Kush ore kush – Poezi nga Neki Lulaj

June 12, 2024

Kush na vrau në djep fëmijët

do mallkohet jetë e mot

Kush në buzë gazin na ngriu

lumturinë mos e provoftë

Kush na vë lotin tek sytë

iu bëftë trupi si kërcuri

Dhimbja jonë jetën na nxiu

U bënë  foshnjat lule guri

Sheh shqiponja kaltërsinë

Vjen nga lartësija e Korabit

Rron kujtimi i përtërirë

Sjell të fala Dardania

Për fëmijët ngrej bajrak

e baj këngën lule bjeshke

Shpirti ynë është i vrarë

po nuk thyhet në rrebeshe.

Zgjojmë nga shekuj trimërinë

krenarinë që përcjell brezi

SE për tokën dhe lirinë

Në lahutë e latoj telin

Për fëmijët e thur këngën

si bajrak që kuqëlon

Abetarja ma zgjon ëndrrën

për këtë tokë që më krenon….

• twitter

  Follow
• facebook
• linkedin

Fjalë kyçe: NEKI LULAJ