prekalla e komunes së Istogut,donacion i SHHK”SALI ÇEKAJ”në Zvicër.

 

 

 

 

Humaniteti i radhës nga SHHK“Sali Çekaj“në Zvicër ja ka ndertue shtëpin Ferat Azemit në Prekallë të komunes së Istogut .Ferati ka ardhur nga fshati Aqarevë komuna e Skenderajt,i cili është i pa aftë për punë,pa njëren kembë dhe bashkëshoren e smurë ne te pamurë,dhe nga Aqareva është largu nga gjendja shume e randë ekonomike,qe ka jetu midis mali,pa rrugë dhe pa asnjë mbijetesë,ne ketë pjesë ku ka jetu ky,është për te jetuar kafshët e egra,e la me njerzit te jetojnë hala aty,qe me te ra tepsia e bukes nga dora nja dy km nuk mundesh mi nxa ma,deri te lumi Klina.

Faliminderit nga zemra kryetar z.Saim Tahiraj,nenkryetari z. Xhemajl Haxhiu,emri i madhë i shoqates Sali Qekaj, dhe gjithë bashkëpuntorëve tu,gjithë atyre familjevë qe kan kontribu ndertimin e shtepis për Feratin,gjitha te mirat ne jetë Saim Tahirajju,familjes suaj dhe miqeve tu,për jet falenderues ,familja, fshati, për punen qe keni berë.

Vërejtëje:në ketë vendë qe ka jetu Ferati ka mbetë edhe një familje ne gjendje shumë te randë ekonomike,me nje djalë te rritur i smurë mental shume e rand,don zoti dhe njerzit e mire te bejnë zgjidhje edhe për ketë familje dhe shumë tjera anë e kendë Kosoves qe jan ne kushte te randa ekonomike,ne ditet ne vijem do ti bejë fotografit e kesaj familje qe kan te smurin mental ne shtepi qe jeton ne ngjendje te rand.  Marrë nga FL-  FB  SHHK“Sali Çekaj“në Zvicër

 

AF

2018-04-09

CH – SO

Shqiptari me gruan e fëmijët dëbohet pas 26 vitesh qëndrimi në Zvicër

SOLOTURN – Gjykata Administrative e Soloturnit të Zvicrës, ka vendosur ta dëbojë kosovarin me familje.

29 vjeçari shqiptar kishte shkuar në Zvicër në vitin 1992 në kuadër të bashkimit familjar, por që vazhdimisht bënte vepra penale.

Së fundmi, më 11 dhjetor 2014, ai u dënua me katër vjet e gjashtë muaj burg nga Gjykata e Lartë e Bernës për trafikim dhe tentativë për vrasje.

Bashkëshortja e tij kishte ardhur nga Kosova në Zvicër në vitin 2012 në kuadër të bashkimit familjar, por asaj dhe fëmijëve i ishte refuzuar vazhdimi i lejes së qëndrimit dhe i ishte vendosur një afat për lëshim të Zvicrës për 31 mars 2016.

Nisur nga ky dënim, Zyra Kantonale për Emigracion e Solothurnit, në janar 2016 ia ka tërhequr atij lejen e qëndrimit të përhershëm (Vizën C) dhe ka vendosur dëbimin e tij nga Zvicra, shkruan solothurnerzeitung, përcjell Telegrafi.

Me një ankesë të bërë në Gjykatën Federale, avokatja e tyre kishte kërkuar sërish që familja të lejohej të qëndronte në Zvicër por gjykata nuk kishte treguar fare mëshirë duke ia hedhur poshtë ankesën.

Sipas kësaj, shqiptari duhej që përfundimisht të lëshonte Zvicrën, ditën që do të përfundonte vuajtjen e dënimit, ndërsa rasti i gruas dhe fëmijëve u kthye në Gjykatën Administrative që ajo të merrte vendimin.

Ndërkaq gjykata me 21 mars 2018 e ka korrigjuar vendimin e mëparshëm duke ua vazhduar lejen e qëndrimit gruas dhe fëmijëve deri në datën e përfundimit të vuajtjes së dënimit të kryefamiljarit.

