Kryetari i Komunës së Preshevës, Shqiprim Arifi me anë të një postimi në rrjetet sociale, ka bërë me dije se Serbia e ka dënuar me 55 mijë dinarë, për shkak se vendosi flamurin shqiptar në ditën e Pavarësisë në selinë e partisë së tij, Alternativa për Ndryshim, dega Bujanoc.
Arifi shprehet se ky vendim është pjesë e kolazhit diskriminues dhe shkeljeve të drejtave sistematike individuale, kolektive të shqiptarëve të Luginës së Preshevës.
Ai shton se ndërsa Kosova është në fazën finale për themelimin e Asociacionit të komunave me shumicë serbe, shqiptarëve të Luginës së Preshevës i mohohen të drejtat elementare njerëzore siç është vendosja e flamurit kombëtar.
Postimi i plot:
Deri kur?
55.000 dinarë dënim për vendosjen e Flamurit Kombëtar Shqiptar 🇦🇱
Sot kam pranuar dënimin prej 55.000 dinarë nga Gjykata për Kundërvajtje në Vranjë lidhur me vendosjen e flamurit kombëtar në selinë e Alternativës për Ndryshim — dega Bujanoc, me rastin e festës së 28 nëntorit, ditës së Flamurit.
Gjykata në fjalë ka nxjerrur AKTVENDIM lidhur me vendosjen e flamurit kombëtar shqiptar në selinë e partisë tonë në Bujanoc, me ç’rast ky dënim përbëhet prej 5000 dinarëve ndaj mua si person përgjegjës në pozitën e kryetarit të partisë “Alternativa për Ndryshim”, ndërkaq 50.000 dinarë për subjektin politik që kam drejtuar deri në shkurt të këtij viti, kur është datuar edhe ky aktvendim.
Ky aktvendim është pjesë e kolazhit diskriminues dhe shkeljeve të drejtave sistematike individuale, kolektive të shqiptarëve në Luginën e Preshevës.
Derisa përgatitjet e Qeverisë së Republikës së Kosovës janë në fazën finale për themelimin e ashtuquajturës “Asociacioni i komunave me shumicë serbe — Zajednica” me kompetenca të plota ekzekutive, shqiptarëve në Luginën e Preshevës i mohohen të drejtat elementare njerëzore siç është vendosja flamurit kombëtar.
Hapat e regresit të drejtave e minoritetit shqiptar në Serbi kanë një funksion divergjence me të drejtat e minoriteve serbe në Republikën e Kosovës.
Sa më shumë të drejta për serbet në Kosovë aq më pak të drejta për shqiptarët në Serbi. Deri kur? Panorama
Z. Marie…nuk e shikon se c’behet?! Babain tend qe nuk u perkul kurre dhe qe s’harxhoi nje varg per diktaturen dhe Enverin nuk e morem vesht kur dhe si vdiq. Poetit te madh qe mund te krahasohej vetem me Migjenin dhe shkroi vargje te lira per atdheun, lirine dhe dashurine, kryetari i lidhjes se shkrimtareve i asaj kohe, dmth Driteroi, nuk lejoi t’i behej nje ceremoni e thjeshte aty, ne shtepine e shkrimtareve. Dje, sot e gjithe diten, Driteroit po i behen nderimet, si te ishte Jezusi….Vete kryeministri jone, do kryesoje ceremonine e varrimit qe do nise nga pallati i kongreseve!!
Prandaj te ndodh ajo qe te ndodh…Keta respektojne vetem ata qe kane punuar per komunizmin, te tjeret i shkelin me kembe! Kjo ndodh me vendin tone, qe eshte akoma nen thundrren e komunisteve dhe pjellave te tyre! Perlat e Lazgushit nuk harrohen, por kendohen, ndersa Driteroi shume shpejt do harrohet…
Uroj qe ti zgjidhesh problemet, megjithese duket e veshtire!