Natën e parë të martesës, pas një festimi të gjatë, nusja e një polici mbetet vetëm në dhomën e saj të gjumit për një kohë të gjatë.

Ajo pyet veten pse burri i saj kalon kaq shumë kohë në ballkonin e hotelit në vend që t’i bashkohet asaj…

E lodhur nga pritja, ajo vendos ta pyesë: “Zemër, ke qenë atje jashtë në tarracë për tre orë tashmë, pse nuk vjen të flesh? Do të ftohesh!”

“Jo, e dashur, nuk mundem! Babai im gjithmonë më thoshte se kjo do të ishte nata më e mirë e jetës sime, dhe unë me të vërtetë nuk dua ta humbas!!!”

Djali kthehet nga shkolla dhe i drejtohet me kuriozitet prindit të tij:

“Babi, ku është Mongolia?”

“Pyete nënën tënde, vetëm ajo e di se ku i vendos gjërat!!!”

Një pacient i bie ziles së derës së një kirurgu të njohur dhe gjen atje vajzën shtatëvjeçare të mjekut.

“Përshëndetje, vogëlushe, a është aty babai yt, profesori?”

“Jo, sapo e thirrën për një heqje apendisiti!”

“Uau, e di vërtet ç’është kjo! A e di çfarë është një heqje apendisiti?”

“Po, zotëri. Janë rrafsh tri mijë euro!!!”

Një pacient shkon te mjeku: “Doktor, kam dhimbje në shpatulla…”

Mjeku e kontrollon dhe i thotë:

“I dashur, ke nevojë për shumë diell.”

Pacienti, i habitur, përgjigjet menjëherë:

“Doktor, a je i sigurt për atë që po thua?!”

Mjeku, i pakënaqur:

“Po përpiqesh të më mësosh mua, që jam mjek prej 30 vjetësh?!”

“Dhe do të më mësosh mua, që jam roje plazhi prej 40 vjetësh?!”

Okulisti e pyet Thimin për gruan e tij.

“Pra, z. Thimi, si është shikimi i gruas suaj?”

“Çfarë të them, doktor?! Uljet dhe ngritjet e zakonshme. Ajo gjithmonë mund të shohë një fije floku bionde në xhaketën time, por prapë nuk mund ta shohë derën e garazhit kur parkon!!!”

Një fermer që vuan nga dhimbje të forta në mëlçi shkon të vizitohet nga një gastroenterolog i njohur.

Profesori e fton brenda dhe fillon historinë e tij mjekësore:

“A pini?”

“Po, doktor, me kënaqësi do të pija një teke, faleminderit!!!”

Burrë e grua shkojnë te mjeku sepse burri nuk ndihet aspak mirë.

Mjeku e ekzaminon dhe më pas kërkon të flasë privatisht me gruan e tij.

“Zonjë, më vjen keq t’ju them se burri juaj është shumë i mërzitur dhe për këtë arsye duhet ta akomodoni në çdo mënyrë. Për shembull, nëse nuk do të shkojë në punë, le të rrijë në shtëpi; nëse do mëngjes në shtrat, silljani; nëse do të dalë me miqtë në mbrëmje, le ta bëjë.”

Gruaja e shqetësuar pyet: “Nëse nuk ia bëj këto, çfarë mund të ndodhë?”

Dhe mjeku: “Nëse nuk ia bëni këto, zonjë, burri juaj do të vdesë!”

Pasi largohen nga zyra, burri është i shqetësuar të dijë se çfarë tha mjeku:

“Atëherë, zemër, çfarë të tha? A duhet të shqetësohem?”

“Tha se do të vdesësh së shpejti!!!”

Dy miq takohen përsëri pas pak kohe.

Njëri pyet tjetrin:

“E pra, Mark, si je? Çfarë gjërash të reja ke për të më thënë?”

“Po shkon mjaft mirë. Kam shkuar në një klinikë për rreth një muaj për të trajtuar problemet e mia me kujtesën.”

“Dhe a po të ndihmon?”

“Do të thoja që po, jam pothuajse i shëruar!”

“Më fal që të ndërpres, por si quhet kjo klinikë?”

“Ëh… e njeh atë festën që bie drejt fundit të vitit me pemën dhe skenën e lindjes së Krishtit…?”

“Po flet për Krishtlindjet?”

“Po, mirë, kjo. Shiko, në skenën e lindjes së Krishtit ka edhe dy kafshë…”

“Kau dhe gomari…”

“Dhe pastaj është një grua, apo jo?”

“Po, virgjëresha!”

“Më kujton emrin e saj?”

“Maria.”

Marku pastaj e thërret gruan e tij:

“Mariaaaaaa, a do t’i tregosh Lukës emrin e klinikës ku po trajtohem?!!”

Në sallën e pritjes së një dentisti, një pacient e shikon me vëmendje një pacient tjetër, i cili është dukshëm shumë i zbehtë, dhe pyet:

“Je mirë?”

“Po, jam vetëm i frikësuar, me të vërtetë i frikësuar!” i përgjigjet tjetri.

“Është kjo hera juaj e parë?”

“Jo, jo… Kam pasur frikë edhe më parë!”

Një zonjë e moshuar shtrihet në shtrat me ethe dhe telefonon mjekun e saj.

Doktor, nuk ndihem mirë, kam ethe të lartë!

Doktori e pyet:

“Dëgjo, a po të kërcasin dhëmbët?”

Zonja e moshuar:

“Prit një sekondë, më lër të shikoj… jo, janë shumë mirë mbi komodinë!”

Shoqata e Psikiatërve të Shqipërisë informon:

Gjatë “Rilindjes”, është normale të flisni me lulet, me bimët dhe me vazot e tyre.

Na kontaktoni vetëm nëse ato ju përgjigjen!!!…

Një mjek po i mat pulsin një gruaje dhe, duke kuptuar se diçka nuk shkon, i thotë pacientes:

“Zonjë, pulsi juaj është shumë i ngadaltë.”

“Mos u shqetësoni,” përgjigjet gruaja. “Nuk e kam me nxitim!!!”