VOAL

VOAL

Please Wait ...
0%

Ja si e festoi Tetova ditën e flamurit (Video)

By | November 28, 2015

Komentet

Dështon mbulimi i nevojave me punonjës nga Bangladeshi, tregu shqiptar i punës jo aq atraktiv sa para pandemisë

Tregu shqiptar i punës nuk po rezulton aq atraktiv siç mendohej në fillim para pandemisë, kur nisi tendenca e kontraktimit të punonjësve nga Afrika, sipas Ermal Jaurit, i cili zotëron një agjenci që punëson të huaj në Shqipëri. Zoti Jauri tha se, që kur erdhën afrikanët e parë e deri tani, tregu shqiptar i punës shfaqi problematika të thella në drejtim të informalitetit, kontratave të punës, burokracive dhe trafikut të paligjshëm. Pavarësisht ndryshimit të ligjit për punësimin e të huajve ka sërish burokraci nga zyrat e punës për regjistrimin e tyre. Disa ndërmarrje që kanë punësuar të huaj, gjatë kësaj kohe nuk janë treguar korrekte me kontratat dhe kushtet e tjera, duke krijuar një imazh jo të mirë të vendit ndaj punonjësve të huaj.

Shumë kompani i përdorën kontratat e punësimit për arsye trafikimi. Duke qenë se Shqipëria është një vend europian, shumë afër vendeve të zhvilluara, punonjësit afrikanë që ofrohen për punë Shqipëri, e përdorin këtë mundësi për të emigruar pas pak muajsh në një vend më të zhvilluar europian.

Shumë biznese shqiptarë panë si zgjidhje për të zëvendësuar forcën punëtore që emigroi me punonjës nga Afrika. Agjencitë e punësimit nisën “importin” e organizuar të punonjësve nga vendet e Azisë dhe Afrikës, mirëpo historia dyvjeçare e këtij fenomeni tregoi se tregu i shqiptar i punës nuk është i denjë as për punonjësit afrikanë.

Kryetari i Dhomës së Tregtisë dhe Industrisë, Nikolin Jaka, është skeptik për zëvendësimin e forcës së punës. Ai shprehet se bizneset shqiptare kanë pasur humbje historikisht të larta për shkak të mangësive në kompetenca të punonjësve shqiptarë. Për shembull, për shkak të mungesës së inxhinierëve të mirë dhe mekanikëve, një fabrike mund t’i krijohen mijëra euro humbje për neglizhencë.

Ndaj furnizimi me punonjës nga vende që nuk paraqesin kualifikim dhe kompetenca, në vend që të përmirësojë produktivitetin, rrezikon ta cenojë më tej. Jaka tha se, emigracioni në mënyrë të organizuar duhet të ishte bërë mbi studim paraprak, ku të përcaktoheshin qartë nevojat për fuqi punëtore, sipas sektorëve dhe më pas të përzgjidheshin vendet me aftësi më të mira në këto fusha.

Paga mesatare neto në Shqipëri përllogaritet 323 euro në muaj, sipas të dhënave të vitit 2019, referuar nga “Numbeo”. Pas Shqipërisë vjen Bangladeshi me 301 euro në muaj, Armenia 300 euro në muaj dhe Irani me 296 euro në muaj. Ndërsa me diferencë nga paga mesatare e Shqipërisë paraqiten Sri Lanka me 232 euro në muaj; Nepali, 182 euro; Nigeria, 175 euro; Siria, 86 euro etj.

Eksperti i ekonomisë, Selami Xhepa, thotë se kjo mënyrë zëvendësimi e fuqisë punëtore nuk e zgjidh problemin, madje produktiviteti mund të cenohet. Historia e emigracionit nuk njeh praktika, ku vendet e varfra të emigrojnë në vende të varfra, shtoi më tej ai.

Rritet vëmendja ndaj kapitalit human

Duke qenë se Shqipëria ka ende një popullsi relativisht të re në moshë dhe një histori të shkurtër në ekonominë e tregut, nuk ka shfaqur vëmendjen duhur ndaj kapitalit human dhe mirëmbajtjes së tij. Shumica e bizneseve të mesme dhe të mëdha në vend nuk u kishin kushtuar rëndësi departamenteve të burimeve njerëzore. Vitet e fundit dhe sidomos pas pandemisë, fabrikat, jo shumë të mëdha, po krijojnë njësi të posaçme të burimeve njerëzore.

Zyrat e burimeve njerëzore po marrin rolin e qendrave të vogla të trajnimit brenda stafeve dhe gjithashtu ofrojnë stimuj për punonjësit, si udhëtimet, organizime që kanë pak kosto por nxisin stimujt për punonjësit. Alban Zusi, vitin e fundit, ka investuar në këtë drejtim. Tashmë në fabrikën e tij ka një drejtori të posaçme për burimet njerëzore, e cila merret me menaxhimin e punonjësve dhe rezultatet e para janë mbresëlënëse. Konkurrenca e egër për punonjës po shton stimujt për punonjësit.

Për shembull, shumë fabrika fasoni në Tiranë po shtojnë një vakt ushqim për punonjësit. Disa të tjera po ofrojnë shërbimin e transportit falas, aktivitete dhe qendra ditore për fëmijët e punonjësve, shpërblime dhe karrierë për më të dalluarit. Megjithëse pjesa më e madhe e bizneseve po kuptojnë peshën e kapitalit human, ende kanë shumë hapësirë për t’u përmirësuar në këtë drejtim, sidomos në drejtim të pagave dhe sigurimeve shoqërore.

Një anketë e “Deloitte” me mbi 1000 të rinj në Shqipëri të diplomuar me arsim të lartë, poshtë moshës 30 vjeç, që u publikua së fundmi, tregon se paga e ulët nuk është vlerësuar si aspekti parësor nga pjesëmarrësit në vrojtim për ndryshimin e punëdhënësit. 47.4% e tyre janë përgjigjur se mosvlerësimi i punës së tyre është komponenti kryesor, i cili do t’i orientonte ata drejt marrjes së një vendimi për të ndryshuar punëdhënës.

17.6% e të rinjve të arsimuar u shprehën se pamjaftueshmëria e mundësive për zhvillim dhe rritje profesionale do t’i orientonte ata drejt kërkimit të varianteve të tjera dhe 11.9% e konsiderojnë atmosferën e keqe dhe marrëdhëniet jo të mira në punë si shkaktarët kryesorë që çon në prishjen e marrëdhënies së punës.

Të gjithë këto elemente tërheqin vëmendjen për rëndësinë që duhet t’u kushtojnë bizneset në vend sistemit të vlerësimit të performancës së punonjësve dhe lidhjen e saj me skemat e shpërblimit dhe shtegun në karrierë, rekomandon vrojtimi./Monitor

Lek Mirakaj: Zonja Nika, jo zi, po skëterrë!

