KANGA E TË VORFNIT – Poezi nga HILË MOSI

April 8, 2023

Prind nuk kam

I vorfën jam

E rroben kam të vjetër,

Me buk’ e krypë,

Që rri tue lypë,

Kaloj prej ditës m’nji tjetër.

.

Nuk kam shtëpi,

As se ku rri:

Ndër rruga un’ kam mbetun!

Pothuej gjith’ herë,

Se nën nji derë

Un’ natën shkoj me fjetun.

.

Gjith’ bota lot

E kush s’ma thot’

Nji fjalë që me m’gushlluemun.

Njerzi` pse m’qeshë,

Pa buk’ e veshë,

Që kurr nuk jam i gzuemun?!

• twitter

  Follow
• facebook
• linkedin

Fjalë kyçe: HILË MOSI