Kjo tolerancë u bë për në arsyen se gruaja nuk kishte rënë ndonjëherë në kundërshtim me ligjin dhe familja nuk kishte shfrytëzuar asnjëherë ndihma sociale.

Taulant Xhaka feston ditëlindjen, ja urimi i vëllait

Për familjen Xhaka sot është një ditë e veçantë, pasi Taulant Xhaka ka ditëlindjen

E në këtë ditë të shënuar për mesfushorin shqiptar, i cili luan për Bazelin nuk kishte se si të mungonte urimi i vëllait, Granitit.

“Gëzuar ditëlindjen vëlla”, – ka shkruar ai, i cili ka ndarë edhe disa foto nga fëmijëria.

Këto foto, lojtari i ka shoqëruar me mbishkrimin: “Gjithmonë të rinj, gjithmonë bashkë”.

Nga ana tjetër, vetë Taulanti ka shkruar me humor: “Nuk po plakem, thjesht po bëhem klasik”.
Duket se mesfushori ka marrë mjaft dhurata në këtë ditë të shënuar për të. Ndërkohë që ende nuk dimë se çfarë surprize i ka rezervuar e fejuara Xhakës.

Edhe klubi i Bazelit i ka bërë një urim mesfushorit shqiptar.

“Një mal me borxhe”, shqiptarin me 3 fëmijë e dëbojnë nga Zvicra

Borxhet e shumta dhe mungesa e gatishmërisë për t’i paguar ato, kanë bërë që kosovarit 59 vjeçar t’i shqiptohet masa e dëbimit nga Zvicra, edhe pse ka mbi 30 vjet që jeton në këtë vend.

 

Ai kishte ardhur në Zvicër në vitin 1981 si punëtor sezonal, ndërsa pas martesës që kishte bërë në vitin 1985, kishte fituar edhe lejen e qëndrimit në këtë vend, shkruan tagblatt.ch. Kosovari ka tre fëmijë të rritur, të cilët jetojnë në Zvicër.

Pas vdekjes së gruas, ai në vitin 2012 ishte martuar në Kosovë me një shtetase bullgare, transmeton albinfo.ch. Nisur nga gjendja e tij e rëndë financiare, Zyra Kantonale për Migracion, në vitin 2013 kishte refuzuar t`ia jepte bashkëshortes së tij të re lejen e qëndrimit në Zvicër. Borxhet e shumta ishin po ashtu shkaku që autoritetet në vitin 2015 nuk pranuan t`ia bënin vazhdimin e lejes së qëndrimit edhe atij vetë.

Zyra në fjalë me atë rast i ishte referuar Regjistrit të Zyrës së Përmbarimit (Betreibungsregister), në të cilën ai ishte i regjistruar 30 herë si borxhli, me një borxh të gjithëmbarshëm prej 92.000 frangash. Krahas kësaj, ndaj tij janë lëshuar edhe disa urdhëresa tjera për shlyerje të borxhit, transmeton albinfo.ch. Për shkak të këtyre borxheve, atij i është tërhequr vërejtja tri herë, por ai nuk kishte ndryshuar sjelljet e veta.

Pasi që të gjitha instancat në nivel kantoni e kishin shpallur fajtor, kosovari kishte bërë ankesë edhe në Gjykatën Federale. Në ankesën e tij ai kishte argumentuar se hyrja e tij në borxhe nuk kishte ndodhur “me dëshirë” dhe se ai kishte bërë çdo gjë që ishte në fuqinë e tij për t`i shlyer ato. Pastaj, dëbimi, ose kthimi në Kosovë, nisur nga mosha që ka dhe nga një infarkt që ka pësuar së fundi, nuk është masë e duhur, mendon ai. Kjo aq më tepër pasi që duhet të mbahet parasysh se ai jeton prej më shumë se 30 vitesh në Zvicër dhe fëmijët e tij janë rritur këtu, përcjell albinfo.ch. Madje ai vetë është i integruar këtu dhe nuk ka më lidhje me Kosovën.

