VOAL

VOAL

Please Wait ...
0%

Fugaku i Japonisë ruan pozitën e “kompjuterit më të shpejtë në botë”

By | November 17, 2020
blank

Komentet

blank

G-7 fillon punimet në Londër

VOA

Ministrat e jashtëm që përfaqësojnë Grupin e 7 vendeve më të industrializuara po zhvillojnë takime në Londër për një sërë çështjesh botërore, përfshi marrëdhëniet me Kinën dhe Rusinë, grushtin e shtetit në Mianmar, konfliktin sirian dhe situatën në Afganistan.

Britania, vendi pritës, ka paralajmëruar se aktivitetet gjithnjë e më agresive të Rusisë, Kinës dhe Iranit paraqesin një sfidë për shoqëritë demokratike dhe rendin ndërkombëtar.

Sekretari i Jashtëm i Mbretërisë së Bashkuar Dominic Raab tha se presidenca e Britanisë këtë vit e G-7ës “është një mundësi për të bashkuar shoqëritë e hapura dhe demokratike për të demonstruar unitet në një kohë kur është shumë e nevojshme të trajtohen sfidat e përbashkëta dhe kërcënimet në rritje”.

Diplomatët kryesorë nga Britania, Shtetet e Bashkuara, Kanadaja, Franca, Gjermania, Italia dhe Japonia po zhvillojnë bisedime dy ditore me një axhendë që përfshin grushtin e shtetit në Mianmar, krizën Tigray në Etiopi dhe situatën e pasigurt në Afganistan, ku trupat amerikane dhe aleatët e NATO-s po përfundojnë një dislokim prej dy-dekadash.

Ministria e Jashtme e Mbretërisë së Bashkuar tha se grupi do të diskutojë gjithashtu “veprimtarinë e vazhdueshme keqdashëse të Rusisë”, përfshirë dislokimin e trupave ruse në kufirin me Ukrainën dhe burgosjen e politikanit të opozitës Alexei Navalny.

Ministrat e G-7 gjithashtu do të përpiqen të bien dakord mbi një mënyrë për t’i bërë të disponueshme vaksinat e koronavirusit në të gjithë globin. Vendet e pasura kanë hezituar të japin vaksina pa imunizuar popullsitë e tyre.

Organizatorët kanë ndërmarrë hapa për të parandaluar përhapjen e COVID-19 në takimin e Londrës, duke përfshirë vendosjen e barrierave plastike mes pjesëmarrësve dhe vënien në dispozicion të testeve të koronavirusit në ambjentet e takimeve.

Sekretari Raab, i cili zhvilloi bisedime paraprake me Sekretarin amerikan të Shtetit Antony Blinken të hënën, pritet të nxisë anëtarët e G-7ës të sanksionojnë individë dhe subjekte të lidhura me juntën ushtarake të Mianmarit, të mbështesin embargon e armëve dhe të rrisin ndihmën humanitare për popullin e Mianmarit.

“Për Mianmarin, duam të shohim përfundimin e dhunës. Duam të shohim që regjimi ushtarak të kthehet tek demokracia dhe tek mandati elektoral që qeveria duhet të ketë për të përfaqësuar popullin e Mianmarit. Kemi qenë të qartë jo vetëm për sanksionet tona, sanksionet sipas ligjit Magnitsky, por edhe për masat më të gjera që kemi marrë për të ndaluar kompanitë në Mbretërinë e Bashkuar që të bëjnë biznes me konglomerate ose biznese të kontrolluara nga ushtria e Mianmarit, dhe do të vazhdojmë të bëjmë presion në këtë drejtim”, tha sekretari britanik.

Sekretari Blinken tha se Shtetet e Bashkuara janë të gatshme të angazhohen diplomatikisht me Korenë e Veriut për të arritur qëllimin përfundimtar të denuklearizimit të Gadishullit Korean, pas përfundimit të një rishikimi një mujor të politikave amerikane ndaj Koresë së Veriut.

