Shqiptarët do të zbresin sërish sot në shesh në atë që shënon ditën e 70-të të rezistencës qytetare kundër kryeministrit Edi Rama dhe kabinetit të tij.

Tubimi poshtë kryeministrisë dhe origjina e revoltës
Protestuesit pritet të mblidhen përreth e poshtë zyrës së kryeministrit Edi Rama, ku do të vijojnë të përsërisin njëzëri thirrjen për dorëheqjen e tij nga detyra.

Ajo që fillimisht nisi si një reagim lokal ndaj një projekti për ndërtimin e një resorti turistik në Zvërnec, tashmë ka marrë përmasa mbarëkombëtare dhe është shndërruar në një lëvizje me kërkesa të drejtpërdrejta politike.

Me thirrjen kryesore “Jep dorëheqjen!”, qytetarët që mbushin sheshin po kërkojnë ndryshime të thella e rrënjësore në mënyrën se si funksionon i gjithë sistemi politik në vend. Kërkesat e tyre janë zgjeruar edhe me largimin e klasës së vjetër politike.

Sipas organizatorëve dhe pjesëmarrësve në protestë, qëllimi përfundimtar i kësaj qëndrese 70-ditore është sjellja e një ndryshimi të vërtetë politik e institucional, duke u shkëputur nga politika tradicionale dhe duke vendosur një model të ri përfaqësimi. bw