 

Në konferencën “Demistifikimi i historisë dhe e ardhmja” organizuar nga Qendra Kombëtare e Librit dhe Leximit në kuadër të mbylljes së muaji aktivitetesh kushtuar 109 vjetorit të Pavarësisë së Shqipërisë, ku kanë marrë pjesë historianë të njohur si Pëllumb Xhufi, Nevila Nika, Artan P. Hoxha, Ardit Bido dhe Dorian Koçi, ka rënë në sy deklarimi i zonjës Nika e cila është shprehur se:

“Figura e Enver Hoxhës nuk mund të shihet vetëm zi. Duhet kapërcyer vështrimi i të parit bardh e zi të disa figurave apo ngjarjeve historike përfshirë dhe Enver Hoxhën. Duhet thënë për atë që bëri e atë që nuk bëri. Ai udhëhoqi Shqipërinë për 45 vjet me të mirat dhe të këqijat”, kështu ka deklaruar historiania Nevila Nika, sipas burimit nga balkanweb.com.
https://www.balkanweb.com/historiania-nevila-nika-enver-hoxha-nuk-duhet-pare-vetem-zi/

Pas këtij deklarimi të zonjës Nika, ka reaguar z.Lek Mirakaj, që vjen nga shtresa e familjeve të mëdha të Shqipërisë,  persekutuar nga regjimi diktatorial e që mban mbi supe historinë e Familjes së tij me 950 vite burgje, internime dhe vrasje.

Ja si shkruan midis të tjerave z.Lek Mirakaj: “Mendoj se ka te drejtë, nuk duhet parë vetem zi, është skëterrë!”

Dhe më tutje z.Lek Mirakaj shton: “Z.Nikaj, qoftëlargu nuk udhëhoqi, ai sundoi dhe masakroi. Nuk ka të mira e të këqia, ka vetëm të këqia”!

Rruga e Arbërit: Punimet në vazhdim nuk duhet të rrezikojnë jetën e punëtorëve dhe udhëtarëve

Grupi i Lobimit përshëndet nisjen e parakohshme të qarkullimit në Rrugën e Arbërit

 

 

Tiranë, 4 dhjetor 2021

 

Njoftim për Mediat

Grupi i Lobimit

 

Kryeministri Edi Rama më 29 nëntor 2021 ishte i pranishëm në hapjen e qarkullimit në Rrugën e Arbërit. Askush më shumë se dibranët nuk e pret më me padurim përurimin e kësaj vepre të rëndësishme infrastrukturore. Megjithatë, ceremonia e parakohshme e përurimit është një tregues tjetër i shkallës së ulët të kooperimit midis qeverisë dhe opozitës.

Ashtu siç ka ndodhur rregullisht me këtë vepër gjatë tre dekadave të fundit, edhe tani kur, si i thonë fjalës, dibranët më në fund po shohin dritë në fund të tunelit, kasta politike shqiptare po përdor këtë vepër të rëndësishme për interesat e tyre. Dita kur qeveria dhe opozita në Shqipëri, siç ndodh në vende të civilizuara, të marrin pjesë dhe gëzojnë së bashku në përurime veprash, duket akoma e largët.

Lajmi i nisjes së qarkullimit të pjesshëm në këtë aks të rëndësishëm rrugor është një lajm i mirë. Siç kemi deklaruar në nisje të peticionit, qëllimi është që Rruga e Arbërit të ndërtohet sa më shpejt dhe më standarde, dhe për këtë ne do të vazhdojmë të jemi vëzhgues të paanshëm deri në metrin e fundit.

Qeveria ka njoftuar se në fazën e ndërtimit të Tunelit të Murrizit kanë dalë problematika në lidhje me strukturën gjeologjike. Ne nuk e kemi parë këtë të ilustruar në terren. Deri më sot, asnjë media apo organizatë tjetër nuk është parë të hyjë në tunel dhe të bëjë publike pamjet. Po kështu, nuk kemi parë të ketë as ndonjë debat mes gjeologëve dhe specialistëve përkatës.

Megjithatë, ne shpresojmë dhe urojmë që punimet të vazhdojnë. Po kaq i rëndësishëm është edhe ndërtimi e një tuneli me standarde bashkëkohore.

Rruga e ndërtuar deri më tani vëmë re se është sipas parametrave të njoftuar më parë. Shpresojmë se punime e pambaruara do të jenë cilesore dhe se do të përmirësojnë cilësinë e rrugës dhe sigurinë e saj.

Nga informacionet e botuara deri më tani, nuk është e qartë se përse qeveria vendosi ta hapë rrugën për qarkullim tani. Duke qenë se rruga është akoma një kantier ndërtimi, siguria e punëtorëve, drejtuesve të automjeteve dhe kalimtarëve është më e rëndësishme se nisja e qarkullimit të përshpejtuar, pavarësisht dëshirës së mirë.

Kemi vënë re se në të gjitha segmentet janë vendosur sinjalistika të përkohshme që tregojnë vazhdimësinë e punime në rrugë. Shpresojmë dhe u bëjmë thirrje udhëtarëve dhe drejtuesve të automjeteve t’i respektojnë ato.

Hapja e parakohshme për qarkullim krijon lehtësira për qytetarët dhe ne urojmë që ky veprim të mos cënojë punimet në rrugë për dorëzimin në kohë dhe me cilësi në afatin e kontraktuar.

Segmenti nga Ura e Vashës deri në Qafë të Buallit konstatuam se është i pambaruar. Ky segment, së bashku me segmentin tjetër në dalje të Tiranës, pranë Qafës së Tujanit, përbën rrezik për kalimtarët, pasi nga skarpatet e larta dhe të thepisura mund të ketë rënie gurësh. Ne shpresojmë se në këtë fazë të ndërtimit të rrugës, kompania të ecë me ritme më të shpejta për të garantuar sigurinë e udhëtarëve.

Në kemi konstatuar se standardi C2 i rrugës i reklamuar nga qeveria shqiptare mbyllet në Maqellarë. Ne i kërkojmë qeverisë shqiptare që këtë standard ta vazhdojë edhe në drejtim të pikës doganore të Bllatës si dhe të negociojë me qeverinë e Maqedonisë së Veriut që ky segment të vazhdojë sa më parë drejt lidhjes me Shkupin.

Gjatë këtyre ditëve ne kemi vënë re përmes shtypit se qeveria po përpiqet që me hapjen e plotë të rrugës vitin e ardhshëm, të vendosë edhe një taksë kalimi. Ne shpresojmë që këto lajmë të jenë jo të vërteta. Ne e konsiderojmë vendosjen e një takse kalimi në këtë aks një vendim të padrejtë.

Nisja e qarkullimit të makinave përmes Rrugës së Arbëit është një rast i mirë për drejtuesit e automjeteve dhe qytetarët që të shohin ecurinë e punimeve dhe të raportojnë problematikat që hasin gjatë udhëtimit. Kritikat dhe sugjerimet e tyre duhet të merren parasysh nga specialistet në mënyrë që ato të korrigjohen sa më parë.

Faktori politik shqiptar në Maqedoni duhet të angazhohet pa vonesë që punimet për këtë vepër të fillojnë sa më parë. Grupi i Lobimit është në kontakt për këtë vepër me përfaqësues lokal dhe qëndror të politikës shqiptare në Maqedoni që nga viti 2014, dhe do ta vazhdojë lobimin në këtë drejtim.