“Ajo që kemi tani është një politikë që kërkon një qasje të kalibruar, praktike që është e hapur dhe do të eksplorojë diplomacinë me Korenë e Veriut në përpjekje për të bërë përparim praktik që rrit sigurinë e Shteteve të Bashkuara, aleatëve tanë dhe forcave tona të dislokuara. Dhe ndërsa po e bëjmë këtë, ne do të vazhdojmë të jemi në koordinim dhe konsultim shumë të ngushtë me aleatët dhe partnerët, duke filluar me Republikën e Koresë së Jugut dhe Japoninë, si dhe të tjerët” .

Shtetet e Bashkuara pritet gjithashtu të caktojnë një të dërguar të posaçëm për çështjet e të drejtave të njeriut të Koresë së Veriut.

Takimi i së martës vjen në prag të samitit të liderëve të G-7 të planifikuar të zhvillohet në qershor, po në Britani.

blank

Më pak se 100 persona të sëmurë rëndë me koronavirus në Izrael

Pamje nga Tel Avivi.

Numri i pacientëve të sëmurë rëndë me koronavirus ka rënë nën 100 në Izrael, për herë të parë në rreth 10 muaj.

Të dhënat nga Ministria e Shëndetësisë, të publikuara të hënën vonë, kanë treguar se 97 persona konsiderohen seriozisht të sëmurë dhe 63 janë në ventilatorë.

Herën e fundit kur kanë qenë më pak se 100 persona të sëmurë seriozisht me koronavirus në këtë shtet, ka qenë 7 korriku i vitit të kaluar.

Numri më i madh, ndërkaq, është regjistruar më 17 janar, duke arritur në 1,192.

Izraeli ka realizuar fushatë të suksesshme të vaksinimit prej 19 dhjetorit, andaj edhe numri i personave të infektuar dhe i të sëmurëve ka rënë dukshëm për tre muaj.

Të dhënat zyrtare kanë treguar se 51 raste të infektimit janë regjistruar në 24 orët e fundit.

Vetëm 0.2 për qind e gati 29,000 testeve kanë rezultuar pozitive.

Shumica e kufizimeve për të ndalur përhapjen e koronavirusit janë hequr në këtë shtet. rel

blank

Rusia “lëshoi gjysmë milioni pasaporta në lindje të Ukrainës” për dy ditë

Ministria e Jashtme e Rusisë ka thënë se ka lëshuar 527,000 pasaporta ruse për banorët në lindje të Ukrainës, ku separatistët e mbështetur nga Rusia janë duke luftuar kundër Kievit.

Shërbimi për media i ministrisë ka bërë këtë njoftim më 2 maj, për agjencinë shtetërore të lajmeve TASS.

Më herët, Rusia ka lëshuar 650,000 pasaporta të reja në rajon, pasi presidenti rus Vladimir Putin pati marrë vendim më 2019 për të thjeshtuar dhe zgjeruar procesin e dhënies së shtetësisë për banorët në këto zona.

Politika e Moskës për dhënie të shtetësisë në Ukrainë është kritikuar ndërkombëtarisht, pasi është parë si tentim për të destabilizuar lindjen e Ukrainës, ku kanë vdekur më shumë se 13,000 persona prej nisjes së luftimeve në prill të vitit 2014.

Ukraina ka dënuar natyralizimin e qytetarëve ukrainas, duke e konsideruar këtë vendim si pjesë të luftës hibride të Moskës dhe si shkelje të sovranitetit të Ukrainës.

Rusia ka ofruar mbështetje ushtarake, ekonomike dhe politike për separatistët në disa pjesë të rajoneve Luhansk dhe Donetsk të Ukrainës.

Pavarësisht të dhënave, Moska vazhdon të pretendojë se nuk është e përfshirë në çështjet e brendshme të Ukrainës.

Këto zhvillime kanë ndodhur në kohën e rritjes së tensioneve në mes të Rusisë dhe Ukrainës në javët e fundit, meqë autoritetet ruse patën rritur prezencën ushtarake në kufi me Ukrainën dhe rajonin e Krimesë, që Moska ka aneksuar nga Ukraina më 2014. rel

blank

Nis zyrtarisht tërheqja e trupave të SHBA dhe NATO-s nga Afganistani

Pas gati 20 vjetëve, Shtetet e Bashkuara dhe NATO-ja nisin të shtunën zyrtarisht tërheqjen e trupave të tyre nga Afganistani, duke e lënë këtë shtet me një të ardhme të paqartë, ndërkohë që rriten sulmet nga kryengritësit talibanë.

