Voal.ch – Suhade Cakrani e datëlindjes 1920 ishte vajza e Hajredin Bej Cakrani, firmëtarët të pavarësisë përfaqësuesi Fierit dhe Mallakastrës në Kuvendin e Vlorës.

Suhade Cakrani përfundoi studimet për Arte të bukura në qytetin e Firences, Itali.

Pas përfundimit të studimeve kthehet në Shqipëri, por jo përfundimisht sepse jetonte ndërmjet Firences dhe Tiranës dhe Parisit.

Në vitin 1942 ndërroj jetë i ati Hajredin Cakrani dhe ju desh të qëndronte pak më gjatë në Shqipëri, sepse kishte të ëmën Iftizarin dhe duhej t’i qëndronte pranë.

Ndërkohë lufta civile kishte nisur, vëllezërit e saj ashtu si të gjithë djemtë e familjes Cakrani u angazhuan me çetat nacionaliste dhe Suhades ju desh të qëndronte në shtëpi për shkak të rrethanave të krijuara.

Në fundin e vitit 1944 dhe fillimin e vitit 1945, familjes i sekuestrojnë pasuritë e tundshme dhe patundshme, shtëpi dhe çdo gjë duke i lënë bashkë me mamanë Iftizarin në mesin e katër rrugëve,

i arrestojnë vëllezërit, Hajdarin në tentativë për t’u larguar nga Shqipëria,

Vasfiun studentin e Sorbonës dhe Hysenjin.

Pas një gjyqi farsë Hajdarin me urdhër të Enver Hoxhës e varin në mes të Fierit, ndërkohë dy të tjerët u burgosën.

Varjen e vëllait Suhada e përjetoi shumë keq.

Kështu nisi kalvari vuajtjeve dhe diskriminimit të të gjitha formave.

Suhada u kujdes për vëllezërit që ishin në burg dhe për mamanë që tashmë ishte e rënduar psikologjikisht.

Në vitin 1953 ndërron jetë e ëma Iftizari.

Suhada e mbetur vetëm dhe në kushtet e një depresioni të thellë për shkak të terrorit,

në rrethana krejt misterioze e mbyllin në çmendin deri sa ndërroi jetë në vitin 1957, kur ishte vetëm 35 vjeçe.

Sot kjo vajzë është pa varr.

Ashtu si të gjithë pjesëtarët e tjerë të familjes. I ati firmëtari i pavarësisë, e ema dhe vëllezërit./Voal.ch