Gjykata Federale në përgjigjen e saj ka pranuar se fakti i pasjes së borxheve të shumta si i tillë, nuk është i mjaftueshëm për shfuqizimin e lejes së qëndirmit dhe për dëbimin e dikujt nga Zvicra. Por gjykata e arsyeton vendimin e instancave kantonale për dëbim në rastin konkret me faktin se 59 vjeçarit i ishte tërhequr vërejtja tri herë, me ç`rast i ishte kërkuar që të shlyente borxhet. Por ai, në vend se të përmirësonte gjendjen e tij financiare, hynte në borxhe të reja. Kështu, as Gjykata Federale tashmë nuk beson në përmirësimin e situatës në këtë drejtim, transmeton albinfo.ch. Para kësaj, edhe Gjykata Administrative e St. Gallenit kishte konstatuar se ekzistonte një interes publik që kosovarit t`i merrej leja e qëndrimit me qëllim mbrojtjen e kreditorëve të ardhshëm.

Ndërkaq, sipas vendimit të Gjykatës Federale, dëbimi i tij, përkundër qëndrimit mbi 30 vjeçar në Zvicër, është adekuat, pasi që kosovari nuk i ka ndërprerë lidhjet me vendlinjen e tij. Duke qenë se ai atje ka të afërm, pas kthimit mund të llogarisë se do të krijojë një rreth shoqëror dhe të jetojë atje.

Ndërron jetë Agron Bajrami, koreograf, themelues dhe udhëheqës i Shkollës së Vallëzimit “Shota”

Pas një sëmundjeje të rëndë dhe të gjatë, ndërron jetë Agron Bajrami, koreograf, themelues dhe udhëheqës i Shkolles së Vallëzimit “Shota” .

Agron Bajrami është i lindur në Prishtinë, në vitin 1964. Në kohën sa ka jetuar në Kosovë ai ka qenë anëtar i Ansamblit të Valleve “Shota”, ndërsa me ardhjen në Zvicër ai ka themeluar në vitin 1993 Shkollën e Vallëzimit Shqip “Shota” me seli në Aarau. Këtë vit “Shota” e Zvicrës do të shënonte 25 vjetorin e themelimit, si shoqëria e parë e këtij lloji në komunitetin shqiptar të Zvicrës.

Agroni do të mbahet mend si një valltar dhe koreograf me talent dhe përkushtim të rrallë. E gjithë familja e tij, duke u nisur nga ai dhe e shoqja, Liria pastaj të gjithë fëmijët, ka qenë që nga fillimi pjesë e Shkollës së Vallëzimit “Shota” në Zvicër.

Përveç si artrist i shquar i valles, Agron Bajrami është marrë edhe me arte pamore dhe me kamer. Ka punuar disa vite si kameraman në një televizion të Zvicrës. albinfo

I dënuar për trafik droge, shqiptari i Kosovës ekstradohet me aeroplan special nga Zvicra

Një shtetas kosovar është ekstraduar dje nga Zvicra në Kosovë, ku do ta vuajë dënimin prej gjashtë vjet e gjysmë burgim pasi është shpallur fajtor për veprën penale blerje, posedim, shpërndarje dhe shitje të paautorizuar të narkotikëve, substancave psikotrope dhe analoge.

Shtetasi Sef Fetoshi dje është sjellë me aeroplan të Forcave Ajrore të Zvicrës. KALLXO.com mëson se aeroplanët civilë kishin refuzuar udhëtimin e Fetoshit. Shpenzimet e transportit i kishte marrë përsipër shteti zviceran.

Sipas aktakuzës, Sef Fetoshi, Blerim Vasolli dhe Xhevxhet Rashiti akuzoheshin se në maj të viti 2012, në hyrje të fshatit Fortesë (Bellacerkë), komuna e Rahovecit, në parkingun e objektit “Salloni Dasmave” së bashku me Astrit Zabraskan, i cili në atë kohë gjendej në arrati, kishin siguruar drogë të llojit marijuanë në 331 paketime në qese të plastikës në peshë të përgjithshme prej 352 kilogramë me qëllim që ta transportojnë-shpërndajnë dhe ta shesin në Itali e pastaj në Zvicër.

I ekstraduari Sef Fetoshi është i dënuar me aktgjykim të formës së prerë nga Gjykata Themelore e Gjakovës me 6 vjet e 6 muaj burgim.