Rreth 10,000 ushtarë të NATO-s, përfshirë 2,500 ushtarë amerikanë dhe rreth 1,100 nga Gjermania do të largohen nga ky shtet deri më 11 shtator.

Dita e 1 majit shënon nisjen zyrtare, mirëpo pajisjet ushtarake veçse kanë nisur të largohen nga Afganistani disa javë më parë.

Disa shtete të NATO-s kanë angazhuar forca shtesë në mënyrë që të garantojnë procesin e tërheqjes.

Ekzistojnë shqetësime se talibanët mund të sulmojnë forcat gjatë procesit të tërheqjes.

Një zyrtar i NATO-s ka thënë se secili sulm do të ketë përgjigje të fuqishme.

Tërheqja e forcave ndërkombëtare do të jetë test për forcat afgane të sigurisë, të cilat do të duhet të mbrojnë territorin e tyre që kontrollon qeveria.

Gjeneralët amerikanë kanë shprehur së fundmi shqetësime se tërheqja mund të rezultojë me rrëzim të Qeverisë afgane, apo me luftë të re civile.

Megjithatë, presidenti amerikan Joe Biden është i vendosur të zbatojë planin e tërheqjes të trupave deri më 11 shtator, kur shënohet 20-vjetori i sulmeve të 11 shtatorit në tokën amerikane.
Më 2 maj të vitit 2011, një operacion i kryer gjatë natës nga forcat speciale të Shteteve të Bashkuara të Amerikës rezultoi me vrasjen e njeriut më të kërkuar në botë.

Aleatët e Uashingtonit në NATO po ashtu kanë thënë se do të ndjekin rrugën e SHBA-së për largim nga ky shtet. rel

blank

Dhjetëra të vdekur gjatë një rrëmuje në një festival fetar në Izrael

VOA

Të paktën 44 veta humbën jetën dhe rreth 150 të tjerë mbetën të plagosur në një rrëmujë përgjatë një festivali fetar në Izraelin verior, në të cilin morën pjesë dhjetëra mijëra hebrenj ultra-ortodoksë.

Kjo është nja nga katastrofat civile më vdekjeprurëse në vend.

Rrëmuja, sipas dëshmitarëve dhe video-pamjeve, filloi kur një numër i madh njerëzish vërshoi në një kalim të ngushtë si tunel. Njerëzit filluan të bien njëri mbi tjetrin afër fundit të vendkalimit, ndërsa zbrisnin shkallët e rrëshqitshme prej metali, thanë dëshmitarët.

Rrëmuja ndodhi gjatë festimeve të kremtes Lag BaOmer në malin Meron, mbledhja e parë fetare masive që kur Izraeli hoqi gati të gjitha kufizimet për shkak të pandemisë së koronavirusit. Heqja e masave pasoi një nga fushatat më të suksesshme të vaksinimit në botë.

Lag BaOmer tërheq dhjetëra mijëra njerëz çdo vit, shumica prej tyre hebrenj ultra-ortodoksë, për të nderuar Rabinin Shimon Bar Yochai, një mistik i shekullit të II-të që është varrosur atje. Turmat e mëdha tradicionalisht ndezin zjarre, luten dhe vallëzojnë si pjesë e festimeve.

Kryeministri Benjamin Netanyahu e cilësoi ngjarjen “një tragjedi të madhe” dhe tha se të gjithë po luteshin për viktimat.

Në një garë me kohën, funeralet duhe të përfundojnë para perëndimit të diellit të premten, para fillimit të Shabatit, kur nuk bëhen varrime.

blank

Fitimi vjetor neto i kompanisë “Sony” për herë të parë tejkalon 1 trilion jen

Kompania e elektronikës Sony njoftoi se në vitin fiskal 2020 fitimi neto i kompanisë për herë të parë ka tejkaluar pragun prej 1 trilion jen dhe ka arritur në 1.17 trilionë jen (11 miliardë dollarë)

 

Tokio

Kompania e elektronikës Sony njoftoi se në vitin fiskal 2020 fitimi neto i kompanisë për herë të parë ka tejkaluar pragun prej 1 trilion jen dhe ka arritur në 1.17 trilionë jen (11 miliardë dollarë), transmeton Anadolu Agency (AA).

