NË BAJRAM CURR

Ora këtu pret këmbanën e zgjimit
Kohën e matë me dhembjen e kufirit
Dymijë vjet pikturoja fytyrat e buzëqeshura
I kisha mendue kreshnikët t’i gjej këtu

Në qytetin me të njëjtin emër të lirisë
Më kujtohet gota me poetin Ali Musaj
Kur e ngritnim për Bajram Currin
Ajo kohë seç mu ba plagë e pashërueme

S’kish dhembje ma të madhe se loti i poetit
Sot ia putha ballin secilit të rënë për Kosovën
S’ka ma kufi të ndarjes veç në ëndërr e shoh
Se fatet i kemi të ndërtuara mbi dashuritë e vjetra

Brezat rrinë roje më i ngrit kalatë e zemrave
Tani kjo tokë ka veç etje shiu e dritë dielli
Se çlirimtaret janë ba ma burra se burrat
Në sytë e mi pash sot fytyrat e heroinave

S’ka jetë pa dashuritë kryeneqe të çlirimtareve
Nëse unë tê mbaj në shpirt vargu im do të jetoj
Ma gjatë se të gjitha legjendat që s’kthejnë kurrë
Edhe nëse ishin simfoni të oborreve mbretërore

Mbretëresha e tokës,detit dhe e yjve të pafajësisë
Nga retë zbrite edhe pse kishte stuhi demonêsh
Por unë e vrava ferrin në ëndrrat e hanibalve
Im zot më fal nëse isha ndonjëherë mëkatar fati.

Një kafe shqiptare në qytetin Bajram Curr,29 prill 2023 AGIM DESKU

 

MË U BURRNUE SI ROZAFË

E di do të më thoshte Rozafa
Pse s’ke lindur në kohë t`legjendave
Më u burrnue si Rozafë
Më u ba luftëtar betejash me bajlozët

Të Bukurës së Detit më i dalë në ndihmë
Mos më e lanë në duart e demonëve
Eh,çmë ke burrënue Rozafë
E di që s’mund t’i rikthej legjendat

Kisha më u ba gur e mur i Kalasë
Veç më e pa të Bukurën e Detit
Titanikun s’e kisha lanë më u fundos
Si në legjenda me piratë isha pre

Kisha dyluftue edhe me zezona
Që kurrë s’kanë jetue në trojet tona
Për pesë shekuj armiqtë çka s`kanë sjellë
Pushtim e prangosje ferri deri në asimilim.
9 Maj 2023 Agim Desku

 

GURTHYESI

Më thanë të tjerët
Unë paskam faj
Gurët kur i kam thye

Bota kështu më tha
Veç pse krijova shtëpinë time
Kalanë ilire
Që ishte me shekuj e ndarë

E dihet se cilët djajë
E kishin ndarë ma shumë

Edhe pse isha trim
Nëse edhe qyqar të isha
Njëjtë i sharë më thanë je

Ende kam më thye gurë
Se m’i kërkojnë mjeshtrit
Andej edhe përtej detit

Më i forcue murët e Rozafës
Besa edhe më ndërtue një tjetër
Një Kala ma të madhe sa
Edhe Evropën më e nxanë brenda saj.
10 Maj 2023AGIM DESKU

MË LART SE YJET

Më lart se yjet
Do të isha Unë
Sikur ta kisha emrin
Luftëtar

Më lart se yjet
Do të ishe Ti
Sikur ta kishe emrin
Çlirimtare.

A. Desku 2023

HESHTJES I FLAS

E kam ndërmendë shkurt e shqip
Veç heshtjes t’i flas pse jo edhe t’i lutem
Nuk e di nëse është ma mirë për mua
Dua t’i flas botës përmes zemrês së lirë

Nga vetja nisëm shpejt si krushku i parë
Në dasmën e bashkimit gjithë shqiptarë
Nuk e them për inate të askujt as të tjerëve
Njerëzit për rreth nesh nuk sillën si luftëtarë

Është e drejtë e hyjnive të jetojnë olimpit
Kur perënditë erdhen nëpër këto anë
Veç kishim krye dymijëvjeçarin e kryqëzimit
Dhe dikush nga yjet dëshiroi të jeton me neve

Bota e ka të hapur derën si trëndafilat e parë
Edhe pse pranverat veç tek ne vonohen
Besa fati e deshti miqt e mirë na e sollën
Së bashku me bijat e bijtë e mi luftëtarë…
AGIM DESKU

KUJTIMI IM

Të festoj sot sa kam dëshirë o zot
Por ma me dëshirë do t’i rikujtoj Betejat
Për kalanë e Rozafës

Të ju falem shpëtimtarëve të ashtit tim
Kur ma ripagëzuan edhe një herë emrin Agim
Që me shekuj ma kishin prangos demonët e ferrit

