Luftime të përgjakshme janë duke vijuar të ndodhin mes forcave ukrainase dhe atyre ruse gjatë orëve të fundit. Ushtria e Ukrainës pretendon se vetëm gjatë 24 orëve të fundit janë vrarë 960 ushtarë rusë.

Sipas shifrave të publikuara nga Kievi zyrtar, që prej fillimit të luftës forcat ukrainase kanë vrarë 415640 ushtarë rusë.

Ndërkohë, raportohet se dronët rusë kanë bombarduar qytetet e Odessa-s dhe të Kharkivit. Në Odessa, sipas mediave ukrainase, një person ka mbetur i vdekur, ndërsa 7 të tjerë janë plagosur.

Në Kharkiv janë dëgjuar disa shpërthime si pasojë e bombardimeve me anë të dronëve të tipit Shahed. Sipas të dhënave të publikuara nga Kievi, që prej 24 shkurtit 2022 kur Rusia nisi ofensivën në Ukrainë, më shumë se 20 mijë ndërtesa janë shkatërruar totalisht në Kharkiv, duke e bërë një nga qytetet që ka ndjerë më shumë luftën.sn