Sony Group, në një periudhë kur ndikimi i pandemisë së koronavirusit të ri (COVID-19) në ekonomi vazhdon, ka shënuar rekord në fitimin neto të bilancit të mars 2020-mars 2021.

Sipas bilancit të përditësuar, shitjet e kompanisë me një rritje prej 9 për qind kanë arritur në 9 trilionë jen (82 miliardë dollarë) ndërsa fitimi operativ me një rritje prej 15 për qind ka arritur në 971 miliardë jen (9 miliardë dollarë).

Në rritje ka tërhequr vëmendjen edhe ndikimi i lançimit të PlayStation 5 në treg në nëntor 2020, pasi për shkak të pandemisë së COVID-19 kishte kërkesë të madhe në sektorin e lojërave.

Drejtori kryesor financiar Totoki Hiroki në konferencën online për media tha se “Si rezultat i përpjekjeve kumulative 10-vjeçare kemi arritur të kalojmë pragun prej 1 trilion jen. Ky nuk është një ndryshim që ndodh përnjëherë”.

Sony, kompania në sektorin e elektronikës, lojërave, muzikës dhe shërbimeve financiare, fitimin më të madh neto vjetor që ka njoftuar më parë ishte 916 miliardë jen (8.5 miliardë dollarë) në vitin 2018.

blank

Kina dërgon në hapësirë ​​modulin për banim

Pekin

Kina lançoi sot modulin e parë kryesor të përhershëm në stacionin e saj hapësinor, i cili do të jetë në gjendje të strehojë astronautë në planin afatgjatë, e që është suksesi i fundit i programit hapësinor kinez, transmeton Anadolu Agency (AA).

Moduli Tianhe ose “Harmonia Qiellore”, u lançua me raketahedhësen Long Marsh 5B nga qendra e lançimit të hapësirës Wenchang në provincën jugore Hainan.

Programi hapësinor është një burim i krenarisë së jashtëzakonshme kombëtare ndërkaq kryeministri kinez Li Keqiang dhe udhëheqës të tjerë të lartë civilë dhe ushtarakë ndoqën lançimin drejtpërdrejt nga qendra e kontrollit në Pekin. Një mesazh urimi nga udhëheqësi i shtetit dhe udhëheqësi i Partisë Komuniste në pushtet Xi Jinping u lexua gjithashtu për stafin në qendrën e lançimit Wenchang.

Moduli themelor Tiahne është pjesë e stacionit hapësinor të përhershëm, në të cilin astronautët do të jenë në gjendje të jetojnë deri në gjashtë muaj.

Ky modul do të jetë qendra e menaxhimit dhe kontrollit të stacionit hapësinor dhe hapësira kryesore e jetesës së ekuipazhit dhe do të mbështesë disa eksperimente shkencore dhe teknologjike.

Lançimi i Tianhe është i pari nga 11 misionet e domosdoshme për të përfunduar stacionin hapësinor, i cili do të fluturojë rreth Tokës në një lartësi prej 340 deri në 450 kilometra.

blank

Shitja e automjeteve elektrike shënon rekord global

Stamboll

Shitjet globale të automjeteve elektrike u rritën ndër vite me një rekord prej 41 për qind në 3 milionë vitin e kaluar ndërsa shpenzimet e konsumatorit shënuan një normë rritjeje prej 50 për qind në 120 miliardë dollarë, thuhet në raportin e Agjencisë Ndërkombëtare të Energjisë (IEA), transmeton Anadolu Agency (AA).

Rritja rekord e shitjeve të automjeteve elektrike erdhi përkundër krizës së COVID-19 gjatë së cilës industria globale e automjeteve pësoi një goditje të madhe duke u tkurrur me 16 për qind vitin e kaluar krahasuar me vitin 2019, theksohet në raportin e IEA-së “Parashikimi Global i Automjeteve Elektrike 2021”.