Mark Gjonaj dhe Flamuri Kombëtar Shqiptar në betimin e tij si Këshilltar në Bashkinë e Nju Jorkut – Nga Keze Kozeta Zylo

 

 

Nuk është hera e parë që Mark Gjonaj mbledh shqiptarët e Diasporës bashkë në auditoret amerikane, por ato që do të mbahen mend dhe lenë gjurmën e ndritur në historinë tonë kombëtare janë dy betimet e tij, e para si Ansambleist i Shtetit të Nju Jorkut dhe e dyta si anëtar i Këshillit të Bashkisë së Nju Jorkut.

Qindra shqiptarë dhe amerikanë mbushën auditoriumin në Herbert H.Lehman Eduacational Campus për të marrë pjesë në ceremoninë e inagurimit të z.Mark Gjonaj si këshilltar i Bashkisë së Nju Jorkut.

Çdo shqiptar dhe amerikan ndihej tejet krenar për z.Mark Gjonaj, sespse Mark Gjonaj ka ditur të fitoj zemrën e zgjedhësve të tij, por jo vetëm.  Mark Gjonaj është një politikan i thjeshtë dhe plot kulturë, komunikues me të gjitha nivelet si dhe një punëtor i jashtëzakonshëm. Të gjitha këto vlerësime u dëgjuan nga goja e zgjedhësve që ndalonin dhe flisnin para kamerave.

Amerikanja Karen Siegel, një grua e moshuar fisnike me një kapele të bukur në kokë ndaloi me shumë delikatesë pranë TV “Alba Life” dhe tha: “Unë e dua Mark Gjonaj, ai është gjithmonë pranë të moshuarve, puna e tij e jashtëzakonshme nuk njeh kohë”…

Në këtë ceremoni ishin të ftuara Ambasadorja e Shqipërisë në Washington Floreta Faber, Ambasadorja e Kosovës në Washington Vlora Çitaku të cilat ishin në podium, si dhe Ambasadorja e Kosovës në Nju Jork Teuta Sahatqija, Ambasadorja e Shqipërisë në Kombet e Bashkuara Besiana Kadare dhe Ambasadori i Malit të Zi.

Moderatorja e ceremonisë ishte znj.Lisa Sorin.

Imami i qendrës Islamike shqiptaro amerikane Edin Gjoni bekoi hapjen e ceremonisë së inagurimit.  Nxënësit e shkollës së mesme Herbert Lehman interpretuan Hymnin Kombëtar Amerikan ndërsa Hymnin Kombëtar Shqiptar e këndoi Jessica Raja.  Me emocion dhe respekt të ve ç antë u prit në sallë hyrja e skuadrës me ngjyrë blu të cilët mbanin në duar flamujt e Kombit Amerikan, të Nju Jorkut etj si dhe Flamurin e  Kombit Shqiptar.

Personalitete të larta të politikës amerikane si senatori Jeff Klein, Markos Crespo, ansmambleistë të shtetit të Nju Jorkut, avokatë,  miq të afërt të z.Mark Gjonaj i uruan me fjalë miradie për detyrën e re dhe me besim të plotë se ai do të vazhdonte punën plot sukses.

Ambasadorja e Shqipërisë në Washington lexoi përshëndetjen e kryeministrit Edi Rama, ndërsa Ambasadorja e Kosovës në Washington Vlora Çitaku lexoi përshëndetjen e presidentit të Kosovës z.Hashim Tha ç i dhe të kryeministrit z.Ramush Haradinaj.

Me duartrokitje të nxehta u shoqërua familja e z.Mark Gjonaj si bashkëshortja e tij fisnike znj.Roberta dhe dy djemtë e tyre kur u ngjitën në skenë për të shoqëruar betimin e tij.  Sipas traditës amerikane betimi i politikaneve të lartë bëhet duke vendosur dorën mbi librin e shenjtë, Biblën.

Gjykatësja Llinet Rosado, anëtare e Gjykatës së lartë të shtetit të Nju Jorkut performoi ceremoninë e betimit.

