Ambasadori amerikan në Kosovë, Jeff Hovenier, tha se Shtetet e Bashkuara shprehin mirënjohjen e tyre të thellë për Forcën e Sigurisë së Kosovës (FSK).

Diplomati amerikan e ka vlerësuar FSK-në për misionin e kërkim shpëtimit pas tërmetit që goditi Turqinë. “Shtetet e Bashkuara shprehin mirënjohjen e tyre të thellë për FSK-në, ekipet e kërkim-shpëtimit dhe ekipet mjekësore ndërsa kthehen në shtëpi në Kosovë. Ekipi i FSK-së kreu operacione të suksesshme të ndihmës në Turqi dhe shpëtoi disa jetë. SHBA-të janë krenar për parneritetin me FSK-në”, ka shkruar ai në Twitter, njofton RTK.

39 pjesëtarët e Forcës së Sigurisë së Kosovës, të cilët përgjatë dy javëve kanë shërbyer si ekipe të ndara në disa rajone në operacionet e kërkim shpëtimit pas tërmetit me pasoja tragjike në Turqi, janë nderuar me medalje.syri.net