Grupi i Lobimit do të ketë kënaqësinë të marr pjesë në përurimin e rrugës kur ajo të ndërtohet jo vetëm deri në Bllatë po edhe në Peshkopi sipas standardeve ndërkombëtare.

Deri sa te vij ajo ditë, peticioni për këtë vepër, që deri tani ka mbi 20,000 përkrahës, nga te cilet me shume se 18,000 online, do të qëndroj i hapur dhe mund të nënshkruhet këtu: https://bit.ly/3poy8r7

‘Unaza e Madhe’, banorët e Laprakës në protestë: Jemi të vendosur, nuk dalim nga shtëpitë

Banorët e Laprakës, banesat e të cilëve preken nga projekti i Unazës së Madhe, kanë dalë sërish në protestë. 

Protestuesit kërkojnë dëmshpërblim me vlerën e tregut, ndërsa akuzojnë se “projekti u devijua drejt shtëpive të tyre për t’i hapur rrugë ndërtimit të pallateve nga biznesmenë pranë qeverisë”. 

Në këto momente banorët i kanë vënë zjarrin një kazani mbeturinash, ndërsa paralajmërojnë se do të bllokojnë edhe rrugën.

Protestuesi dhe gazetari Bled Marku u shpreh se banorët e Laprakës i pret i njëjti fat si ata të lagjes “5 maji”.

“Nëse nuk vini ju te protesta jonë, do të vijmë poshtë zyrave tuaja. Ju po i trajtoni qytetarët si talebanë. 110 banesa janë me leje legalizimi. Të vijnë dhe të shohin projektin e Laprakës”, u shpreh Marku duke akuzuar se pranë banorëve të Laprakës nuk ka shkuar asnjë deputet i opozitës në mbështetje të tyre.

“Kushdo që afrohet në këtë lagje t’i bëjë llogaritë mirë se po eskalon kjo situatë. Do të përshkallësohet edhe më keq. Nuk janë para droge, para prostitucioni, por të gjitha janë para djerse. Askush të mos mendojë dhe të vijë në këtë zonë me rruspa ose pa rruspa dhe të tentojë të prishë banesat pa na dhënë një zgjidhje. Këtu do t’ju ngecë sharra në gozhdë nuk është si të gjitha zonat e tjera të Tiranës“, tha ai.

Protestuesit deklaruan se do të vijojnë rezistencën e tyre dhe se nuk do të dalin nga shtëpitë.

‘Foltorja’ në SHBA, Picari: Takimi është i hapur për të gjithë. Pritet një pjesëmarrje e jashtëzakonshme

I ftuar në SYRI TV me moderatoren Megi Fagu, një nga organizatoret e ‘Foltores’, Zekri Picari ka folur për takimin e ish-kryeministri Sali Berisha në 5 dhjetor me shqiptarët dhe demokratët e SHBA.

Picari ka premtuar një takim me pjesëmarrje të jashtëzakonshme dhe ka ftuar në gjithë shqiptarët të cilët duan të jenë në foltore pasi do jetë e hapur për të gjithë.

Gjithashtu Picari ka theksuar se shqiptarët janë shumë entuziastë dhe mezi po e prisnim pasi nuk po kishim mundësi të flisnim me zotin Berisha.

Picari: Ka një interesim të jashtëzakonshëm, më kanë shkruar njerëz nga Teksas, Boston, Kalifornia, Filadelfia, Konektika. Po vijnë njerëz shqiptarë demokratë dhe atdhetarë nga të gjitha trevat e diasporës në Amerikë sepse është një ditë feste, dua ta quajmë festë sepse është një mundësi që doktor Berisha ka marrë përsipër të mari këtë nismë për të rithemeluar PD. Nga numri i lartë i ftuarve që është shumë i lartë ka pyetje nëse ka nevojë për ftesa, por dua ti njoftoj të gjithë demoratët dhe të gjithë ata që duan të vinë se është një takim i hapur dhe të gjithë janë të mirëseardhur për të diskputuar me doktor Berishën. Do jetë gjithashtu e ftuar edhe aktivistja Evi Kokalari.

Pjesëmarrja pritet të jetë e jashtëzakonshme. Të gjithë të ftuarit do jenë në një sallë të madhe dhe përball do jetë një ekran i madh ku zoti Berisha do ketë mudësi të na shohi dhe ne ta shohim duke krijuar një bashkëbisedim me të gjithë.

Nuk dua të jap shifër, jo se nuk ka një shifër pasi ajo është e jashtëzakonshme, por nuk dua të kufizojë numrim pasi salla do jetë e madhe ku mund të akomodohen rreth 1 mijë persona, por dua të theksoi se ka vend për të gjithë dashamirësit dhe do ketë atmosferë. Janë të gjitha kushtet ku të gjithë do mund të ulen.

Kam takuar shumë demokratë këto ditë dhe kam komunikuar me ta. Janë shumë entuziastë dhe mezi po e prisnim pasi nuk po kishim mundësi të flisnim me zotin Berisha. Dhe atëherë u mendua që të kemi një foltore virtuale por do jetë reale dhe jo video e regjistruara më parë si ish-kryeyari jonë.  Do jetë çdo gjë live dhe transparente që do ta shijojmë të gjithë dhe do ketë një kthesë e madhe për PD.

Prite të jenë gazetarë të mediave amerikane por kryetari i të rinjve republikanë është shumë i rëndësishëm, është kryetari i të gjithë të rinjve republikanë në Amerikë.

Nuk dua ta quaj kryetari aktual, pasi që pas mbledhjes së firmave, Basha është tashmë një ish-kryetar dhe do mbetet në histori. Basha është një devijim nga meritokracia. Dhe e vlerësoi ndjesën e doktorit për këtë pjesë. Basha ka cenuar rëndë autoritetin e kryetarit duke e zbritur atë në nivel grotesku. Basha është furnitori i memeve dhe skeçve humoristike sot. Kryetari i PD nuk përcillte  seriozitet në asnjë dalje publike të tij. pavarësisht kësaj ne bëmë fushatë për ta bërë kryeministër atë në 25 prill.

Reportazhi i BIRN- Rruga e Arbërit hapet me shumë bujë dhe sidomos me shumë arna

Qytetarët e Shqipërisë veri-lindore patën mundësinë gjatë festave të nëntorit të përdorin për herë të parë një rrugë të re lidh Tiranën me Dibrën, por ‘veprat e artit’ të projektit mbeten të papërfunduara. Qeveria thotë se punimet duhet të përfundojnë në prill 2022, “sipas kontratës”.

Me 29 nëntor, kryeministri Edi Rama i rrethuar nga fëmijë me veshje popullore dhe flamuj kombëtar dhe i shoqëruar nga Mininstrja e Transportit Belinda Balluku, përuroi hapjen ‘provizore’ të qarkullimit në rrugën e Arbërit.

