Ka vdekur legjenda e futbollit argjentinas, Diego Maradona. Agjencia Reuters raporton se ai ka vdekur pas një sulmi në zemër në moshën 60 vjeçare.

Ish-mesfushori dhe menaxheri sulmues i Argjentinës kishte një operacion të suksesshëm pas një mpiksje gjaku në tru në fillim të nëntorit.

Pastaj u njoftua se ai do të trajtohej për varësi nga alkooli.

Një nga lojtarët më të mirë të të gjitha kohërave, Maradona ishte kapiten kur Argjentina fitoi Kupën e Botës më 1986.

Gjatë karrierës së tij ai ka luajtur për Barcelonën dhe Napolin, duke fituar dy tituj në Serie A me skuadrën italiane.

VOAL – Ndërron jetë në moshën 60-vjeçare futbollisti legjendar argjentinas Diego Armando Maradona.

Nesër do të fillojë java e katërt e ndeshjeve të sezonit 2020-2021 të Ligës së Kampionëve të UEFA-s, garës më prestigjioze të futbollit evropian të klubeve, raporton Anadolu Agency (AA).

Ndeshjet e raundit të katërt do të luhen më 24 dhe 25 nëntor, ndërkohë që përballja derbi që dallohet këtë javë është ajo midis Interit dhe Real Madridit që do të zhvillohet të mërkurën.

Ndërkaq, Medipol Başakşehir, ekipi që këtë vit po përfaqëson Turqinë në Ligën e Kampionëve, nesër do të jetë mysafir kundër Manchester United.

Programi i ndeshjeve:

E martë (24.11.2020)

18.55 Rennes (Francë) – Chelsea (Angli)

18.55 Krasnodar (Rusi) – Sevilla (Spanjë)

21.00 Lazio (Itali) – Zenit (Rusi)

21.00 Borussia Dortmund (Gjermani) – Club Brugge (Belgjikë)

21.00 Dinamo Kiev (Ukrainë) – Barcelona (Spanjë)

21.00 Juventus (Itali) – Ferencvaros (Hungari)

21.00 Paris Saint-Germain (Francë) – Leipzig (Gjemani)

21.00 Manchester United (Angli) – Medipol Başakşehir (Turqi)

E mërkurë (25.11.2020):

18.55 Borussia Mönchengladbach (Gjermani) – Shakhtar Donetsk (Ukrainë)

18.55 Olympiakos (Greqi) – Manchester City (Angli)

21.00 Bayern Munich (Gjermani) – Salzburg (Austri)

21.00 Atletico Madrid (Spanjë) – Lokomotiv Moscow (Rusi)

21.00 Inter (Itali) – Real Madrid (Spanjë)

21.00 Olympique Marseille (Francë) – Porto (Portugali)

21.00 Ajax (Holandë) – Midtjylland (Danimarkë)

21.00 Liverpool (Angli) – Atalanta (Itali)

Sinisha Mihajloviç ka publikuar së fundmi librin e tij autobiografik dhe mes kujtimeve aty, ka zbardhur të plotë edhe mesazhin që ka marrë nga kryeministri i Shqipërisë, Edi Rama. I referohet periudhës kur trajneri serb ishte i sëmurë dhe po luftonte me leuçeminë. Ish-futbollsti i Crvena Zvezdës, Romës, Lacios, Sampdorias dhe Interit, një nga nacionalistët më të mëdhenj serb, tregon se numrin e telefonit të Edi Ramës ia kishte dhënë miku i tyre i përbashkët, Aleksandar Vuçiq.

“Gjithnjë, nëpërmjet Vuçiçit, mora edhe një mesazh tjetër të bukur nga Edi Rama”, rrëfen ndër të tjera Mihajloviç.

“Panorama Sport” ka siguruar mesazhin e Ramës, të cilin Mihajloviç e ka publikuar të plotë në librin e tij të titulluar “La partita della vita” (Ndeshja e jetës).

