I ftuar në SYRI TV me moderatorin Edvin Parruca, gazetari nga Prishtina Venhar Isufi ka folur për vendimin e BQK-së për të hequr dinarin serb nga qarkullimi në territorin e Republikës së Kosovës, si dhe reagimin e faktorit ndërkombëtar ndaj këtij vendimi.

Sipas gazetarit Isufi, ky vendimi i BQK-së është mëse i duhur pasi dinari serb në Kosovë është shfrytëzuar nga grupet kriminale apo strukturat paralele, të cilët e kanë keqpërdorur këtë monedhë duke bërë shpëlarje të parave apo pagesa të strukturave kriminale.

Gjithashtu sipas gazetarit, me dinarin serb janë paguar edhe pjesëmarrësit në sulmin terrorist të ndodhur në Banjskë në 24 shtator 2023.

Isufi: Vendimi i BQK është mëse i duhur për vendin tonë që e vetmja monedhë që duhet të qarkullojë në Kosovë është monedha euro. Për çfarë e kanë përdorur serbët dinarin serb në Kosovë ata e kanë përdorur sikur monedhat e tjera ashtu si përdorim edhe ne euron, për pagesa të ndryshme, për çështje të tjera, pagesat që janë kryer nga Serbia te pensionet, pagat që marrin disa serbë nga Serbia në komunat veriore, por dinari serb është shfrytëzuar edhe nga grupet kriminale apo strukturat paralele, të cilët e kanë keqpërdorur këtë monedhë duke bërë shpëlarje të parave apo pagesa të strukturave kriminale, sidomos sulmit të fundit në Banjskë në 24 shtator ku kryeministri Kurti e ka thënë se me dinarin serb janë paguar kryersit e këtij akti gjithashtu janë përdorur edhe në investime në prodhimin e kriptovalutave apo për prodhimin e mariuanës në pjesën veriore të Kosovës. Kemi tashmë grupet e shkatërruara nga Policia e Kosovës.

Për të gjitha këto është marrë një vendim nga BQK dhe qeveria e Kosovës ndonëse është i vonshëm për tu larguar kjo monedhë nga territori i Republikës së Kosovës për të mos u përdorur por që është marrë ku vendim që edhe nga ngjallur reagim nga faktori ndërkombëtar.