Në videon e transmetuar në kanalin propagandistik të kryeministrit në rrjetin social ‘Facebook’, Rama u shfaq hijerëndë dhe fjalëpak për një ngjarje festive, ndërkohë që ministrja Ballaku në rolin e zëdhënëses shpjegoi se projekti kishte hasur në probleme gjeologjike.

“Siç jeni në dijeni problemi qëndron në gjeologjinë e tunelit të Murrizit – tuneli më i gjatë dhe më kompleks i kësaj vepre me 3.8 kilometra, një tunel ku ne kemi hasur në shtresa argjilore dhe burime ujore të cilat e shkrijnë këtë argjil,” tha Balluku.

“Siç e keni parë dhe gjatë kalimit tuaj, pjesën në Qafën e Murrizit e kemi zgjidhur përmes një bajpasi që është i gjatë 8.8 kilometra,” shtoi ajo, ndërsa theksoi se është një bajpas provizor.

Ndërtimi i rrugës 54 kilometra që lidh Tiranën me Dibrën nëpërmjet një kontrate koncesionare për kompaninë ‘Gjoka Konstruksion’, filloi në vitin 2018 dhe kap një vlerë prej 40 miliardë lekë (330 milionë euro). Projekti parashikon ndërtimin e një rruge me dy korsi e cila kalon në një seri me gjashtë tunele dhe dy ura të larta.

Dy ditë pas përurimit provizor qeveritar, gazetarët e BIRN udhëtuan drejt Dibrës nëpërmjet rrugës së re. Shumë prej banorëve, fshatrat e të cilëve shtrihen përgjatë gjurmës së rrugës së Arbërit, u shprehën të lumutur që më në fund rruga automobiliste kishe mbërritur pranë. Disa patën dhe ankesa, për sa i përket lidhjes së saj me rrugët e fshatrave.

Por mbi të gjitha, BIRN konstatoi se problemet e punimeve nuk janë vetëm ‘argjilore’ dhe as kufizohen vetëm në tunelin e Qafës së Murrizit – vepra kryesore e projektit. Përveç tunelit të Qafës së Murrizit nuk janë hapur tunelet e Qafës së Buallit dhe as Ura e Vashës, ndërkohë që traseja nga Shkalla e Tujanit deri tek gryka e Lumit të Tiranës është shtruar pjesërisht.

Shtegu historik

Një urë lidhëse e prerë nga rruga e re e Arbrit: Foto: Xhemali Moku/ Birn

Rruga e Arbërit shtrihet mbi një shteg historik që lidh Tiranën me Dibrën dhe brendësinë e Ballkanit, përmes një trajektoreje të shkurtër prej pak më shumë se 100 kilometrash.

Në kohët e lashta ky shteg është përdorur më së shumti për transport me mushka dhe vetëm gjatë muajve të verës, për shkak se Qafa e Murrizit gjendet në lartësi të mëdha dhe mbulohet nga dëbora për një pjesë të madhe të vitit.

Dritani, një banor i fshatit Xibër Murriz rikujton se kushërinjtë e tij dikur kanë pasur një han në vendin e quajtur Qafë e Murrizit.

“Hani u braktis pasi më vonë vetëm delet kalonin dy herë në vit gjatë shtegtimit,” shpjegoi ai.

Rruga e re automobiliste e ka rritur edhe kontrastin me gjendjen në të cilën jetojnë banorët e zonës, që deri më sot dukshëm ka qenë një nga më të izoluarat dhe më të varfrat e Shqipërisë. Shtëpitë prej guri qindravjeçare nuk kanë marrë riparime për një kohë të gjatë. Ballkonet e tyre prej drurit janë kalbur e nuk janë rinovuar dhe po kështu as trarët e çative.

Me ndërtimin e rrugës së re automobilistike, banorët shpresojnë që qarkullimi i mallrave dhe njerëzve të rigjallërohet. Në fshatin në Guri i Bardhë, në zbritje të qafës së Murrizit në drejtim të Dibrës, banorët i thanë BIRN se ishin të lumtur për mbërritjen e rrugës automobilistike – “për herë të parë nga këto anë”, por u ankuan se rrugët e fshatrave mbeteshin në gjendje të mjeruar.

“Kudo që të ndërtosh rrugë, mirë është,” tha njëri prej tyre, i cili refuzoi të identifikohej me emër. “Por ti mund të shohësh se si gjendja e rrugëve të fshatrave ka mbetur njësoj pavarësisht të gjitha parave të hedhura në rrugë,” u ankua ai.

Tuneli i Murrizit nga ana veriore. Foto: Xhemali Moku/ Birn

Edhe në fshatin Xibër disa nga banorët nuk ishin të lumtur me mënyrën se si ishin ndërtuar rrugët lidhëse nga kompania koncesionare.

“Ankesat lidhen me prerjen e rrugëve të aksesit apo të rrëkeve të ujit dhe çarjen e tokave në mes nga rruga e re,” tha një banor i zonës, i cili shpjegoi se si pasojë kullotën e ka në njërën anë të rrugës dhe shtëpinë në tjetrën, duke ja vështirësuar lëvizjen e bagëtisë.

“Kjo mund të ngjajë gjë e vogël, por këtu te ne kjo është buka,” shtoi ai.

‘Vepra arti’ të papërfunduara

Sipas kontratës koncesioare ndërtimi i rrugës duhet të mbarojë në prill të vitit 2022. Me gjithë përurimin e përkohshëm të saj nga kryeministri, duket se mbetet akoma shumë punë për tu bërë.

BIRN e përshkroi rrugën e hapur të mërkurën më 1 dhjetor. Trafiku ishte i paktë dhe rruga ishte e pastruar nga dëbora që kishte rënë një ditë më parë. Distanca nga Tirana për në qytezën e Klosit, rreth 50 kilometra gjithsej, mund të përshkruhet për një orë por qarkullimi në atë që Ministrja Balluku e titulloi “bajpasi i Murrizit” është shumë e vështirë, me kthesa ku duhet të hyhet me marsh të parë.

Në tërësi, rruga mund duket gjysmë e përfunduar. Tuneli më i rëndësishëm i saj, tuneli poshtë Qafës së Murrizit, nuk ka përfunduar dhe autoritetet nuk japin një afat se kur mund të përfundojë, por i referohen kontratës, e cila parashikon dorëzimin e saj rreth pesë muaj nga tani. I gjatë 3.8 kilometra ai i është zëvendësuar nga një rrugë e ngushtë malore 8.8 kilometra.

Pyetur nga BIRN, Ministria e Infrastrukturës tha se në këtë projekt janë përfunduar 75% të punimeve fizike ndërsa në tunelin e Murizit janë realizuar 69% të punimeve. Pyetur nëse ka ndonjë vlerësim se kur punimet pritet të mbarojnë, ministria iu referua kontratës.

“Sipas kontratës, punimet për ndërtimin e Rrugës së Arbrit do të përfundojnë në muajin Prill të vitit 2022,” tha ajo.

Në anën tjetër të malit, tunelet dy, tre dhe katër me gjatësi respektive 366, 477 dhe 297 metra, kanë përfunduar ndërsa tuneli pesë dhe gjashtë – të cilët kalojnë nën Qafën e Buallit për të lidhur Klosin me Bulqizën nuk janë hapur për qarkullim.