“I dashur mister, jam Edi Rama, kryeministri i Shqipërisë, ish-lojtar i Kombëtares së basketbollit shqiptar dhe një admirues i vjetër i Sampdorias së Vujadin Boshkovit. E mora numrin tuaj të telefonit nëpërmjet mikut tonë të përbashkët, Aleksandar Vuçiç. Folëm për ju dje në mbrëmje këtu në Novi Sad. Kam dashur gjithnjë t’ju shprehja admirimin tim për egërsinë me të cilën po përballoni armikun tuaj më të frikshëm të jetës, por edhe për t’ju thënë se pasi keni mundur shumë portierë direkt nga goditjet e dënimit, ju me siguri jeni i zoti të mundni edhe hijen që është vendosur mes jush dhe portës tuaj të së ardhmes. E di shumë mirë rrezikun që mesazhe të tilla solidariteti mund të bëhen të mërzitshme për një kokëfortë si puna juaj, por ju siguroj se ky i imi nuk është një mesazh i kësaj natyre. Përkundrazi, është shprehje e një admirimi antik

Shqipëria triumfon në ndeshjen më të rëndësishme të sezonit, nuk zhgënjen përballë Bjellorusisë duke siguruar një biletë për në fazën çerekfinale të Ligës së Kombeve. Me 11 pikë në 6 ndeshje, kuqezinjtë rrëmbejnë kreun e grupit duke bërë një hap shumë të rëndësishëm, sezonin e ardhëm të këtij turneu kalojnë në grupin B. Kjo ishte një fitore shumë e rëndësishme edhe për trajnerin Edy Reja, i vendosur jo pak herë në pikëpyetje. Në “Air Albania” të besuarit e italianit zhvilluan një pjesë të parë fantastike, ku Cikalleshi dhe Rey Manaj dhuruan spektakël ofensiv.

Në minutën e 19-të, Memolla hodhi në zonë një kros perfekt, aty ku me kokë Cikalleshi dërgoi topin në rrjetë dhe Shqipërinë në avantazh. Në minutën e 26-të, Rey Manaj arrin të fitojë një 11-metërsh ndërsa nga pika e bardhë e penalltisë, Cikalleshi nuk gaboi duke realizuar edhe golin e dytë për Shqipërinë.

Shqipëria uli ndjeshëm ritmin e lojës në fraksionin e dytë duke qarkulluar topin në përpjekje për të ruajtur avantazhin e dyfishtë. Bjellorusët besuan dhe u futën sërish në lojë në minutën e 80-të duke ngushtuar diferencat në 3-2. Minuta e mbetura nuk sollën ndryshim në rezultat me kuqezinjtë që festojnë për këtë arritje të rëndësishme.

Kaskaderi francez dhe sportisti i sporteve ekstreme, Vincent Reffet humbi jetën në një incident gjatë stërvitjes në Dubai, njoftoi ekipi i tij në një deklaratë, transmeton Anadolu Agency (AA).

I njohur si “Jetman”, 36 vjeçari Reffet, ishte pjesë e ekipit “Jetman Dubai” dhe i famshëm për kërcimet-BASE nga ndërtesa më e lartë në botë, Burj Khalifa si dhe vargmalet e Alpeve.

“Me një trishtim të paimagjinueshëm njoftojmë për vdekjen e Jetman Pilot, Vincent (Vince) Reffet, i cili humbi jetën mëngjesin e 17 nëntorit gjatë trajnimit në Dubai”, tha “Jetman Dubai” në një deklaratë.

“Vince ishte një sportist i talentuar dhe anëtar shumë i dashur dhe i respektuar i ekipit tonë. Mendimet dhe lutjet tona janë me familjen e tij dhe të gjithë ata që e njohën dhe punuan me të”, shtoi ai.

Ish-kampioni i peshave të rënda Mike Tyson do të luftojë në një ndeshje në fund të këtij muaji, transmeton Anadolu Agency (AA).

