VOAL- Izraeli thuhet se po përgatitet të nisë një operacion të madh tokësor në Rripin e Gazës kundër Hamasit, pasi lëvizja fondamentaliste palestineze nisi sulme të përsëritura kundër shtetit hebre. Ndërkohë, vdekjet e izraelitëve dhe palestinezëve, përfshirë civilët, janë tashmë mbi 1100.

Qindra raketa u hodhën në orët e para të mëngjesit të së shtunës nga Rripi i Gazës drejt territorit izraelit. Në të njëjtën kohë, patrullat e milicisë hynë në territorin izraelit, duke sulmuar lokacione të ndryshme përgjatë kufirit. Sulmi i pretenduar nga Hamasi nxiti reagimin e Izraelit: “Jemi në luftë”, ka reaguar menjëherë kryeministri Benjamin Netanyahu. Kabineti izraelit i Sigurisë ka zyrtarizuar hyrjen e vendit në gjendje lufte. Sulmet ajrore u nisën në Gaza.

Ndërkohë, videot e publikuara në mediat sociale tregojnë milicinë e Hamasit që synojnë një festival të muzikës elektronike në shkretëtirë pranë Rripit të Gazës të shtunën. Një aksion në të cilin u vranë të paktën 260 nga 3000 personat e pranishëm në këtë ngjarje. Për më tepër, Hamasi dhe Xhihadi Islamik kanë mbi 100 pengje: civilë por edhe ushtarë.

Ndërkohë, Zvicra u ka kërkuar qytetarëve të saj që të heqin dorë nga udhëtimet jo urgjente në Izrael. Swiss ka vendosur të pezullojë fluturimet për dhe nga Tel Aviv duke filluar nga mbrëmja e së shtunës.

Izraeli mobilizon 300 000 rezervistë

Izraeli thuhet se po mobilizon rreth 300,000 rezervistë pas sulmeve nga Hamasi. Një zëdhënës i ushtrisë e konfirmoi këtë, duke shtuar se ky është mobilizimi më i madh në historinë e Izraelit në një kohë kaq të shkurtër.rsi-eb