Tuneli T6 dhe Ura e Vashës në rrugën e Arbrit: Xhemali Moku/ Birn

Po kështu e mbyllur për trafikun është edhe e famshmja Urë e Vashës, e cila sipas Ramës është ura më e lartë në Shqipëri. Rrjedhimisht për të vajtur në Bulqizë duhet të kalohet nga rruga ekzistuese mbi qafën e Buallit.

Përgjatë të gjithë rrugës dallohen pak punëtorë dhe pak mjete pune ndërsa segmenti të cilit Balluku iu referua si “bajpasi” është sakaq një rrugë me asfalt me shumë gropa dhe rrëshqitje, ku pirgje gurësh i sinjalizojnë përdoruesit rrezikun e rënies në humnerë.

Kompania duhet se ka shpenzuar minimumin e mundshëm për t’u përgatitur për hapjen ‘provizore’ të rrugës më 29 nëntor.

Në qafën e Tujanit, një trase rruge e hapur mbi një dekadë më parë dhe e mbetur e paasfaltuar që nga ajo kohë, ishte asfaltuar vetëm në tre të katërtat e rrugës, duke lënë një shirit të paasfaltuar rreth 2 metra të gjerë.

Rruga e re është gjithsesi shumë më e shkurtër se sa ajo ekzistuesja, e cila u ndërtua në vitet ’60 përgjatë luginës së lumit Mat. E gjatë rreth 170 kilometra deri në qytetin e Dibrës në Maqedoninë e Veriut, ajo kërkon minimalisht tre orë. Rruga e re e hapur provizorisht e lidh Tiranën me Dibrën për 100 kilometra duke kursyer 70 kilometra rrugë dhe më shumë se një orë kohë.

Bajpasi i Qafës së Murrizit e dërgon rrugën në lartësinë 1110 metra mbi nivelin e detit dhe i ofron udhëtarit panorama piktoreske me pyje dhe dëborë. /Reporter.al

Rruga Arbrit: Foto: Xhemali Moku/ Birn

Demokrati-Berishës: Nga na e gjete atë (Lul Bashën)?

‘Nuk është betejë personale’- Berisha: Isha betuar që Bashën s’do ta pranoja kryetar të PD këtë mandat

Lideri historik i PD, Sali Berisha sqaroi sërish sot nga Foltorja e Devollit se beteja që ai ka nisur nuk është personale. 

Përpara demokratëve të Bilishtit, Berisha tha se ishte betuar që të mos e pranonte Lulzim Bashën si kryetar të PD pas humbjes në 25 prill.

Sa i takon vendimit të sekretarit të shtetit, Berisha tha se me Blinken do të përballet në Gjykatën e Parisit, ndërsa ‘Foltorja’ shtoi ai, ka për qëllim rindërtimin e demokracisë dhe rikthimin e PD-së më të fortë.

“Të thuash se unë po bëj betejë personale me Foltoren, është absurde dhe marrëzi. Foltorja dhe gjykata janë shumë larg njëra-tjetrës. Gjykata është në Paris, merret me shqyrtimin, Foltorja po merret me rindërtimin e demokracisë, pluralizimit dhe PD-së. Ka një moment të pamohueshëm këtu, ndonëse i betuar në mënyrë absolute se nuk do të pranoja kryetar në këtë mandat atë që na çoi nga humbja në humbje dhe na turpëroi, na uli kokën dhe do të gjeja mënyrën si do të nisja betejën, ky më krijoi të gjitha kushtet. Unë kisha deklaruar se do të kthehesha në skënen politike. Ky një ditë prej ditësh më përjashton në shkelje flagrante të statuti nga grupi parlamentar.

Ky ishte dhunim i forumeve të partisë, i statutit dhe parimeve të PD. Ky ishte pjesë e atij skenari dhe unë e dija, por për mua ajo nuk kishte ndonjë rëndësi kaq të madhe sepse nuk ishte ky që kishte firmosur, firmën e kishte vënë zotëria me të cilin unë shkova në gjykatë. Shkelmoi sovranitetin e forcës tonë politike. Pa ditur vendimin që do të merrte, këtë bisedë e kam bërë me atë dhe ka qenë 100% dakord me mua, një parti që pranon të pavërtetën për të vërtetë nuk duhet të ekzistojë zotëri i kam thënë dhe nuk ka këtu komente.

Ndaj dhe sigurisht më dha shkas që unë të mos pranoja dhunimin e forumeve të partisë, statutit, sovranitetit të partisë dhe mora këtë nismë të cilën ju e shndërruat në mrekulinë më të madhe shqiptare. Ai që po lufton në mënyrë personale për të mbrojtur veten nga dosjet e tij është njeriu i marrë peng nga Edvin Rama dhe nga shumë anë të tjera. Ne me penge s’kemi punë. Jemi të lirë. Dhe me idealet tona do të shndërrohemi në një opozitë vigane”. 

Demokrati-Berishës: Nga na e gjete atë (Lul Bashën)? Do të hajë kokën e vet

Një nga demokratët, i pranishëm në Foltoren e Devollit të Sali Berishës, foli për Lulzim Bashën.

Demokrati pyeti Berishën se nga e ka gjetur Bashën. Ai shtoi se Basha kërkon të hajë kokën e demokratëve, por do hajë kokën e vet.

“Basha nuk e di djersën që është hedhur për PD-në, se ka ardhur vonë në parti. Dua të të pyes ty o doktor, nga e gjete që na e solle neve? E more të vogël Bashën doktor, e rrite doktor e bëre morr, tani ai kërkon të të hajë ty, edhe neve.

Kjo nuk ndodh kurrë o doktor. Ai do të hajë kokën e vet. Më lejo të them dy gjëra për Kim, ajo mund të jetë ambasadore, por jo diplomate. Nuk e di se nga e ka gjetur Amerika edhe këtë, që na thotë neve do hamë bar, prisja ta tërhiqte këtë fjalë, por nuk e hoqi. Ti doktor je kockë e fortë. Rroftë PD”, deklaroi demokrati.

‘Bashizmin do e quajmë Boshizëm’/ Berisha: Largoi me pusi ish-ministra dhe kontributorë të PD-së

‘Bashizmin do e quajmë Boshizëm’, tha ish-kryeministri Sali Berisha në foltoren e Devollit, duke theksuar se Basha ka larguar me pusi nga PD ish-ministra dhe demokratë me investim të gjatë në parti.

‘S’kishte asgjë më pa kokrra se doktrina e tij që su bë kurrë. E konsiderojë atë një shkëputje nga PD. Por ti smund të shkëputesh nga PD, por të shtosh ide të reja, mund të fusësh njerëz të rinj, por jo të shkëputesh pasi ne jemi parti konservatore, tradicionale dhe i kemi rrënjët te tradita jonë dhe ajo është liritë dhe të drejtat njerëzore’, u shpreh Berisha nga Devolli.

