Financimi do të mbështesë programet që identifikojnë dhe lokalizojnë fëmijët që janë larguar me forcë nga shtëpitë e tyre, si dhe qeverinë ukrainase dhe partnerët lokalë për t’u kujdesur për fëmijët që kthehen.

SHBA- Departamenti Amerikan i Shtetit njoftoi ditën e djeshme se do të ofrojë 25 milionë dollarë për identifikimin, kthimin dhe rehabilitimin e fëmijëve që janë larguar me forcë nga Ukraina.

Financimi do të mbështesë programet që identifikojnë dhe lokalizojnë fëmijët që janë larguar me forcë nga shtëpitë e tyre, si dhe qeverinë ukrainase dhe partnerët lokalë për t’u kujdesur për fëmijët që kthehen.

Zonja e Parë e Ukrainës

Olena Zelenska, e cila po viziton SHBA-në, po lufton për kthimin e fëmijëve nga Ukraina në atdheun e tyre dhe gjatë vizitës së saj në SHBA u takua me zyrtarë të Departamentit të Shtetit. Mediat shkruajnë se ajo tha se ishte mirënjohëse ndaj qeverisë amerikane dhe Kongresit që e bënë atë prioritetin e tyre.

“Pas çdo numri është një fëmijë, një familje, një jetë që pret të rikthehet. Çdo fëmijë ukrainas duhet të kthehet në shtëpi”, shkroi ajo dje në X.

Programi për kthimin e fëmijëve që janë larguar ose rrëmbyer me forcë nga forcat ruse është një iniciativë e presidentit  Volodymyr Zelensky. Qëllimi i tij është të kthejë në zona të sigurta fëmijët që janë deportuar në Rusi ose janë kufizuar në zonat e pushtuara nga Rusia të Ukrainës.

Ditën e djeshme u njoftua se janë kthyer më shumë se 2.000 fëmijë të tillë. Ukraina aktualisht po përpunon rastet e 20.570 fëmijëve që janë dëbuar dhe larguar me forcë, tha ai.

Një hetim i Kombeve të Bashkuara arriti në përfundimin në fillim të këtij muaji se dëbimi dhe transferimi i fëmijëve nga Ukraina pas pushtimit rus në vitin 2022 përbën një krim kundër njerëzimit. Rusia ka mohuar vazhdimisht rrëmbimin e fëmijëve, duke thënë se ka vepruar për t’i mbajtur ata të sigurt nga konflikti./Dosja.al