Nej Alvesh, vëllai i Dani Alvesh ka reaguar në rrjetet sociale pasi në natën e mbrëmshme u përhap me shpejtësi në rrjetet sociale një informacion se ish-futbollisti brazilian kishte vrarë veten në burg. Lajmi i pakonfirmuar u përhap nga një gazetar brazilian, i cili më pas kërkoi falje duke insistuar se kishte pasur një gabim emri

Por vëllai i ish-futbollistit, e ka cilësuar si mizore atë që po ndodhte me Dani Alvesh, i cili muajin e kaluar u dënua me katër vite e gjysmë burg për përdhunimin e një të reje në një diskotekë në Barcelonë.

“Nuk mjafton. Tani gjëja e çmendur është se e duan të vdekur. Si mund të jeni kaq mizorë? Babai im është mbi 70 vjeç. Nëna ime është mbi 60. A nuk kanë ata familje? Këto faqe që vazhdojnë e përhapin këto gjëra. Zoti pastë mëshirë për ju”, ishin fjalët e tij për vëllain, të cilit me një postim tjetër i uronte shëndet e jetëgjatësi.

PANORAMASPORT.AL