Berisha: Vlerësimi për të gjithë kontributoerët e Partisë Demokratike ndër vite, të cilët peng Basha i largoi në kundërshtim me çdo rregull, i largoi nga partia me pusi, nuk i tha asnjë fjalë më parë. Ata të cilët ai i zuri pusi nuk ishin jesmen por ata ishin demokratë me investim të madh. Ai i hoqi nga lista pa u thënë një fjalë, e morën vesh nga radiot se nuk janë më në listë. Heqja duhej bërë me proces me diskutim por e gjithë kjo ishte sepse tek ai nuk ekzistonte respekti për kontributin e tyre për aftësitë e tyre. Përmendët Rezhep Ukën, Ridvan Boden, i hoqi nga lista dhe i thashë si e bënë ti këtë, ai është një nga njohësit më të shkëlqyer të financave në këtë vend, ai jesmen nuk ishte, ai ishte nja gardian i paçmuar i parave publike. Nuk vinte interes tjetër më të madh se ruajtjen e tyre. Edhe në opozitë ai na duhej por për këtë nuk ekzistonte. Këqshtu veproi me të tjerët. Donte të krijonte Bashizmin por do ta quajmë Boshizmin. S’kishte asgjë më pa kokrra se doktrina e tij që su bë kurrë. E konsiderojë atë një shkëputje nga PD. Por ti smund të shkëputesh nga PD, por të shtosh ide të reja, mund të fusësh njerëz të rinj, por jo të shkëputesh pasi ne jemi parti konservatore, tradicionale dhe i kemi rrënjët te tradita jonë dhe ajo është liritë dhe të drejtat njerëzore. 

 

 

Berisha: Peng Basha votoi dje 2 ligje të turpshme! Do përballesh me drejtësinë shqiptare dhe atë amerikane

Berisha: Peng Basha votoi dje 2 ligje të turpshme! Do përballesh me drejtësinë shqiptare dhe atë amerikane

Nga ‘foltorja’ e Devollit, ish-kryeminsitri Sali Berisha ka sulmuar votimin në parlament të dy ligjeve me 110 vota ku PD ka bashkuar votat me PS, duke e quajtur ‘ditë e rëndë për demorkacinë’.

Ish-kryeminsitri Berisha ka hedhur akuza në drejtim të Bashës dhe Ramës si pengmarrës të tij, ku i  ka lajmëruar se shumë shpejtë do japin përgjigje para drejtësisë shqiptare dhe asaj amerikane.

Berisha: Basha ka 5 muaj që ka takuar vetëm kryetarin e PD Durrës me dy anëtarë dhe nuk takon asnjë tjetër përveç atyre që i shkojnë në zyrë. Dhe tani në një akt papërgjegjshmërie, përderisa firmat po flasin vetë çdo ditë dalin dhe lexojnë emrat e delegatëve, i tmerruar nuk thotë më nuk firmat janë, por nuk i njof firmat dhe tenton të thërrasë antikuvendin në datë 18 për shoqatën Basha-Bardhi.

E gjithë propaganda e qeverisë është turrur në mbrojtje të peëngur të kreut të meduzës. Të gjithë analistët dhe qeveritarë me në krye Baton ‘Staniqiçin’, nga mëngjezi në darkë merren me mbrojtjen e tij. Është dhe një grup i vockël të cilët ja kanë shitur shpirtin djallit pra xhepit të tyre, dhe tërë javën vjellin vrer dhe të premten shkojnë në xhami për të larë mëkatet por në fakt futen mëkatar dhe dalin mëkatar. Janë në grahmat e fundit të Ramës dhe peng Bashës për të shuar pluralizmin, por dje ka qënë një ditë e rëndë për demokracinë. Votuan me 110 vota të gjithë bashkë me urdhërt të Bashës kontratën për vaksinën, një kontratë e kritikuar gjerësisaht nga mediat e huaja specifikisht për Shqipërinë. Kaq frikë ke të ruash interesin e vendit tënd, ti me para po i blenë. Por më i rëndë ishte ligji i dytë, ligji i Toyota Yaris apo dosjen Muzin, ligji pastrimit të parave. Në vend se ai ligj të shoqërohej me amendamente, ai detyroi grupin të votojë për ligjin. Por siç është e vërteta ai është akuzuar nga prokuroria për larje parash.

Shkoi në gjykataë të apelit, ndërhyri me tërë forcën Rama dhe e mbylli me turp, pasi dosja e kryetrarit të opozitës nuk shkoi në Gjykatën e Lartë, si çdo dosje e çdo qytetari, por duke shkelur ligjin. Ndaj dhe dje kryetari e mbylli gojën dhe votoi ligjin pasi Rama do ja përmendte siç i përmendi dosjen Muzin.

Por dua ti kujtoi zotrisë së tij se dosjen e mbyll duke lënë veten peng, por të sigurojë se në SHBA dhe Shqipëri do përballësh me ligjin pasi ke shkelur ligjin amerikan dhe atë shqiptar. Dhe të gjithë ata që kanë manipuluar do përgjigjen bashkë me ty. 

Berisha: Basha shau demokratët, përdori fjalë që përdorin kundërshtarët rrugeçër

Ish-kryeministri Sali Berisha në Foltoren e Devollit, foli për faktin se Lulzim Basha ka përdorur fjalë fyese ndaj demokratëve.

Berisha theksoi se Basha shau demokratët, duke shtuar se përdori fjalë, që i thonë vetëm kundërshtarët rrugeçër.

Po ashtu, Berisha vlerësoi se në fakt, njerëzit që punuan në qeverisjen e PD-së arritën rekord që kurrë nuk ishin arritur më parë.

“Basha shau demokratët, përdori fjalë që përdorin kundërshtarët rrugeçër. Tha gjëra edhe për qeverisjen e mëparshme. Qeverisja e mëparshme kishte një gjë kryesore, e kjo ishte se në qendër ishte qytetari, sepse ne dyfishuam rrogat, pensionet, ne bëmë përpjekjet më të mëdha që të ngremë infrastrukturë të përshtatshme jo vetëm në qytete, por kudo që nuk kishte rrugë.

Ne ndoqëm parimin që në çdo fshat të kishte infrastrukturë të një lagjeje qyteti, ndërtuam kanalizime, ujësjellësa, që të ketë kudo internet. Ne financuam 45 mijë fermerë dhe ishte projekti më pa ankesa që kishte qeveria. Qëllimi ynë ishte përmirësimi i jetës tuaj. T’i cilësosh të tjerët llum, në një kohë që ka gjithë këta rekorde pozitive, duhet të flasësh se ku je ti. Ata që bashkëpunuan, ishin njerëz që transformuan vendin, mund të kenë bërë gabime, por në tërësi u punua shumë mirë dhe Shqipëria bëri përparime të mëdha”, deklaroi Berisha.

‘Toyota Yaris’, Berisha: Në 17 dhjetor, Bashën e presin në zyrë prokurorët belgë

Lideri historik i PD, Sali Berisha i kërkoi dorëheqjen Lulzim Bashës, pas zbulimit të letërporosive të autoriteteve belge ku ai është në ndjekje penale për ‘Toyota Yaris’. 

