Salianji nuk është heroi im e as i demokratëve të shtresës time apo atyre që njoh unë!

As sot as kurrë!

Heroi im është demokrati idealist si Ilir Vrenozi që vjen nga Korça e largët në protestë ndoshta duke mos ngrënë edhe disa vakte bukë e nuk kërkon asgjë në këmbim të kësaj sakrifice sepse e do Shqipërinë.

Heroi im është ai shqiptari i ndershëm që e siguron bukën e tij dhe fëmijëve të tij me djersë dhe ndershmëri!

Heroi im ashtë ai burrë apo grua që ju qëndroi besnik idelaeve dhe ruajti fytyrën edhe në momente kur i rrezikohej jeta.

Heroi im është ai që përballoi hunjtë dhe shkopinjte e Salianjit e salianjëve të tjerë që u bënê njësh me bandat qeveritare e kurrë nuk kërkuan falje.

Heroi im është ai që refuzoi presionin dhe nuk ju lëpi ambasadës së Kim Lu-së por rezistoi dhe i qëndroi fort të drejtës dhe idealit të tij.

Heroi im është ai apo ajo që e sheh realitetin drejt e në kokërr të syrit dhe e di që kjo bandë nuk rrëzohet me votë por vetëm me rezistencë të panderprerë siç ndodh në vendet e tjera dhe nuk beson qorrazi në fitore që ja garantojnë një grup arrivistësh që një zot e di nga e marrin këtë garanci dhe i mbajnë zgjedhësit me premtime boshe!

Heroi im është ai që lufton me mjete politike të ndershme e jo ai që pret radhën të vijë në pushtet duke shpresuar se kundërshtarin do ta rrëzojnë të huajt!

Heroi im nuk është ai që ditën shpon qiellin me dy gishta e çirret për besnikëri ndaj liderit e në darkë bën pazaret për tenderat për familjarët e tij.

Heroi im nuk është ai që sheh Partinë Demokratike si lopë race për ta mjelë kur të jetë në pushtet por si mjet politik për të realizuar qëllime fisnike në të mirë të vendit e kombit.

Heroi im nuk është ai që shkon në protestë me kostum dhe kollaro të hekurosur e vetëm për tu promovuar si elita e re e partisë sepse në protestë nuk shkohet me kostum e kollaro o njerëz!

Heroi im nuk është ai që e sheh postin politik apo karrieren politike si trashëgimi të patjetërsueshne familjare dhe i duket vetja aristokrat për shkak të posteve të familjarëve të tij.

Heroi im NUK është ai që e sheh suksesin në propagandë boshe duke imituar ligjërimin politik të shpifur të Erjon Veliajt dhe të ngjashmëve të tij.

Heroi im nuk është ai që REFUZON të mendojë politikisht e politikën e sheh vetëm si rrjedhim makiavelist pavarësisht se çfarë sjell!

Heroi im nuk êshtë ai që lufton për të qenë një deputet opozite pas zgjedhjeve sa për të rrezuar Sali Berishën por e sheh betejën si jetë a vdekje të kombit e vendit të tij!

Heroi im nuk është ai që refuzon ta shohë realitetin në sy!

….

Lista vazhdon…!