Kur në festën e grurit dekorohen krundet- Poezi nga FATBARDH AMURSI

June 18, 2025

Ku vanë gjithë ato elozhe për arën me grurë,

Për kallzën me kokën plot,

Për fjalët me brumë,

Kur në festën e grurit dekorohen krundet,

Komplementohet kashta në emër të bykut

Dhe himet mburren për firot

Që, gjoja, na paskan duk?!

.

Në festën e grurit

I parë del krundja,

I dyti pabuksi,

I treti një bukëshkal,

Dhe e gjithë majmëria i duartroket,

Ndonëse i kanë hequr kotheren fukarasë.

.

Kur në festën e grurit dekorohen krundet,

Vetja të duket,

Si kali që vërtitet në lëm,

Dhe turren drejt teje ata të llaçes

Kapistallin për të vënë?!

.

Fatbardh Amursi

• twitter

  Follow
• facebook
• linkedin

Fjalë kyçe: Fatbardh Amursi