Kuvendi i radhës i Federatës PanShqiptare Vatra ka zgjedhur si kryetar të ri, biznesmenin dhe aktivistin Elmi Berisha.
Si asnjëherë më parë, ky Kuvend është mbledhur në Michigan, me pjesëmarrjen e disa dhjetëra anëtarësh e përfaqësues të degëve të ndryshme që kanë udhëtuar drejt Detroitit dhe rrethinave për ngjarjen.
Agim Rexha, drejtues i përkohshëm i Vatrës dhe nënkryetar për shumë vite është zgjedhur Kryetar Nderi, një post që dikur e mbante ish-kryetari i ndjerë Agim Karagjozi.
Elmi Berisha, i cili sipas burimeve të ndryshme fitoi në mënyrë unanime do të ketë kryetari i parë i Vatrës në histori me origjinë nga Kosova. Ai zëvendëson në këtë post ish-Konsullin e Shqipërisë në New York, Dritan Mishto.
Kuvendi është denoncuar nga një grup vatranësh të vjetër, disa prej të cilëve kanë themeluar Komisionin e 5 Tetorit që kërkon rishikimin e veprimtarisë së Federatës në tre vitet e fundit, për shkak të shkeljeve statutore dhe rregullave të saj.
Pas një debati në media dhe rrjetet sociale si dhe thirrjeje të pafrytshme për pajtim, Komisioni deklaroi dje se ka nisur rrugën ligjore për ta zgjidhur konfliktin nëpërmjet gjyqit.
Kryetari i ri i Vatrës Elmi Berisha është aktivist me një veprimtari që shtrihet në tri dekada në komunitetin shqiptar. Në vitet e fundit ka shërbyer si Zëvendës-President i Rrjetit Ndërkombëtar të Diasporës Shqiptare që mbledh biznesmenë me origjinë shqiptare në SHBA e në botë.
Vatra është organizata më e vjetër shqiptaro-amerikane e themeluar nga figurat historike të komunitetit, Fan Noli e Faik Konica. Ndonëse nuk e ka fuqinë e dikurshme, federata mbetet nga pikat kryesore të referimit në komunitetin shqiptar dhe një emër që nderohet në atdhe dhe në diasporë. (Ruben Avxhiu)

DEKLARATË PËR SHTYP
Komisioni VATRA 5 Tetor 2019
New York
18 Janar 2020
Mbas perpjekjve të vazhdueshme duke denoncuar me forcë publikisht shkeljet flagrante të ish Kryesisë së Vatrës, nga e cila nuk ka asnjë reagim. Ju njoftojmë se Komisioni Vatra “5 Tetor 2019” ka nisur rrugën ligjore duke u bazuar në ligjet demokratike të SHBA-së për organizatat jo qeveritare dhe jo fitim prurësë.
Ky vendim u morë unanimisht jo vetëm nga të gjithë anëtarët e komisionit por dhe nga të gjithë vatranët e vërtetë që besojnë në demokracinë dhe drejtësinë e mohuar të Vatrës. Ne mendojmë se vlerat dhe historia që mban mbi sype kjo organizatë, nuk duhet të lejohen të tjetërsohen në vazhdimësi nga vendimet e gabuara që kjo ish Kryesi merr në kundërshtim me Kanunoren e cila ka shërbyer si pishtar drejtësije dhe demokracije për këtë organizatë të kombit shqiptar.
Është për tu theksuar se kjo është hera e parë në historinë e Vatrës që rruga ligjore është kërkuar për të zgjidhur mosmarveshjet brenda saj. Kjo është dhe hera e parë pas 107 vjetësh ekzistencë që tregoji dështimin e drejtimit nga ish kryetari dhe kryesia e saj. Kjo ish Kryesi jo-ekzistente që punon në vakum të plotë vazhdon rrugën e percarjes dhe e mospajtimit duke thirrur një kuvend të jashligjshëm më 19 Janar 2020.
Komisioni falenderon të gjithë mbeshtetsit që në mënyrë të vazhdueshme vazhdojnë të na mbështesin si me deklarata po ashtu dhe me telefonata, ku ato shprehin solidaritetin dhe I bashkohen rrugës së vërtetë që I mungon Vatrës që prej më shumë së 2 e gjysëm vitesh. Gjithashtu, komisioni përshendet Partinë e Legaliteti në New York që me deklaratën e saj tregoj se fryma monarkisë gjithmonë ka si proritet mos përcarjen brenda organizatës..
Komisioni Vatra 5 Tetori 2019, vazhdon punën e tij instesive për përgatitjën e kuvendit të ardhshëm nëpermjet mbledhjeve të përjavshme. Po punohet për pasurimin e database të anëtarëve duke mbledhur informacione demografike të sakta.
Komisioni i bën thirrje të gjithë vatranëve që besojnë në drejtësi,demokraci dhe transparencë, të mos bien preh e vendimeve antiligjore që ish-kryesia ka marë dhe merr për Kuvendin e 19 Janarit 2020, që të mos përsëritet i njënjti skenar i kuvendit të 10 qershorit 2017. Ne nuk do lejojmë që Vatra të drejtohet me mentalitet dhe mendësitë e Shqipërisë komuniste, por me ligjet dhe drejtësinë që na ka edukuar kjo toke e bekuar këtu në SHBA.