Më besoni nuk kisha fuqi as të kaloj kufirin e zemrës
Nënës t’ia fal përqafimin për mallin e pashuar
Për gjirin që më kishte dhënë kur isha fëmijë

Kurrë nuk u ndjeva i lirë veç me lot në sy

Prapë sot nuk mund të udhëtoj për Filat
E lëre ma të shëtis sheshit të Athinës
Kah ka ecur Homeri të dielën me fener

Aty ky du botëra janë takue me yllin e Davidit
Dhe shekujt para Krishti i ka numërue shqip
Hyjnesha Tanagra

Dëshmi se ne jemi pellazgët e parë të kohës

Historia nuk na ka mësue historinë e vërtetë
Gjysmake dhe të hidhur si vet bota e shkretë.

21 Prill 2023 AGIM DESKU

PRAPË ROZAFË

Si t’i dinë brezat që vijnë rrënjët e mia
Sa të lashta janë sa vetë perëndia
Këtu jam mu në mes të Shkodrës
Edha se larg jam shtatë kuaj rrugë

Kthej kokën lart yjeve dhe flas me ty Rozafë
Flas anë e kend me tërë botën shqiptare
Me murët e ngritura edhe mbi vet Olimpin
Dymijë vjet para Krishti dhe të secilit zot

Këtu jam mu në mes të Kalasë
Dikur e rrethueme me bajlozët e zi
Erdha më e pa edhe Kalanë e Drishtit
Kush ma mirë s’i ngjan Ajkunës se sa ti Lavdije

Erdha t’i bëhem rebel brezave që vijnë
Edhe të vërbër duhet ta njohin historinë
Padrejtësitë që na janë bërë duhet më i peshu
I besoj brezit tim që kurrë s’bën më u pajtu

Kurrë ma afër dritës së diellit s’kemi qenë si sot
Të kaluarën digjeni dhe mos derdhni asnjë pik lot
Na duhet sërish Kuvendin e Lezhës më e ftue
Më e lidhë besën e burrit e prapë më u bashkue.

16 Prill 2023 AGIM DESKU

NJË DET NË ZEMËR
-Korifeut Ymer Elshanit

Tokës ka vite që i bëj lutje
Të ma fal detin ose bëhem pirat i tij
Të luftoj më shkëlësit e së bukurës
Të krijoj edhe unë një det në zemër
Valët e të cilit i ngjajnë shpirtit tim
Shumë herë u ngritën mbi re të bardha
T’ia shërojnë dhembjet Titanikut
Askush s’ia di fundin dhembjes se tij
Nga një det në tjetrin det erdha vet
Në detin e pafund erdha si rebel
Lutjet i kam nda me luftëtarët e bajlozve
Veç dy grusht fytyrë të m’i lenë mua
E di që nuk i mjaftojnë jetës time
Të eci për krah ëndrrave të bukura
Që ma bëjnë të gjallë çdo ditë jetën
Kam mendue më e marr diku një det
Më e ba zemrën të madhe sa faqja e tij
Më i rujtë kujtimet që s’kthejnë ma
Me vetveten më u fjalos për ata që urrejnë
Në ditarin e kujtimeve më e rujtë poetin
Kur natës ia vjedh errësirën për pak dritë
Si qiriu i Naimit bëhet fjalën më e ndritë
Nëse do më u ba mbret i fjalës se bukur
Krijoja zemrës një det të qetë pa stuhitë e tij
Atëherë s’do të këtë luftë në mes njeri-tjetrit
Se deti zemrës ia fal ma të bukurat fjalë
Ato që të ngritin të jetosh kohën e Olimpit.
14 Prill 2023 AGIM DESKU

FYTYRA IME E IZRAELITIT MAKSIM SHEGANIT

Prifti Kleo nga Korça më thotë
Sa me fat jam profesor Agim
Që m’i ngjani gjyshit tim
Izraelitit Maksim Shegani

Ç’histori e bukur e fytyrave të njëjta

Dhe isha në Izrael me ftesë të Rashelit
Ambasadores së paqës dhe mirësisë

Në Tel Aviv dhe Jerusalem e kërkova
Fytyrën time të gjyshit Maksim Shegani
Erdha këtu me kujtimet e nënës sime
Kur më thoshte mos harro kurrë biro

Të kam rritur në djepin me yll Davidi

Me sytë e mi këtu e pash Yllin e Davidit
Në flamur valonte si një burrë Shqipërie
Nëpër ço emër e zemër në tokës e premtuar
Ngritej lartë mbi secilën stuhi demonësh

Gjyshin Qazim Shegani e kërkova kudo
Nëpër shetitoret e bukura të Tel Avivit
Në Jerusalem u ngjita majës se Kalasë
Që m’i ngjante aq bukur Rozafës