Tyson do të takohet me Roy Jones në një ndeshje jozyrtare me 8 raunde në ora 21:00 sipas kohës lokale më 28 nëntor në Dignity Health Sports Park në Los Angeles.

54-vjeçari e përfundoi karrierën e tij me 50 fitore dhe gjashtë humbje. Nga 50 fitoret e tij, Tyson pretendon 44 prej tyre me nokaut.

Me fitoren e tij ndaj Trevor Berbick në vitin 1986, Tyson 20-vjeçar u bë kampioni më i ri botëror në pesha të rënda në histori.

Tyson u pezullua për një kohë të pacaktuar nga boksi pasi i kafshoi veshin Evander Holyfield në një ndeshje në qershor të vitit 1997. Tyson rifitoi licencën e tij pas një viti pas një vendimi të gjykatës.

Rekordi i 51-vjeçarit Jones aktualisht qëndron në 66 fitore dhe nëntë humbje ndërsa lufta e tij e fundit ishte dy vjet më parë.

Shqipëria ka marrë tri pikë të artë në xhiron e parafundit në Nations League dhe tani do të kërkojë play-offin në takimin e fundit, kundër Bjellorusisë.

Shqipëria e ka fituar finalen e parë.

Kuqezinjtë kanë rrëmbyer pikët e plota në ‘Air Albania’, duke e mposhtur 3-1 skuadrën e Kazakistanit.

Rezultati u zhbllokua në minutën e 16’, Sokol Cikalleshi shënoi për 1-0.

Pak minuta më vonë, në atë të 23’, Ardian Ismajili e shënoi golin e dytë për SHqipërinë, derisa të parin me fanellën Kuq e Zi.

Teksa festonin Kuqezinjtë, mysafirët shënuan gol të bukur për 2-1.

Aibol Abiken e shokoi Etrit Berishën duke shënuar nga gjysma e fushës, ndoshta golin më të bukur në Nations League.

Sido që të jetë, ishte nata e Shqipërisë dhe në minutën e 63’, të besuarit e Edi Reja e gjetën edhe njëherë golin.

Rey Manaj shënoi nga pika e bardhë për 3-1, penallti e fituar nga Abrashi.

Me këtë fitore, Shqipëria ka shkuar në kuotën e tetë pikëve, dy më pak se lideri Bjellorusia që e ka mposhtur Lituaninë.

Të mërkurën pra do të luhet tashmë finalja mes Shqipërisë dhe Bjellorusisë, ku Kuqezinjtë do të kërkojnë fitoren për të arritur në play-off të Nations League në Ligën C, raporton Gazeta Express.

Presidenti i Federatës Angleze të Futbollit (FA), Greg Clarke ka dhënë dorëheqjen për shprehjet e tij raciste dhe ofenduese ndaj lojtarëve me ngjyrë, transmeton Anadolu Agency (AA).

FA të mërkurën konfirmoi dorëheqjen e Clarke ndërsa 63-vjeçari iu referua lojtarëve me ngjyrë si “futbollistë shumë të adhuruar me ngjyrë” në një takim por më pas kërkoi falje për fjalët e tij.

“Peter McCormick do të marrë postin e presidentit të përkohshëm të FA-së”, bëri të ditur Federata Angleze e Futbollit në një deklaratë, duke shtuar se ajo do të caktojë shef të ri për pozicionin e lirë.

Federata Angleze e Futbollit shtoi se promovon diversitetin dhe zotohet se do të merret me të gjitha llojet e diskriminimit dhe racizmit në lojë.

“Futbollistët me ngjyrë”

Clarke u takua me Departamentin për Digjitalizim, Kulturë, Media dhe Sport (DCMS), komitetin e zgjedhur përmes një video-lidhje të martën ku ai përdori shprehjen “futbollistët me ngjyrë”.