Më tej thuhet se shitjet e automjeteve elektrike paraqesin 4.6 për qind të shitjeve totale globale të automjeteve vitin e kaluar.

Me rritjen e vitit të kaluar, numri i automjeteve elektrike në rrugët në të gjithë botën arriti në mbi 10 milionë, me shtimin e afërsisht 1 milion furgonëve elektrikë, kamionëve të rëndë dhe autobusëve.

Flota globale e automjeteve elektrike (EV) në vitin 2020 konsumoi mbi 80 terawat-orë energji elektrike, që korrespondon me kërkesën aktuale të energjisë elektrike të Belgjikës. Kërkesa për energji elektrike nga automjetet elektrike përbënte vetëm rreth 1 për qind të konsumit total aktual të energjisë elektrike në botë, sipas IEA-së.

Evropa, për herë të parë vitin e kaluar, tejkaloi Kinën duke regjistruar 1.4 milion automjete në bazë vjetore dhe duke u bërë qendra e tregut global të automjeteve elektrike. Ndërsa regjistrimet e automjeteve elektrike në Evropë u dyfishuan vitin e kaluar, ato në Kinë u rritën me 9 për qind në 1.2 milion. Këto shifra janë shumë më të larta krahasuar me SHBA-të, e cila regjistroi vetëm 295 mijë automjete elektrike në vitin 2020.

Kina vazhdon të prijë për nga automjetet elektrike, numri i të cilave arriti në 4.5 milionë vitin e kaluar, ndërsa numri i automjeteve elektrike të Evropës arriti në 3.2 milionë në fund të vitit 2020.

Fatih Birol, drejtori ekzekutiv i IEA-së, theksoi në raport se automjetet elektrike kanë një rol të domosdoshëm në arritjen e synimit për zero emetime në të gjithë botën dhe u kërkoi qeverive të përqendrohen në zgjerimin e infrastrukturës së automjeteve elektrike.

“Trendet aktuale të shitjeve janë shumë inkurajuese, por synimet tona të përbashkëta të klimës dhe energjisë bëjnë thirrje për tërheqje edhe më të shpejtë të tregut. Qeveritë tani duhet të bëjnë bazat thelbësore për të përshpejtuar miratimin e automjeteve elektrike duke përdorur paketat e rimëkëmbjes ekonomike për të investuar në prodhimin e baterisë dhe zhvillimin e infrastrukturës sa më të përhapur dhe të besueshme të karikimit”, tha ai.

Shpenzimet e konsumatorit për automjetet elektrike u rritën me 50 për qind të tjera në vitin 2020 duke arritur në 120 miliardë dollarë ndërsa mbështetja qeveritare ishte 14 miliardë dollarë, duke treguar një rënie për të pestin vit radhazi.

“Megjithëse nëse subvencionet qeveritare mbeten të rëndësishme për nxitjen e blerjes të automjeteve elektrike, kjo sugjeron se shitjet gjithnjë e më shumë po drejtohen nga zgjedhja e konsumatorit”, thuhet në raport.

Sipas IEA-së, prodhuesit e automjeteve ofruan 370 modele të automjeteve elektrike në vitin 2020, duke shënuar një rritje prej 40 për qind krahasuar me vitin e kaluar.

Tetëmbëdhjetë nga 20 prodhuesit më të mëdhenj të automjeteve kanë njoftuar synimet për të rritur numrin e modeleve të disponueshme dhe për të rritur prodhimin e automjeteve elektrike të lehta pasi këto prodhues automjetesh përbëjnë 90 për qind të të gjitha shitjeve globale të automjeteve.

Raporti shton se: “Qeveritë ndihmuan në mbrojtjen e automjeteve elektrike nga rënia e vitit 2020 duke zgjeruar politikat ekzistuese dhe mbështetjen fiskale dhe duke i shtuar ato me masa stimuluese në përgjigje të krizës së COVID-19”.

140 për qind rritje në tremujorin e parë të vitit 2021

Rritja e fuqishme e shitjeve të automjeteve elektrike vazhdoi gjatë tremujorit të parë të vitit 2021. Shitjet u rritën me rreth 140 për qind në tre muajt e parë të këtij viti krahasuar me të njëjtën periudhë të vitit 2020.

