HARLISJE FRYME- Poezi nga RUZHDI GOLE

February 20, 2026

Eja kodër, rri pranë meje…

të dehem unë

ti mos u deh,

po e dehe ti

kush do ma

ndjellë ecjen

tek deti frymor

tek qyteti plot fe ?

.

Eja, kodër

të shprazem i gjithi

me duf e me dert,

të flasim nën zë

jo kalimthi

argati unë

ti, kurorë shenjtë.

.

Eja, kodër…

ti paske ardh’ ?

harlisur e gjitha

më qafon, shkund,

po shihja detin

frymorin e kaltër

rrjetat

tek peshkonin

perëndimin

gjithë mund.

.

Oh …

Vila mbretnore

paska ndez’ dritat

ne…njeri – tjetrin

mos humbasim

nga sytë.

• twitter

  Follow
• facebook
• linkedin

Fjalë kyçe: RUZHDI GOLE