Pastaj atij iu kërkua të tërhiqte këtë shprehje, e cila dëmtoi diversitetin dhe barazinë në futboll.

“Nëse shohim se çfarë ndodh me futbollistet femra të profilit të lartë, futbollistët me profil të lartë me ngjyrë dhe abuzimin që ata bëjnë në mediat sociale. Ata bëjnë abuzime absolutisht të tmerrshme”, tha Clarke dhe më pas kërkoi falje.

“Nëse e kam thënë këtë, kërkoj shumë falje për të”, u shpreh Clarke. Ai gjithashtu lëshoi një deklaratë me të cilën kërkon falje.

“Fjalët e mia të papranueshme përpara Parlamentit ishin të dëmshme për lojën tonë dhe për ata që e ndjekin, luajnë, referojnë dhe administrojnë atë. Kjo ka kristalizuar vendosmërinë time për të vazhduar përpara”, tha ai.

“Jam thellësisht i pikëlluar që kam ofenduar komunitete diversive në futboll, për të cilat unë dhe të tjerët kemi punuar kaq shumë për t’i përfshirë”, tha Clarke.

Racizmi vazhdon të jetë një nga problemet kryesore globale në sport ndërsa FIFA dhe organi drejtues evropian i futbollit UEFA i kanë shpallur luftë kësaj dukurie.

Në vitet e fundit, UEFA publikoi një video me qëllim të rritjes së ndërgjegjësimit në lidhje me racizmin, ku shumë yje të futbollit si Cristiano Ronaldo, Lionel Messi dhe Zlatan Ibrahimoviç iu bashkuan fushatës “Jo racizmit”.

Diego Armando Maradona iu nënshtrua një ndërhyrjeje kirurgjikale urgjente ditën e martë për një mpiksje gjaku në kokë, një operacion ky që rezultoi i suksesshëm.

Lajmi u konfirmua nga zëdhënësi i 60-vjeçarit, Sebastian Sanchi i cili theksoi se gjithçka shkoi siç ishte parashikuar. Sipas mjekut personal, Leonardo Luque, operacioni u krye në Klinikën Olivos të Buenos Airesit dhe zgjati rreth 80 minuta.

‘Arritëm të heqim gjakun e mpiksur dhe Diego e përballoi mirë operacionin-tha Luque-është nën kontroll dhe do të mbetet nën vëzhgim’.

Përpara spitalit ku Maradona u operua, ishin të pranishëm dhjetëra tifozë që prisnin lajme për gjendjen e idhullit të tyre i cili në momentin që do të dalë nga spitali do të kthehet në vilën në Brandsen ku ka jetuar prej disa muajsh.

Diego Maradona, ish-idhulli i futbollit argjentinas, kaloi natën në një klinikë private në La Plata, në jug të Buenos Airesit, për t’iu nënshtruar testeve mjekësore, sipas mjekut të tij personal Leopoldo Luque.

“Nuk ka asgjë serioze ose urgjente. Ai është thjesht një pacient i një moshe të caktuar, i cili është nën presion dhe i cili po kalon një periudhë gjatë së cilës ai ka nevojë për ndihmë. Është e vështirë të jesh Maradona, ju e dini”, u tha Luque gazetarëve jashtë klinikës.

‘’Shtrimi në spital nuk ka lidhje me pandeminë aktuale të koronavirusit’’, konfirmoi mjeku.

Disa media argjentinase kishin përmendur më parë probleme psikologjike për të shpjeguar shtrimin në spital të “Pibe de oro”.

“Diego është mirë, por ai mund të jetë më mirë. Unë e pashë atë në një gjendje që nuk më pëlqen ta shoh, kështu që fola me të dhe i thashë le të shkojmë në klinikë që të mund të përmirësohesh”, theksoi Luque, sipas të cilit kohëzgjatja e shtrimit në spital të yllit argjentinas do të varet nga ecuria e rezultateve.