Sikur të ishin dy kulla binjake

Në murin e dëshirave vura tre dëshira
Tre lutje për ma të dashurit e mi
Të ma lirojnë greket librin “Rrëfej diellit”
Që nga viti 2015 fjala ime rri e burgosur

Në shekullin e 21 të demokracisë greke

Nga zemra lutem dhe bërtas deri në qiell
Fali o Zot se s’dinë çfarë bëjnë

Dhe shkruaj në mur mos ma prangosni fjalën
As mos e denoni përkthyesen Anna Ballabani

Dhe nuk di nëse Zoti i ka fal demonët
Ata që e kryqëzuan Krishtin në dritë të diellit.
11 Prill 2023 AGIM DESKU

 

 

B O H E M
-Një miku ,që shtirëm që e kam mik,por ai më ka mik(L.Sh)

Vet me vete e them
Ai është Bohem

E kam inatë apo nuk e kam
S’di as kë ta pyes

Do më falin luftëtarët
Zotnat nuk ishin këtu kur luftohej
Cilët ma fajësuan lirinë
Kur atdheut e latë peng

Tani jemi të barabartë
Për ndarjet që na bëri bota
Veç barbarë si ta heq ketë njollë
Për mua dhe ty

Të dytë jemi ngapak mëkatarë të Venedikut
Pse këmbanat i dëgjuam me sy e vesh
E Kalanë e Rozafës nuk e shihnim kah ngritej
Në shpirtin tim kishte vend për tërë Shqipërinë

Dy mijë emra të pagjetur presin
Të dëshmojnë kur do të vjen liria
T’i bashkojmë emrat në dritën e diellit
Edhe nese flaka e tij na djeg shpirtin

Me Prometheun sërsh duhet me fol
Të riktheht para se me u çel Kutia e Pandorës
Ndoshta duhet me i zëvendësue njëqind Kalorësit e Apokalipsit

Tani dihet se Itaka është toka ime pellazge
Ma thotë Mirë Homeri në Iliadë
Kur jetoj dhe foli shqip hyjneshaTanagra
Gjashtëmbëdhjetë shekuj para Krishti

Dhe çfarë tjetër dëshmi do bota
Se këtu jemi den baba den edhe para djallit.

10 Prill 2023 AGIM DESKU

PARAJSA E EMRIT TIM

Në njëmijë e një netë eca
Nëpër legjendat e Rozafës
Nuk e di se si e gjeta parajsën
Në bukurinë e Tanagrës të pava
Kur sytë e tu shndërrisnin jetën
Aty pash vargun e dhembjes
Rreth e rrotull botës më sjelli jeta
Për të zënë një vend në tokë
Dhe një mes yjeve dhe diellit
Më u ba flakë e rreze drite
E kisha premtim nga hyji
Vargun që me vite e kërkova
E gjeta tek zanat që ma kishin rue
Në gji dhe në shpirtin e miqve të mi
Trokita në portën e poetit rebel
Ishte gota që mbushej helm e vrerë
Mbeta i dehur bashkë me kujtimet
Për pak më u ba asht i thyer
Së shekujt nuk më pranuan për njeri
Atë ditë kur u gozhdua Krishti
Retë e zeza ranë mbi emrin tim
Sa shpejt më pagëzoj nëna në Agim
Ndoshta nuk e kisha ditur kurrë emrin tim.
8 Prill 2023 AGIM DESKU

ROBINJA

Të kanë thënë
Ma shumë se me zemër
Robinja ime

Me secilën lule
Të kanë krahasu

Trëndafili i shpirt
Të kanë thirrë
Nëpër secilën kohë

Breza të kanë rujtë
Si sytë e ballit
Dhe në sy të kanë pikturu

Hyji të ka shndrru
Në hyjëri

Rrugën për Olimp
Poetët ta kanë shtrue me lule
Mbrëmjeve kur s’ka hënë
Yjet të bëjnë dritë

Robinja ime
Kështu e thërriste babai
Nënën time.

06 Prill 2023 AGIM DESKU

KA ÇKA S’KA

Ka çka s’ka
Ka të mirë
Ma të mirë së unë

Ka çka s’ka
Ma i keq se unë
As ti s’je

E di së jam i keq
Së e mbaj fjalën
Me njëqind dryna
Në zemër e prangosi

Hi e pluhur atdheu
Bëhem
Për fjalën që brezat ma rujtën

Sot s’mund ta gjej ma
Edhe nëse njëqind herë vdes
Për të

Ka çka s’ka
Me fytyrë e të paftyrë
Këtu qëlloftë njeriu
Kur është ma i keqi së unë

Eh ka çka s’ka në këtë jetë
Një botë e dhembshme
Plotë plagë të shpirtave kryeneq
Që vdesin kot se koti
E s’dinë të vdesin për dashurinë.