Rreth 500 mijë shitje në Kinë dhe 450 mijë shitje në Evropë kontribuan në këtë rritje madhështore, tregojnë të dhënat e IEA-së.

Raporti thekson se bazuar në trendet dhe politikat aktuale, numri i automjeteve elektrike, furgonëve, kamionëve të rëndë dhe autobusëve në rrugët në të gjithë botën do të shohë një shtrirje të madhe duke arritur në 145 milionë deri në vitin 2030.

Megjithatë, IEA tha se flota globale mund të arrijë në 230 milionë nëse qeveritë përshpejtojnë përpjekjet për të arritur synimet ndërkombëtare të klimës dhe energjisë, siç përshkruhet në Skenarin e Zhvillimit të Qëndrueshëm të IEA-së.

Poashtu theksohet se nëse qeveritë në të gjithë botën bashkohen për të ndjekur synimet më ambicioze të arritjes së emetimit zero deri në vitin 2050, flota globale e automjeteve elektrike do të rritet më tej.

blank

BE miraton ligjin e tregtisë me Britaninë e Madhe

Bruksel

Ligjvënësit evropianë kanë miratuar ratifikimin përfundimtar të marrëveshjes tregtare pas Brexit-it midis Bashkimit Evropian dhe Britanisë së Madhe, gati 5 vjet pasi Britania vendosi të largohej nga blloku, transmeton Anadolu Agency (AA).

Marrëveshja ishte ratifikuar tashmë nga Parlamenti britanik dhe hyri me kusht në fuqi deri në miratimin e Parlamentit Evropian, e cila ishte pengesa e fundit ligjore.

Ligjvënësit në PE miratuan marrëveshjen e tregtisë së lirë me 660 vota për, 5 kundër dhe 32 abstenime. Votimi u zhvillua të martën por rezultatet nuk u shpallën deri të mërkurën në mëngjes.

Marrëveshja pasqyron faktin se Britania po del nga ekosistemi i rregullave të përbashkëta dhe mekanizmat e monitorimit dhe zbatimit të BE-së dhe se nuk mund të gëzojë më përfitimet e anëtarësimit në BE ose tregun e vetëm.

Me këtë krijohen të drejta dhe detyrime për të dyja palët, duke respektuar plotësisht autonominë rregullatore dhe pavarësinë e tyre në vendimmarrje.

Në vitin 1973, Britania u bashkua me Komunitetin Ekonomik Evropian, nga i cili doli Bashkimi Evropian i sotëm.

Vendimi për Brexit-in u mor në një referendum të mbajtur në vitin 2016, kur 52 për qind e votuesve britanikë votuan për t’u larguar nga blloku. Në mesnatë, më 31 janar 2020, Britania u largua nga BE-ja duke u bërë vendi i parë që largohet nga blloku.

blank

Mbretëresha do të tërhiqet nga detyrat mbretërore

Familja mbretërore është përfshirë tashmë në vorbullën e thashethemeve mediatike.

Spekulimet më të fundit nga shtypi britanik flasin se Mbretëresha do të heqë dorë nga shumë përgjegjësi, ndërsa princi Charles pritet të përjashtojë nga monarkia Harry-n dhe Meghan.

Mbretëresha do të tërhiqet nga detyrat mbretërore pas vdekjes së Princit Philip dhe do të lejojë familjen të marrë më shumë prej detyrave të saj.

Këto pretendime vijnë nga ish-korrespondenti mbretëror i BBC Peter Hunt,i cili ka folur në një intervistë për New York Times.

Madhëria e saj u kthye në punë disa ditë pas vdekjes së princit të Edinburgut, por ka të ngjarë të mos kthehet kurrë me oraret e ngarkuara të takimeve të vrullshme ka thënë korrespondenti Hunt.

Gjithashtu ai ka parashikuar se Mbretëresha mund të jetë e pranishme në Pallatin Buckingham vetëm për dy ditë në javë dhe se shumë përgjegjësi do t’u kalojnë fëmijëve të saj.

Sipas Peter Hunt, mbretëresha me shumë mundësi do të vazhdojë të qëndrojë në Kështjellën Windsor.