Përshëndetja e z.Mark Gjonaj ishte me përulje për zgjedhësit, me falënderime për shqiptaro amerikanët dhe me besimin e madh tek Zoti.  Ai premtoi se do të vazhdojë të ndihmojë të gjithë qytetarët duke e shtuar dhe më shumë besimin e tyre.

Auditoriumi mori një pamje të bukur festive me ngjyrat mahnitëse të kostumeve shqiptare kur në sallë hyri grupi i valleve “Rozafati” të drejtuara nga Angjelina Nika.  Ata përshëndetën me valle me motive ë bukura shqiptare në nderim të Këshilltarit të Bashkisë së Nju Jorkut z.Mark Gjonaj.

Ceremonia u mbyll me bekimin e Dom Pjeter Popaj, Famulltar i Kishës katolike “Zoja e Shkodrë” në Harstedale, New York.

Pas ceremonisë z.Mark Gjonaj dha intervistë për TV “Alba Life” me bashkëpunëtore zonjushen Rea Ulaj si dhe u morën intervista te mjaft aktivistëve të njohur të Diasporës si z.Ismet Kurti, z.Esad Gjonbalaj etj të cilët kishin ndihmuar në fushatën elektorale të zgjedhjes së tij në Bashki.

Zonja Vera Mjeku, njëkohësisht drejtore e stafit të z.Mark Gjonaj, falënderoi para kamerave të gjithë bashkëpunëtorët dhe vullnetarët që ndihmuan në fushatën elektorale dhe premtoi se do të vazhdojnë të punojnë më shumë për të pasur suksese të mëtejshme, Këshilltari i Bashkisë së Nju Jorkut z.Mark Gjonaj.

Dita e diel ishte një ditë nga më të veçantat, nga më emocionueset, ngase u ndjemë tejet krenarë si shqiptaro amerikanë kur nga podiumi i auditoriumit u dëgjua zëri i një shqiptaro amerikani të zgjedhur në nivelet e larta të politikës amerikane i cili po lë gjurmë të ndritura në historinë tonë kombëtare.

Dita e diel në Nju Jork ishte Dita e Mark Gjonaj si shqiptaro amerikani i parë i zgjedhur në Bashkinë e Nju Jorkut si dhe e Flamurit Kombëtar Shqiptar që qëndronte krenar përbri tij.

 

21 Janar, 2018

New York

 

 

 

Vdekja e dy motrave lezhjane në Zvicër, familja hap dyert e mortit

Vrasja e dy motrave nga Ishulli i Lezhës, Alma dhe Elda ka tronditur mbarë opinionin publik jo vetëm në vendin tonë. Familja Frroku ka hapur dyert e mortit, kurse disa pjesëtarë të familjes kanë shkuar në Zvicër për të tërhequr trupat e pajetë.

Familja e dy motrave, Alma dhe Elda Frroku në lagjen “Xhenjo” të Lezhës, që u vranë në Zvicër është në zi. Familjarët nuk janë në dijeni të ndonjë konflikti që mund të ketë çuar në vrasjen e dy vajzave të tyre 38 dhe 31 vjeçare.

Në Lezhë opinioni është shokuar. Familja e vajzave ka hapur dyert e mortit pret e përcjell ngushëllues. Kurse vëllai i motrave ka shkuar atje ku ka ndodhur ngjarja për të tërhequr kufomat.

Ato u vranë në rrethana ende të paqarta nga bashkëshorti i 38- vjeçares Alma Frroku. 54- vjeçari Ruzhdi Buzhala nga Kosova është ndaluar nga policia.

Çifti jetonte prej gati 20 vjetësh në Zvicër dhe nga martesa e tyre kishin 3 fëmijë. Ngjarja ndodhi në Hausen të Kantonit Aargau. Motra e Almës, e vogla kishte shkuar aty për të kaluar festat e fundvitit, por gjeti vdekjen e dhunshme./ABCNews

Flasin të afërmit e dy motrave të vrara në Zvicër: Alma dhunohej prej 18 vitesh

Të tjera detaje dalin në dritë nga krimi i dyfishtë që ndodhi në Zvicër pak ditë më parë, ku një shqiptar vrau gruan e tij dhe motrën e saj. Ngjarja e rëndë ndodhi në Hausen të Kantonit Aargau. Mësohet se shtetasi nga Kosova, 54-vjeçari me inicialet R.B akuzohet se vrau gruan e tij Alma B, 38-vjeçe dhe motrën e saj Eldën, 31 vjeçe. Kjo e fundit kishte ardhur nga Franca, ku jetonte prej vitesh për të kaluar festat e fundvitit tek e motra, por aty gjeti vdekjen e dhunshme.

