Elena Milashinas ia rruan kokën dhe pastaj e lyen me një antiseptik

Elena Milashina e Novaya Gazeta u shtrua në spital me gishta të thyer. Asaj ia rruan kokën dhe pastaj e spërkatën me zelyonka, një antiseptik jeshil

VOAL- Elena Milashina, një gazetare investigative ruse nga gazeta e pavarur Novaya Gazeta, është shtruar në spital pasi u rrah në Çeçeni. Kjo është bërë e ditur nga OJQ-ja Memorial për të drejtat e njeriut. Gruaja u sulmua kur ishte bashkë me avokatin Alexander Nemov pranë aeroportit të Groznit, ku sapo kishte zbritur.

Gazetarja ishte rrugës për në gjyqin e Zarema Musayeva, nëna e aktivistit social Yangulbayevs dhe gruaja e një gjykatësi federal. Musayeva u rrëmbye nga banesa e saj në Nizhny Novgorod nga forcat çeçene të zbatimit të ligjit në janar 2022 dhe u dërgua me forcë në Çeçeni. Avokati Nemov përfaqëson interesat e saj në gjykatë.

“Duar të lidhura, e ulur në gjunjë, arma e drejtuar në kokë. Një rrëmbim klasik, siç bënin në kohët e vjetra. Ka kohë që nuk e kanë parë një të tillë. Imobilizuan taksistin dhe e hodhën jashtë makinës, hipën në makinë, më përkulën kokën, më lidhën duart, më vunë në gjunjë, më vunë armën në kokë. Gjithçka e bënë me nervozizëm dhe nuk m’i lidhnin dot duart”, tha Milashina në spital.

Elena dhe Aleksandri u rrahën nga rreth dhjetë burra me shkopinj dhe shkelma. Sulmuesit ua shkatërruan telefona celularë dhe tabletat, pastaj e rruajtën, e goditën me shkelma dhe grushta, i drejtuan armën në fytyrë, duke bërtitur “tani nuk do të shkruani më asgjë, largohuni nga vendi, jeni paralajmëruar”. Dhe në fund e spërkatën me zelyonka, një antiseptik i ngjashëm me tretësirën e jodit (që qëndron për një kohë të gjatë) i përhapur në Rusi, të cilin grupet nacionaliste pro Putinit e përdorin kundër kundërshtarëve të tyre. rsi-eb