Ndërkohë sipas shkrimtares Angela Levin që është marrë me biografitë e familjes mbretërore, planet e princit Charles janë që shumë shpejt të përjashtojë nga monarkia Princin Harry dhe Megan me motivacionin për reduktimin e shpenzimeve.

blank

Rusia dëbon diplomatin italian në një veprim hakmarrës

Romë

Rusia ka bërë të ditur se ka dëbuar një diplomat italian pas një veprimi “jo miqësor” të muajit mars nga Roma për largimin e dy diplomatëve rusë për akuza të spiunimit, transmeton Anadolu Agency (AA).

Sipas Ministrisë së Punëve të Jashtme të Rusisë, ambasadori italian në Moskë, Pasquale Terracciano, është thirrur dhe i është dorëzuar një notë ku thuhet se atasheu detar në ambasadën në Moskë, Curzio Pacifici, është shpallur “person non grata”.

Më tej, ministria ruse njoftoi se zyrtari është urdhëruar të lëshojë vendin brenda 24 orëve.

Veprimi vjen pasi Italia në muajin mars dëboi dy diplomatë rusë pasi një oficer i marinës italiane u kap përderisa pretendohej se po i dorëzonte dokumente të klasifikuara një zyrtari rus në këmbim të parave.

Nga ana tjetër, Ministria e Punëve të Jashtme e Italisë vendimin e Rusisë e quajti “të pabazuar dhe të padrejtë”.

“Ne e konsiderojmë vendimin të pabazuar dhe të padrejtë, sepse është hakmarrje ndaj një mase legjitime të marrë nga autoritetet italiane në mbrojtje të sigurisë së tyre”, tha ministria italiane.

Prokurorët e Romës kanë filluar një hetim mbi çështjen në fjalë, e cila përfshin krime në lidhje me spiunazhin dhe shkeljet e sigurisë së shtetit.

blank

Pretendohet se Britania shqyrton njohjen e Qipros Turke

Londër

Pretendohet se Britania e Madhe shqyrton njohjen e Republikës Turke të Qipros Veriore (TRNC), gjë që do të mundësojë fillimin e fluturimeve direkte mes Britanisë dhe TRNC-së, transmeton Anadolu Agency (AA).

Në lajmin e “Sunday Express” thuhet se Britania “mund të ndihmojë në ofrimin e ‘një mundësie historike’ për zgjidhjen paqësore të krizës politike që e ndan ishullin e Qipros në dy pjesë për gati 60 vite në takimet që do të mbahen në Gjenevë”.

Presidenti i TRNC-së, Ersin Tatar në një prononcim për gazetën, tregoi se e thërret qeverinë britanike të mbështesë zgjidhjen me dy shtete që ai do të propozojë në bisedime.

Ai beson se Britania e cila u çlirua nga Bashkimi Evropian me Brexit-in, do të përmbushë rolin e garantuesit neutral dhe do të mundësojë që të ketë qasje të barabartë ndaj grekëve qipriotë dhe turqve qipriotë.

Në lajm burimet e qeverisë gazetës i treguan se ministrat shqyrtojnë të njohin zyrtarisht TRNC-në si një shtet të pavarur.

Sipas lajmit zgjidhja e problemit do të ndihmojë 300 mijë turq qipriotë që jetojnë në Britani dhe se do të mundësojë nisjen e fluturimeve direkte mes dy vendeve.

Gjithashtu u potencua se mijëra shtetas britanikë do të mund të vizitojnë më lehtë Qipron Veriore dhe TRNC-ja bashkë me jugun do të shndërrohen në destinacion popullor për pushime.

Britania mund të arrijë një marrëveshje afatgjate në lidhje me dy bazat ushtarake në Qipro.

Në lajm thuhet se gjatë negociatave për Brexit-in, pretendohet se BE-ja për të ushtruar presion ndaj Britanisë, shtetasit britanikë që jetojnë në Qipron Veriore, në rast të kalimit në jug i ka kërcënuar me arrestim dhe gjobë.


blank
blank
blank
blank
blank
blank
blank
blank
blank
blank
blank
blank
Send this to a friend