Ani Hasanas, këngëtari i mirënjohur i Hip-Hopit, nga Tirana, mbërriti në Shtetet e Bashkuara të Amerikës në tetor të vitit 2018. Që prej asaj dite vijon të jetë në këtë shtet të madh, ku gjenden shumë shqiptarë. Udhëtimin e tij drejt këtij vendi e nxitën dy arsye: gjetja e një pune si gjithë emigrantët shqiptarë dhe pasioni për muzikën. Në një vend  si Amerika jo çdo gjë është e lehtë, por nëse je i talentuar mund të bjesh në kontakt me mundësitë e dëshiruara. Ani vijon t’i përkushtohet këngës së tij, me të njëjtin pasion ashtu si ditën e parë, kur kuptoi se kënga do të ishte jeta e tij. Ai është pjesëmarrësh në shumë evenimente muzikore kombëtare, ka marrë pjesë në festival dhe konkurse, dhe është fitues i disa çmimeve të para. Tashmë gjendet para një parpërgatitjeje të kujdesshme për t’u prezantuar me muzikën dhe këngën e tij.

Prej dy vitesh jeni në Amerikë, mendoni se do të kini sukses?

Shpresoj shumë. Këtej ka shumë e më shumë gjona që mund të bosh, por çdo ditë duhet të punosh ama, sepse, normalisht, të duhen lekët për gjithçka që  bësn. Faleminderit Zotit që më dha mundësin të jem këtej, të punoj dhe të investoj më shumë në muzikën time, dhe gjithashtu, të ndihmoj edhe familjen time. Tashme besoj se jam gati.

Shpresoni të shënoni arritje të tjera?

Sigurisht që po. Sepse pika ime më e fortë është muzika dhe pasioni për të çuar gjithçka deri në fund. Sado e lodhshme, e komplikuar dhe vështirë që mund  të bëhet ajo gjatë rrugës, për mua nuk ka dorëzim para vështirësive, në fund gjithçka duhet të jetë e përkryer, dhe kjo ndodh vetëm atëherë kur muzika dhe kënga realizohen ashtu siç i kam patur të ideuara në mendjen time. Natyrisht, edhe unë kam anët e mia të dobëta, siç është menaxhimi i orareve, por e vërteta është se gjithnjë jam në përpjekje për të bërë më të mirën në funksion të muzikës dhe ëndërrave të mia. Mund t’ju them se pjesën më të madhe të kohës jam në punë ose në studio. Ndaj shpesh mendoj se nuk po kaloj aq kohë sa duhet me familjen, ndërsa kur jam me familjen mendoj se nuk po rri sa duhet në studio ose në punë. Për këtë arsye vazhdimisht përpiqem ta përpjestoj kohën në mënyrën më të mirë të mundshme sepse secila prej tyre ka ndikim të madh në jetën time. Tashmë kohën time do t’ua dhuroj ndjekësve të mi dhe kjo do të jetë kënaqësia ime më e madhe.

Si kanë qenë fillesat tuaja?

Mund t’ju them pa asnjë droje se munda të spikat që në fillim me talentin tim. Madje pjesëmarrja ime në evenimentet muzikore kombëtare ka qenë mjaft e mirë, dhe jam krenar për këtë. Kam marrë pjesë tek “Një këngë për ty” që u organizua nga “Top Channel” në 2009 ku mbërrita deri në finale. Ndërsa në “Hip-Hop Fest”, konkurs i organizuar nga Radical Records, fitova çmimin e parë, me sa mbaj mend ka qenë viti 2012. Me pas mora pjesë te “Freestyle Shoë”,  ku fitova sërish çmimin e parë. Gjithashtu kam marrë pjesë në shumë e shumë konkurse dhe festivale, shumica e tyre kanë qenë në kohën që unë këndoja më tepër këngë të lehta, dhe jo Hip-Hop.

Çfarë tekste këngësh parapëlqeni?

Çdo tekst që ka një mesazh e vlersoj, çdo tekst që është i fortë e vlerësoj, çdo tekst që të bën të thuash, “e ka djeg”, e vlerësoj; gjithçka tjetër përtej kësaj nuk i kushtoj vëmendje.

Kur keni kënduar për herë të parë dhe a ishit i vetëdijshëm për talentin tuaj?

