Lufta dhe presioni mbi financat publike po e detyrojnë Rusinë të shesë gjithnjë e më shumë nga rezervat e saj të arit. Në tremujorin e tretë të vitit 2026, Banka Qendrore e Rusisë shiti 18.66 ton ar, sasia më e madhe e regjistruar nga një bankë qendrore në botë gjatë kësaj periudhe, sipas Këshillit Botëror të Arit.

Rusia ka shitur ar për dhjetë muaj radhazi. Banka Qendrore po ndjek të njëjtën linjë me Ministrinë e Financave, e cila po përdor fondet e Fondit Kombëtar të Pasurisë për të mbuluar deficitin buxhetor. Mes dhjetorit 2025 dhe shtatorit 2026, rezervat e arit të vendit janë pakësuar me rreth 62 ton.

Ndërkohë, Kina është kthyer në blerësin kryesor të arit rus. Vetëm gjatë periudhës janar-korrik, rreth 100 ton ar rus kaluan përmes Hong Kongut, tre herë më shumë se në të njëjtën periudhë të vitit të kaluar.

Sipas vlerësimeve të Financial Times, që nga nisja e pushtimit në shkallë të plotë të Ukrainës, përmes Hong Kongut është transportuar ar rus me vlerë rreth 35 miliardë dollarë. Shitjet në rritje tregojnë presionin që lufta po ushtron mbi rezervat financiare të Moskës. bw