Regjisori i njohur Bujar Kapexhiu mori pjesë sot në homazhet për ndarjen nga jeta të artistit të mirënjohur shqiptar, Naun Shundi.

Në një prononcim për mediat Kapexhiu tha se Nuan Shundi ishte një aktor i shkëlqyer dhe një mik i rrallë.

Ai tha se Shundi ia kushtoi gjithë jetën teatrit, ku arriti suksese jo vetëm si aktor, por edhe si dramaturg.

“Naun Shundi një aktor i shkëlqyer i skenës dhe ekranit shqiptar. Mbi te gjitha një njeri i mrekullueshëm dhe një shok i rrallë. Tërë jetën ia kushtoi teatrit dhe arriti suksese jo vetëm si aktor, por edhe si dramaturg. Pasioni i tij për teatrin bëri si askush tjetër të ngrejë vetë një teatër, të ndërtojë një teatër të vogël shumë komod, në të cilin kanë interpretuar dhjetëra e dhjetëra talente të reja. Pra ai u bë shkaku për t’u rritur filizat e rinj të artit shqiptar. Iku nga kjo jetë shumë shpejt, por ka lënë gjëra që do të jenë një shkollë në artin e teatrit dhe të kinematografisë. Qoftë i përjetshëm emri i tij”, tha Bujar Kapexhiu. gsh