Berisha tha se Bashën e kërkojnë prokurorët belgë në zyrë në datën 17 dhjetor.

Nga Foltorja e Devollit, Berisha deklaroi se Basha është thirrur 5 herë për të dëshmuar për autoritetet ndërkombëtare.

“Edi Rama të ka kursyer e të ka mbajtur peng me dosjet në Shqipëri, por jo në Belgjikë. Unë jap vetëm kaq, ai prishi operacionin dhe këtë ia kam thënë pa ardhur ‘Toyotat’ në Shqipëri dhe kjo tregonte implikimin e tij me njërën apo tjetrën palë dhe kam zero njohuri se drejtësia belge e ka kërkuar për ndjekje penale dhe këtë e ka fshehur Edi Rama. Ai ishte thirrur 5 herë dhe në 1 tetor është thirrur sërish dhe në datën 17 prokurorët belg e presin në zyrën e tyre”, u shpreh Berisha.

Ish-kryeministri shtoi gjithashtu se dosja e ‘Toyota Yaris’ në prokurorin në shqiptare u mbyll me urdhër të Edi Ramës, i cili tha ai e mori peng Lulzim Bashën me këtë dosje. Në këtë drejtim, Berisha i kërkoi Bashës të japë dorëheqjen dhe të përballet me akuzat e drejtësisë belge, por edhe në SHBA për dosjen e lobimit.

“Në fillim të kësaj lëvizje ju deklarova dhe e quajta atë peng-Basha, peng-kryetari. Kurrë nuk e etiketoja pa patur bindje absolute se ai i tillë ishte dhe faktet dëshmuan të njëjtën gjë. Faktet po dëshmojnë vetëm këtë. Nëse në Shqipëri është vendosur narkoshteti, për fat të keq kryetari i dosjet e tij të krimit është aksioner i këtij shteti. Në ‘Foltore’ të ndryshme kam denoncuar dhe i kam kërkuar të japë shpjegime për ‘Toyota Yaris’, për dosjen ‘Muzin’. E garantoj se me radhë do të dalin dosje të tjera dhe e garantoj se projekti i Emirateve në Durrës nuk do të realizohet kurrë sa të jeptë PD forca më e fuqishme e vendit. 

Ish-ministri ynë i Brendshëm deklaron një ditë në Parlament se do të vijnë me Toyota 5 mln euro dhe do t’i presë Taulant Balla. Deklaratë që të dukej fantazi në pamje të parë. E pyes si e bërë ti zotëri këtë deklaratë. Tha është e sigurtë që do të vijnë… Nëse është e sigurt, si mund të dekonspirosh operacionin, i thash, se ti futesh në vorbullën e organizatës kriminale, se kjo deklaratë është paralajmërim për ata që do të vijnë. Janë me GPS tha. Ato erdhën, por ata që i prisnin nuk dolën. Ata ikën. Hapet dosja, merret në pyetje peng kryetari dhe për të gjithë atë aferë dënohet vetëm një njeri. Edi Rama i mbylli dosjen peng kryetarit. Por dosja i kishte rrënjët në Belgjikë.

Kishin nisur hetimet atje dhe atë dosje nuk ia mbyllte dot Edi Rama. Këto kohë gazetarët zbulojnë dokumente autentike në të cilat Ministria e Drejtësisë e Shqipërisë jep dritën jeshile për ndjekjen penale të Lulzim Bashës me kërkesë të autoriteteve belge. Ka ndodhur në 2019, ka vazhduar në 2020 dhe 2021. Tani fjala është e drejtësisë belge, të cilët e kishin marrë në pyetje njëherë e kishte thënë do të flas përpara drejtësisë belge. Por drejtësia belge nuk kontrollohet nga Edi Rama dhe kanë kërkuar marrjen me forcë dhe ndjekjen penale. I them jep dorëheqjen dhe mos u fshih pas dosjeve të tua. Edi Rama të ka mbajtur peng me dosje në Shqipëri, por me dosje në Belgjikë rezulton i shpallur anëtar i organizatës kriminale”, deklaroi ish-kryeministri Sali Berisha.

Berisha: Delegatët të mos japin asnjë firmë për anti-Kuvendin e Shoqatës Basha-Bardhi, të ndalen presionet

Ish-kryeministri Sali Berisha në Foltoren e Devollit ftoi të gjithë delegatët që të mos japin asnjë firmë për antiKuvendin e Shoqatës Basha-Bardhi.

Berisha falënderoi të gjithë ata që vendosën që të bëjnë publike firmat e tyre si delegatë.

“Ftoj çdo delegatë që të paraqiten në Kuvendin e datës 11. Ftoj delegatët që asnjë firmë të mos japin për anti-Kuvendin e shoqatës Basha Bardhi. Një paralajmërim dua të bëj, në ndonjë degë tek tuk ka zyrtarë që bëjnë presione ndaj anëtarëve, që të marrin funksione që nuk i kanë pasur vetëm për qëllime delegati. Në këto veprimtari ftoj çdo kryetar që të rrijë larg këtyre veprimtarive, çdo demokrat është i lirë të shprehë mendimin e tij, por jo të manipulojë rregullat statutore.

Kjo se PD është në fazën e fundit të saj e nuk do që të ketë jashtë saj asnjë anëtar. Jam mirënjohës ndaj delegatëve që kanë pranuar t’ju lexohen emrat. Firmat pa lejen tuaj nuk do bëhen publike, se i mbron ligji i të dhënave personale, por bëhen publike kur ka pëlqim nga individi që ka të dhënat. Ata që kanë bërë publik firmat i kanë dhënë goditje Ramës”, deklaroi Berisha.

Berisha: Pas 11 dhjetorit do të caktojmë datën e protestës së madhe

Berisha: ‘Foltorja’ uragan, demokratët u ngritën mbi presionet e narkoshtetit dhe peng-kryetarit

Ish-kryeministri Sali Berisha u ndal në Devoll këtë pasdite për ‘Foltoren’ me demokratët e Bilishtit. 

Lideri historik i PD tha se demokratët e Devollit ishin ndër të parët që firmosën formularin për Kuvendin Kombëtar të 11 dhjetorit.

Demokratët tha Berisha u ringritën pavarësisht nga presionet e qeverisë dhe të kryetarit të PD, të cilin e quajti peng-kryetari.

Delegatët e Devollit u bashkuan ndër të parët me nismën për një PD më të bashkuar, më fortë dhe më të hapur. Firmosën me një akt historik rithemelimin e PD me datën 11 dhjetor, rithemelimin e pluralizimit politik në Shqipëri. Firma dhe mbështetja juaj, e mbarë demokratëve në mënyrën më civile, më të qytetëruar, më paqësore, ka transformuar Shqipërinë si një revolucion i vërtetë demokratik paqësor i vjeshtës së vitit që po lëmë mbrapa. Foltorja me vullnetin tuaj me mbështetjen tuaj, një tërësi idealesh fisnike, të djemve dhe vajzave, djemve dhe grave që donin të ngrioheshin nga këneta e poesizmit, në lartësinë e idelave të tyre, të shpresave të tyre, u shtrua kjo në mrekullinë e vërtetë shqiptarë,. në mrekullinë e dytë të Shqipërisë nga 90 e deri sot. 

