VOAL

VOAL

Copyright © 2022

VOAL

Kandidati i pavarur Eduart Brahilika: Matjanë, për familjen tuaj, për fëmijët tuaj, për fshatrat tona, për dinjitetin tonë të përbashkët, dilni e VOTONI me zemër!

November 9, 2025
VOAL- Kandidati i pavarur për kryetar bashkie në Mat, Eduart Brahilika, iu ka dhënë këtë mesazh matjanëve në vigjilje të votës së 9 nëntorit:
Të nderuar bashkëqytetarë të Matit,
Kjo fushatë po mbyllet, por beteja për dinjitetin e Matit sapo nis.
E di që këto ditë keni parë e dëgjuar shumë. E di që po luhet fort, që po ushtrohet presion, që po përdoret çdo mjet për të mbajtur pushtetin në duart e pak njerëzve. Por dua ta them qartë se kundërshtari im nuk është kandidati formal. Ai është thjesht një emër në fletën e votimit.
Kundërshtari im i vërtetë është Agron Malaj, ish kryebashkiak e sot deputet, që përpiqet ta mbajë Matin peng duke komanduar në prapaskenë çdo gjë, edhe kandidatin e tij.
Por më 9 nëntor, fjala nuk është më e tyre.
Është e juaja.
Është e qytetarëve që duan ta çlirojnë Matin nga frika, nga padrejtësia dhe nga varësia e një grushti njerëzish.
🗳️ Voto Eduartin. Çliro Matin.
Kjo është motoja ime, por më shumë se kaq është thirrja e një brezi që nuk pranon më të jetojë nën hijen e frikës.
E nderuar administratë, ju e dini më mirë se kushdo se çfarë do të thotë të punosh me zemrën në dorë, por me frikën në shpinë.
E di që ju kanë sjellë deri aty sa të mendoni se duhet të votoni për të ruajtur një vend pune. Por mos harroni: asnjë vend pune nuk vlen më shumë se dinjiteti juaj.
Mos e lejoni askënd t’ju mbajë peng me bukën e gojës suaj.
Unë ju jap fjalën e nderit se Bashkia nuk do jetë më institucioni që ju keqtrajton e ju shfrytëzon. Do jetë shtëpia e barazisë, ku paga e punës nuk është më plaçkë për drejtorët, por e drejtë për secilin prej jush.
Matjanë, për familjen tuaj, për fëmijët tuaj, për fshatrat tona, për dinjitetin tonë të përbashkët, dilni e VOTONI me zemër!
Voto Eduartin, Çliro Matin.
Sepse kjo bashki duhet t’u përkasë qytetarëve, jo individëve.
Në këto orë të fundit, ju kërkoj vetëm një gjë: mos heshtni.
Nëse shihni presion, kërcënim, blerje vote më shkruani. Ti denoncojmë këta hajdutë të lirisë.
Sepse kjo nuk është vetëm një garë politike është një garë për shpirtin e Matit.
Ju jap fjalën e nderit, atë mbi të cilën kam ngritur këtë kandidaturë dinjitoze:
dera e Bashkisë do jetë e hapur për çdo qytetar.
Halli juaj do jetë edhe imi.
Zëri juaj do dëgjohet.
Me zemër për Matin. Për një Mat që ngrihet, që beson, që fiton.
  • twitter
  • facebook
  • linkedin
Fjalë kyçe: ,

Lajmet me interesante

Lajmet e fundit

ARKIVA E LAJMEVE

Kliko këtu për të parë arkivën e lajmeve

Send this to a friend