Një grup ndërkombëtar zyrtarësh të lartë janë në një konferencë në një anije kur ajo fillon të fundoset.
Kapiteni urdhëron vartësin e tij kryesor në bord të ngrejë alarmin dhe t’i largojë të gjithë nga anija.

Pak minuta më vonë ai kthehet shumë i shqetësuar dhe thotë:
– Nuk mund t’i bind, janë të pavendosur!
– Qëndro këtu dhe po shkoj unë!, – thotë komandanti.

Komandanti shkon dhe pas disa minutash, i qetë dhe i kthjellët, kthehet dhe thotë:

– Punë e kryer, të gjithë u hodhën në det, bregu nuk është shumë larg!

Por si i bindi ti?

– Me psikologji. Iu thashë anglezëve në gjuhën e tyre se do të ishte një gjest sportiv dhe ata u hodhën. Iu thashë francezëve në gjuhën e tyre se do të ishte gjest elegant; iu thashë gjermanëve në gjuhën e tyre se kështu është urdhëri; iu thashë rusëve në gjuhën e tyre se ky është një akt revolucionar dhe amerikanëve në gjuhën e  tyre se ishte e sigurtë që do t’ua paguajmë të gjitha dëmet.

– Po shqiptarët? si i binde shqiptarët?

– Shumë thjesht: iu thashë shqip se është e ndaluar me ligj të hidhesh në det me not kur anija është duke u fundosur!!!