Rreth orës 10 të ditës së sotme, në qytetin e Mitrovicës, është larguar një pllakë e madhe metalike, e cila mbante flamurin e Serbisë.

Nga Policia e Kosovës kanë konfirmuar për Klan Kosova, rreth këtij veprimi.

“Sot Policia ka bërë sigurimin në Lagjen Kroi i Vitakut, derisa në vizitë ishin ministri i Punëve të Brendshme, Xhelal Sveçla dhe ministri i Pushtetit Lokal, Elbert Krasniqi. Gjatë kësaj kohe është larguar edhe billboradi që kishte qëndruar aty në afërsi”, tha për Klankosova.tv, Veton Elshani, zëvendësdrejtor i policisë për rajonin e veriut.

Në fakt ky billbord ka qëndruar në këtë kodër tash e sa vite, përderisa është i dyti që hiqet nga organet e rendit.

Javën që shkoi në magjistralen Mitrovicë-Leposaviq, më saktësisht në dalje të Zveçanit, u largua billboardi që mbante fotografitë mes tjerash të presidentit të Rusisë Vladimir Putin, dhe atij të Serbisë, Aleksandar Vuçiq.