Analisti Genc Burimi përmes një komunikimi të drejtpërdrejtë në studion e News24 ka komentuar situatën në veri të Kosovës dhe tensionet mes Prishtinës dhe Beogradit.

Sipas tij Serbia ka mbajtur “kartën e Asociacionit” për ta përdorur atë në rast presioni nga Perëndimi, ndërsa u shpreh se ka pasur një pakt të heshtur për veriun pasi asnjë lider kosovar para Albin Kurtit nuk kishte shkuar në Mitrovicë për të vendosur autoritet.

Ai u shpreh më tej se SHBA sot po përdor kartën e presionit ndaj Kurtit për të pranuar Asociacionin, si edhe të hartojë tekstin për zhvillimin e tij.

Burimi deklaroi se Kosova nuk ka garanci se pas pranimit të Asociacionit serbët do largohen nga veriu, pasi kanë bërë të njëjtën gjë në Bosnje pas krijimit të Republika Srpska.

Ai shtoi se në këtë moment Vuçiç dhe Serbia kërkojnë të fitojnë kohë duke pritur edhe shumë vite, nëse “NATO ndoshta shpërbëhet dhe Kosova mund të kthehet në një objektiv që merret me luftë”.

“Serbët pas asaj që ndodhi me targat bojkotuan zgjedhjet. Në prill Escobar u bën thirrje serbëve të votojnë, përndryshe SHBA do i njohë zgjedhjet. Zgjedhjet mbarojnë pas asaj krizës ku nuk shkuan serbët. Del në skenë pas kësaj Macron me Scholz dhe thonë komplet të kundërtën duke u shprehur se Kurti ka fajin sepse nuk duhet t’i mbante zgjedhjet. Çështja është se serbët duan asociacionin e komunave që të shkojnë në zgjedhje.

Serbia ka bërë një pakt të heshtur duke mbajtur xholin e Asociacionit për ta përdorur në rast presioni të madh nga Perëndimi. Që prej pavarësisë së Kosovës asnjë lider kosovar nuk kishte shkuar në veri për të vendosur autoritet. Kurti tashmë duhet të pranojë asociacionin dhe të sjellë një tekst projekt ku Kosova të thotë se nuk e do veriun. Escobar nuk e mohon rrezikun.
Escobar thotë se nëse Kosova nuk do një republikë si në Bosnje duhet të thotë si e do Asociacionin. I kërkohen dy gjëra Kosovës. Edhe të pranojë Asociacionin, edhe të sjellë tekstin. Është shumë e komplikuar dhe e pandershme ajo që po i bëhet Kurtit.

SHBA sot po përdor kartën e presionit ndaj Kurtit. Nuk funksionon kështu, ka një demokraci. Kurti e çoi topin te Vuçiçi i cili u mbrojt me Asociacionin. Tani Kurti duhet të lërë topin te Perëndimi, të cilët duhet të propozojnë tekstin e tyre për Asociacionin. Sot serbët janë instaluar në veri të Kosovës, ndërsa Perëndimorët gabohen se ata do largohen nga veriu me Asociacionin. Nuk mund të ndodhë kjo pasi Vuçiç do e kishte bërë dhe në Bosnje nëse do ishte e vërtetë. Vuçiç ka në dorë një armë të fortë, Rusinë. Ai kërkon të fitojë kohë, 10-15 vite ndoshta. Ndoshta pas 15 vitesh NATO nuk ekziston dhe Serbia mund të marrë Kosovën me luftë”, u shpreh ai. bw