Dy shpërthime vranë të paktën 103 persona gjatë një ceremonie në kujtim të gjeneralit Pasdaran

Shpërthimet ndodhën gjatë një ceremonie në kujtim të gjeneralit Soleimani, i cili u vra katër vjet më parë

VOAL- Të paktën 103 njerëz vdiqën në Iran dhe mbi 141 u plagosën pas dy shpërthimeve – disa minuta larg njëra-tjetrës – goditën një zonë pranë varrezave ku është varrosur gjenerali pasdaran Qassem Soleimani. Këtë e raportoi TV shtetëror iranian.

Guvernatori i provincës tha se ishte një sulm terrorist. Shpërthimet ndodhën ndërsa po zhvillohej një ceremoni në kujtim të Soleimani, kreut të forcave Qods të Gardës Revolucionare iraniane, i vrarë më 3 janar 2020 në Irak nga një sulm amerikan.

Soleimani është varrosur në varrezat e dëshmorëve në Kerman, Irani qendror. Mijëra njerëz po shkonin në vend për të bërë homazhe ndaj udhëheqësit të Pasdaranit në përvjetorin e katërt të vrasjes së oficerit të lartë.rsi-eb