Tre djem të rinj që ishin marrë peng nga Hamasi nga Gaza janë vrarë gabimisht nga ushtria izraelite.

Yotam Haim, 28 vjeç, Samer Talalka, 22 vjeç dhe Alon Shamriz, 26 vjeç u identifikuan gabimisht si “kërcënim” nga forcat e armatosura të Izraelit.

Yotam Haim ishte një muzikant që i pëlqente kafshët dhe gatuante ushqime italiane. Ai u rrëmbye nga Kibbutz Kfar nga Hamasi.

Samer Talalka ishte i apasionuar mbas motoçikletave i pëlqente të udhëtonte në fshat dhe të kalonte kohë me miqtë. Ai u mor peng nga Hamasi nga Kibbutz Nir Am dhe një foto e tij duke u keqtrajtuarnga Hamasi në Gaza u shpërnda gjerësisht në Telegram.

Familja e Alon Shamriz ka lëshuar informacione të kufizuara dhe fillimisht nuk ka dashur që ai të identifikohet.

Ne e dimë se ai u mor nga i njëjti kibuc si Yotam Haim gjatë sulmeve të Hamasit më 7 tetor.

Forcat e Mbrojtjes të Izraelit (IDF) thanë se incidenti i së premtes ishte nën hetim dhe se “shpreh keqardhje të thellë për incidentin tragjik dhe u dërgon familjeve ngushëllimet e saj të përzemërta”.

“Misioni ynë kombëtar është gjetja e të zhdukurve dhe kthimi i të gjithë pengjeve në shtëpi”,” shtoi ajo.

Qindra njerëz u mblodhën në qendër të Tel Avivit pas njoftimit dhe marshuan në një bazë ushtarake të IDF në qytet, duke i bërë thirrje qeverisë të sigurojë një marrëveshje për lirimin e pengjeve të mbetura.

Demonstruesit mbanin qirinj dhe pankarta ku shkruhej “Sillini [ata] në shtëpi”; dhe “Shkëmbimi i pengjeve tani!”

Trupat e tre djemve janë kthyer në territorin izraelit, ku kontrollet konfirmuan identitetin e tyre.sn