‘Blick.ch’ shkruan se familjarët e viktimave, që janë nga Lezha, pasi janë njohur me lajmin e kobshëm kanë udhëtuar nga Franca për në Zvicër. Kështu, Kreshniku, bashkëshorti i motrës së tretë të viktimave, i cili jeton edhe ai në Francë ka ngritur akuza ndaj baxhanakut të tij, i cili ndodhet tashmë pas hekurave. Albinfo.ch bazuar tek rrëfimet e Kreshnikut, shkruan se çifti jetonte bashkë prej 18 vitesh, ndërsa kishin tre fëmijë, dy vajza: 16 dhe 7 vjeçe si dhe një djalë, 14-vjeçar. Mes të tjerash Kreshniku pohoi se kosovari e dhunonte prej vitesh gruan e tij, aq shumë sa e kishte bërë disa herë për spital.

Po ashtu, ai tregon se e kishte mbajtur të mbyllur, duke mos e lejuar të socializohej në Zvicër dhe të mësonte gjermanishten. Ndonëse gruaja kishte tentuar që ta denonconte bashkëshortin disa hera, nuk kishte pasur asnjëherë guximin. Së fundi ajo e kishte bërë këtë para një viti dhe sërish para 5 muajsh, transmeton Albinfo.ch. Por, policia, sipas Kreshnikut, nuk kishte ndërmarrë asgjë. Ndërsa një burim i Albinfo.ch, një banor i zonës ku jetonte edhe çifti, thotë se e njeh autorin e dyshuar për vrasjen e dyfishtë dhe se e priste që mund të ndodhte diçka e tillë. Sipas tij autori i dyshuar për vrasjet ka qenë pensionist invaliditeti dhe me gjendje jo të mirë financiare e sociale. Ai ka qenë edhe më herët i martuar me grua nga Kosova, ndërsa Alma ishte gruaja e dytë e tij.

vrasja-aagau-768x453

Ndërsa televizioni regjional ‘Tele M1’ i Aargaut ka biseduar me fqinj të familjes, të cilët kanë pohuar se disa herë nga banesa e tyre është dëgjuar zhurmë dhe grindje. Ndërkaq, sipas tyre, këto zhurma janë shpeshtuar dhe intensifikuar javëve të fundit, që i bie, nga koha kur motra e re e zonjës së shtëpisë kishte ardhur mysafire. Madje një ekspert i kriminalistikës (komisar policor i pensionuar) thotë për Tele M1 se ardhja e saj mund ta ketë acaruar situatën aq sa kosovari të ndihej i provokuar. Ai pastaj shton se fakti se vrasja është bërë në kuzhinë dhe me një thikë. Tele M1 flet, po ashtu, se tre fëmijët e mbetur pa nënë dhe me babanë e burgosur, janë vendosur në një strehimore fëmijësh në Brugg ku ndodhen nën përkujdesjen e autoriteteve.

Publikohet fotografia e të dyshuarit për vrasjen e dy grave kosovare në Zvicër

Një 54-vjeçar nga Kosova është arrestuar nga policia kantonale e Aargaut, pak pasi në një banesë në Hausen AG të Zvicrës, u gjetën trupat e pajetë të dy grave. 

Sipas informacioneve të para, raportojnë mediet zvicerane, dyshimet janë për një krim të kryer brenda familjes, pasi viktimat dhe i dyshuari dyshohet se janë në marrëdhënie familjare.

Polica ka njoftuar se më shumë informata rreth rastit do të japë pasdite, shkruan në shqip Gazeta Express.

‘Blick’ ka publikuar një fotografi të të dyshuarit, nga momenti i arrestimit të tij nga Policia.