Heshtja jonë
perëndim dielli
si një dhelpër e kuqe
dinake
e pabesë

si Ulisi
që më profetizon
pritje dhe përcjellje
të pafajshme
të pashërueshme
tej e përtej
heshtës së kohës

heshtja jonë
beduine
nëpër shkretëtirat
e thjeshtësirës makabre
e thjeshtësirës
perverse

që përpiu
nëpër galeritë
katakomba
duke përplasur duart
gjithë ovacione oruelliane
ahmat dhe rënkimet njerëzore
të qytetit tim
të trazuar dhe të zbrazur
nga shpirtërat njerëzorë

Marrë nga Libri i Elida Buçpapajt, Unë jam e përjetëshme, Omsca 2012