Foltorja në udhën e saj në një hark kohor të shkurtër, bashkoi rreth vetes qindra e mijëra demokratë. Bashkoi rreth vetes në një kohë të shkurtër më shumë se çdo lëvizje tjetër demokratike në histori. Ajo befasoi mbarë shoqërinë shqiptare, u shndërrua në një uragan, në një dritë të vërtetë shprese, por ajo rezonoi fuqishëm në të katër anët e kombit shqiptar, kudo ku janë shqiptarët në vendet përreth, në Europë, SHBA, Kanada dhe kudo që ndodhen. Shqiptarët shohin te kjo lëvizje shpresën e tyre të vërtetë, shohin idealet në veprim, shohin besimin se Shqipëria do të çlirohet nga narkoshteti dhe se në këtë vend do të mbizotërojë repsekti i të drejtave të njeriut, i dinjitetit njerëzor, i inciativës së lirë, i interesit kombëtar. Ju u ngritët mbi dëshpërimi, pesimizmin dhe presionin e madh të narkoshtetit, të pengut të narkoshtetit, presione të pamerituara dhe ja ku jemi sot, shkojmë të sigurt drejt 11 dhjetorit të firmosim së bashku, të inaugurojmë së bashku monumentin madhështor të rithemelimit të PD dhe pluralizimit shqiptarë. Të shndërrimit të kësaj partie në partinë e vlerave që të ndajmë dhe besojmë, në partinë e interesit kombëtar, në partinë e iniciativës së lirë“, u shpreh Berisha.

Berisha: Pas 11 dhjetorit do të caktojmë datën e protestës së madhe

Ish-kryeministri Sali Berisha foli nga Devolli edhe për përgatitjet për mbledhjen e Kuvendit Kombëtar të PD, në 11 dhjetor. 

Berisha u shpreh se për 7600 delegatët e PD do të ishte stadiumi ‘Air Albania’ për t’u mbledhur, por kjo varet nga kushtet atmosferike.

Berisha tha se pas miratimit të ndryshimeve statutore do të përcaktohet dita kur do të zhvillohet protesta e madhe kombëtare.

“Në datën 11 demokratët do të jenë në këmbë më të fuqishëm se kurrë. Do të përcaktojmë pas saj ditën e madhe të protestës kombëtare në të cilën do të shpallim kërkesat tona deri në fitoren e plotë. Në 11 dhjetor ne së bashku do të votojmë një statut në të cilën kemi qëllimin madhor rikthimin e lirisë së munguar, votën e lirë, poshtetin tuaj në PD. Lulzim Basha shkatërroi strukturat e kësaj partie. Ku do të mblidhemi ne 7600 veta? I vetmi vend ku mund të mblidhemi për të treguar se jemi seriozë me numrin e të gjitha, është stadiumi ‘Air Albania’, por për motin nuk e dimë“, tha Berisha.

 

VIDEO- Mbesa e Qazim Mulletit kundër Braçes: Të reagojë PS

Rishfaqja e komedisë ‘Prefekti’ dhe denigrimi i figurës së Qazim Mulletit ka sjellë reagimin e mbesës së tij. Në një intervistë për SYRI TV, Besforta Mulleti ka kërkuar reagim të institucioneve të kulturës dhe i është përgjigjur drejtorit të Teatrit Kombëtar, që e quan komedinë art, ndërsa postimin e Bujar Çelës dhe Erion Braçes në rrjetet sociale nuk i quan rastësor, ndaj kërkon reagim nga Partia Socialiste.

Komedia ‘Prefekti’, pak ditë më parë ndezi debatin në radhët e intelektualëve, komunitetit tiranas dhe familjarëve për risjelljen nga trupa e Teatrit Kombëtar të veprës që denigron figurën e prefektit Qazim Mulleti.

Në një intervistë për SYRI TV, Besforta Mulleti, mbesa e Qazim Mulletit ka kërkuar reagim të institucioneve të kulturës dhe i është përgjigjur drejtorit të TK, që e quan komedinë art.

Sipas mbesës së tij, intelektuali Qazim Mulleti ka pasur dijeni për komedinë që po shkruhej për të.

Përpjekjet për kthimin e eshtrave të Qazim Mulletit në Shqipëri kanë qenë të mëhershme. Koha më e përshtatshme për kthimin e tyre sipas zonjës Mulleti do të jetë kur të rishihet historia, ndërsa postimin e Bujar Çelës dhe Erion Braçes në rrjetet sociale nuk i quan rastësor, ndaj kërkon reagim nga PS.

Komedia ‘Prefekti’ ngacmon plagët e atyre që e jetuan diktaturën me burgime, internime e pushkatime.

Rafineria e naftës së Ballshit shkon për skrap, shitet për 9 milionë euro! Qeveria, zgjidhje të ndërmjetme për 800 naftëtarët që protestojnë për pagat

Rafineria e famshme e naftës në Ballsh është shitur më në fund për skrap.

Një bankë e nivelit të dytë, ka shitur rreth dy javë më parë për 9 milionë euro rafinerinë e Ballshit, e cila do të çmontohet për të shkuar për skrap.

Fillimisht, banka e nivelit të dytë, mësohet se ka negociuar për ta shitur rafinerinë për 25 milionë euro, me qëllim që kompania blerëse ta rikthente atë në punë.

Për këtë qëllim janë ngritur dy grupe me ekspertë vlerësues të rafinerisë së amortizuar. Grupet e ekspertit, në bazë të vlerësimit, kanë arritur në konkluzionin se për të rikthyer në punë rafinerinë, duheshin 30 deri në 50 milionë euro, një kosto kjo shumë e lartë.

Në këto kushte, banka ka vendosur t’ia shesë rafinerinë kompanisë Shijaku shpk për 9 milionë euro. Aktualisht kompania Shijaku shpk ka nisur çmontimin e rafinerisë së Ballshit, për ta çuar për skrap, sipas kontratës.

Po çfarë do ndodhë me mbi 800 naftëtarë?

Sipas Report Tv, shteti shqiptar, edhe pse ka hequr dorë nga 15 % të aksioneve që kishte tek ARMO, do t’u paguajë naftëtarëve një pagë minimale prej 300 mijë lekësh të vjetra në muaj. Këtë pagë naftëtarët do të marrin për një periudhë 3-vjeçare. Pagat kanë nisur t’i marrin që në prej një viti.

Megjithatë, ata kërkojnë 13 paga të prapambetura në kohën kur ARMO kalonte dorë më dorë, saqë sot është e vështirë të identifikohet pronari.

Rafineria e naftës në Ballash ishte pjesë e ARMO, e privatizuar në vitin 2008. ARMO kishte dy rafineri, atë të Ballshit dhe të Fierit. Sot funksionon vetëm rafinerie e naftës në Fier./dita


Send this to a friend