Kemi prej 2021 që presim protesta,

Pritëm nga Foltoret Rithemelimin,

por na zhgënjyet

Rithemelimin e shkëmbyet me Riciklimin

Ricikluat establishmentin e 2013 me gjithë ata të 8 Janarit,

me stilin e vjetër të mospërfshirjes, të përjashtimit

pa asnjë reflektim, pa asnjë katharsis,

pa asnjë ndjesë qindra mijë demokratëve!

Do të kemi protesta sot e protesta mot,

protesta në dimër e protesta në behar…

Proteston bota dhe i rrëzon e i ndryshon qeveritë

vetëm në Shqipëri nuk protestohet,

vetëm në Shqipëri bën qejf qeveria më e korruptuar e Europës,

sepse nuk ka opozitë!

Dr.Berisha thotë se me Edvinin kryeministër nuk fitojmë dot

dhe ka katër vjet që projekton protesta

pa protestues,

E pyesin gazetarët çdo herë,

kanë katër vjet që e pyesin gazetarët,

po kur Doktor,

kur do të protestoni?!

Ja sot, ja nesër, ja pasneser, ja më 22 dhjetor 2025,

Në 22 dhjetor një tjetër cirkiadë dy-tre orëshe –

dhe pastaj në pritje të protestave

si në pritje të Godosë

Keni dështuar Doktor Berisha,

më vjen keq që e pohoj këtë

më vjen keq për veten dhe qindra mijë demokratë që ju besuam,

Ju besuam si njerëz të lirë, pa jua patur nevojën,

Ju kërkuam të drejtën tonë, shtetin e së drejtës –

Atdheun e lirë –

por ju jeni peng i Edvin Ramës –

ai që mblodhi 35 firmat për Endri Shabanin është peng i Edvin Ramës,

ata 35 firmëtarët janë pengje të Edvin Ramës –

Ju i mashtruat njerëzit tuaj, u tallët me ta, u tallët me ne dhe me firmat tuaja Edvin Rama votoi njeriun e vet,

E njëjta tragjikomedi u luajt më 9 Nëntor në zgjedhjet lokale,

ishit ju që i bojkotuat!

S’ka ndjesë Doktor.

Ky ishte Kapitulli i fundit.

Më 11 dhjetor 2025

ju Dr.Berisha duhej të lajmëronit fundin e PD.