04 Prill 2023 AGIM DESKU

LUMI I JETËS
-Mikes që m’u bë pergamenë e lirisë

Ç’të them për ty e detin
Jeni të njëjtë
Mund të mateni edhe me fjalën time
Askujt s’ia kam fal veç teje

Më vjen keq për Titanikun
Por fundosja e tij na dha fuqi
Më e rujtë besën e dhënë

Sa herë biente shi
Mbi lumin tim të bardhë
Ti ke flurue në vend të pulëbardhave
Stuhitë m’i ke ndalue me ambrellën e shpirtit

Edhe pse larg i kishim valët e detit
Të rrahurat në zemër valëviteshin njëjtë

Sa herë e kemi marrë n’gryk detin
Kemi dashtë më e pi
Më u deh si dy të krisur

E më humb larg sysh
Ku s’jeton asnjë njeri i urrejtun. 22 mars 2023 AGIM DESKU

KËNGË ZANE

Shpesh herë të marr peng
E di që je këngë zane
Edhe pse jeton nëpër secilin gur
Së bashku me të bukurën e detit dhe tokës
Atëherë vjen i njëjti varg i poetit
Për të qenë fjalë e zemrës
Më duhet të rri zgjuar nëtëve të pafund
Më u përballë me etjen e tokës
Që m’i ngjan thatësive sahariane
Nganjëherë të marr në përqafimin tim
Si dhuratë që më ka lënë Zoti i luleve
Më u lutë agimit për shi
Më ardhë pranverat para marsit kryeneq
Trëndafilat na presin ditën tonë
Kur lutemi për shpirtin luftarak
Të secilës betejë të luftëtarëve
Që ëndrrat m’i bënë fjalë të lirë
Sot jam zënë me secilën këngë
Që nuk e ka emrin e heroit tim
Të gurëve të pandarë të Rozafës
Ku sërish dua të dëgjoj këngën e zanave
Ndoshta pas pesë shekujve të mallit
Na duhet më u shndrrue në varg loti
Më u pa së bashku në dritën e diellit
Vetëm atëherë do ta kemi fatin e zotave. 21 mars 2023 AGIM DESKU

ME POETËT NGRITËM TROLLIN MBI RE

Kurrë nuk i besova Lasgushit
Pse deti i Serembes ishte i pafund
Në valët e tij dremiste vargu i poetit
Këtu e ndjeva shpirtin tim të gjallë

Mes dy poetëve i gjeta dy rreze të diellit
Pranova të fundosem pak para Titanikut
Vetëm Serembes t’i shpëtojnë lirikat e gjalla
Dashuriçkat që poetët ndonjëherë vdesin për to

Tjetër vdekje s’kanë asnjë poetë
Fjala për plagët e dhembjes i mban gjallë
Për tokën e lirë pa asnjë pushtues trualli
Nëse për tokën e falin dashurinë dhe kokën

Edhe pse larg më rri fjala e poetit gjatë shekujve
Orët e zanave m’i kanë sjell në secilin gur atdheu
M’i kanë muros rrënjët e mia pellazge
Ku tjetër përpos në kalanë e Rozafës

Nuk përfundojnë këtu plagët që m’i kanë krijue
Demonët s’ka kush t’i pagëzoj në djajë të Mojsiut
Ecin të lirë dhe ma vrasin lirinë e çlirimtarëve
Dikush është mëkatar pse koha ime ka pak diell. 8 Mars 2023 AGIM DESKU

MUZA

Para syve të mi e gjeta muzën
Në pranverën e parë të vitit 1999
Si sot në njërin gjeth të trëndafilit
Që sapo kishte çelë marsit rebël

Blbilat në të njëjtën ditë i këndonin
Të bukurës more që çajti detin
E kurrë ma nuk u kthye në folen e vet
Pranvera e paska rujtur muzën time

Diku nën thellësitë e Titanikut
Vetëm simfonitë e Betovenit s’fundoseshin
Lirisë i jam betue që ta nxjerri nga ferri
O dashuri s’kam për të gëzue asnjëherë

Si sot i kujtoj betejat e luftëtarëve
Çlirimtarët paskan qenë shpëtimtarët e mia
Në dyluftim me demonët sërish jam ngritë
Në olimp nëse një ditë takoj muzën time

Gotat për të vërtetat e jetës do t’i ngriti
Për luftëtarin që u shdrru në hero të lirisë
Një për besnikërinë e muzës që më vie pas
Dhe për zemrën time nga syri i keq të mos plasë.

7 Mars 2023 AGIM DESKU