Kam nisur të këndoj në moshë të vogël, atëherë nuk e dija çfarë po bëja. Më kujtohet që parapëlqeja të shihja Anime dhe gjithë kohës këndoja. Përpiqesha të këndoja edhe këngët hapse të emisioneve dhe episodeve të ndryshme. Në atë kohë nuk e kisha idenë çfarë ishtë një këngëtar. I pari që e vuri re këtë gjë ishte vëllai, pastaj nisën të bëhen kureshtarë edhe prindërit. Për shumë kohë u vendosa në qendër të vëmendjes së familjes. Për këtë arye prindërit më çuan në një kompani që merrej me talentet e rinj. Kur dëgjova prej njerëzve të kompanisë qe thane se  kisha një zë të veçantë u mrekullova edhe vetë. Që nga ajo kohë  nuk jam ndarë për asnjë çast prej muzikës dhe këngës. Më pëlqejnë edhe çastet kur jam vetëm, sepse ulem shkruaj tekste dhe  punoj shumë me muzikën. Sërish bashkëpunëtori im më i mirë mbetet vëllai. Ai ka qenë i pranishëm që nga fillimet e mia; flas për kohën që unë nisa të merresha me Hip-Hop. Madje edhe kujtimet e mia më të bukura i kam me vëllanë. Vera e vitit 2017, ishte nga më të bukurat.

Kush janë bashkëpunëtorët e tu?

Bashkëpunoj më të gjithë, këngëtarë apo muzikantë qofshin, për të cilët kam respekt dhe  që i përshtaten këngës time.

Është e vështirë të jesh këngëtar?

Nuk dua të them është e vështirë, por më shumë është e lodhshme. Unë jam një artist i pavarur, dhe gjithçka duhet ta bëj vetë, nuk kam menaxher ose dikë që bën oraret për mua apo marketingun. Çdo investim, çdo kontakt, çdo gjë bëhet nga unë. Faleminderit Zotit që me ka dhënë talentin dhe  maturinë për të patur gjithcka vetë në dorë, ta kontrolloj dhe kuptoj atë.

Si e organizoje diten ne Tirane?

Në Tiraë unë kam patur një market të vogël në lagjen ku banoja dhe shumicën e kohës isha atje, por sa herë  kisha kohë të lirë shkoja në studio.

Me cilët këngëtarë keni patur bashkëpunimet me të mira?

Me të gjithë! Çdo këngë që unë kam bërë me bashkpunim ka dalë super dhe jam krenar me çdo gjë çfarë unë dhe bashkpunëtori mund të kemi krijuar, por eksperienca më e mirë është me D Slim sepse nuk është asgjë me plan, por gjithçka organike, dhe punojmë shumë mirë në studio, ku japim ide dhe mendime si mund ta bëjmë këngën 10 herë më të mirë.

Çfarë është skena dhe publiku për ju?

Kam gati 3 vite që nuk jam ngjitur në skenë. Për mua skena është vendi ku shikon saktësisht sa njerëz ke prekur me muziken tënde, ose sa janë ata që ke inspiruar. Unë që fëmijë i vogël kam qenë shumë i fiksuar me koncertet Rock n Roll sepse shikoja lidhjen e artistit me suportuesin dhe ishte gjëja më e bukur që mund të kem parë. Edhe tani po pres të  vijë më moment, që të shoh nese do kem atë lloj lidhje me suportuesit e mi.

Si e shihni te ardhmen tuaj si këngëtar?

Punë, punë, punë dhe kujdesje për familjen. Tashmë jam 22 vjeç, gjithë jeta ime gjendet te muzika ime, në vargjet e mia që unë shkruaj, dhe kështu do të vazhdoj. Jam i sigurtë që së shpëjti do të më shihikoni lart.

Klubi i Ri Republikan në New York është krenar të mbështesë Marko Kepin për Asamblenë e Shtetit të New York-ut në distriktin e 64-të.

Marko Kepi aktualisht mbron vendin tonë në Marinën e Shteteve të Bashkuara dhe ne mund të mbështetemi tek ai si parlamentar për të mbrojtur idealet tona konservatore në Albany .

Marko jetoi nën socializëm në Shqipëri, dhe ai është i sigurt se Shtetet e Bashkuara kurrë nuk bëhen komb socialist.

Si një ish pjestar i stafit të Marty Golden, Marko Kepi i kupton nevojat e zgjedhësve në Qarkun e 64-të më mirë se kushdo tjetër. Klubi i Ri Republikan në New York u kërkon njerëzve të rrethit të 64-të të votojnë Marko Kepi për Asamblenë e Shtetit në New York.

Ne mezi presim të punojmë me Markon gjatë fushatës për të ndihmuar në sigurimin e kësaj fitoreje kaq të nevojshme. Gavin Wax President

Foto: Në qendër z. Mithat Gashi, në të majtë z. Ahmet Giaffo 50 vjet anëtar i VATRES dhe në të djathtë Z. Zef Pernocaj më shumë se 50 vjet anëtar i VATRES.

New York
29 Dhjetor 2019

Komisioni VATRA 5 Tetor 2019 dënon me forcë kërcënimet e ish anëtarit të Kryesisë së VATRËS Z.Zef Balaj ndaj anëtarit të KOMISIONIT VATRA 5 TETOR 2019 dhe gjenerata e tretë që i shërben VATRËS prej 20 vjetësh z. Kris Kirka ( nipi i themeluesit të VATRËS Kris Kirka dhe i biri i Niko Kirkës).

Sipas emailit të datës 27 Dhjetor 2019 në ora 4:16 pasdite Z.Zef Balaj duke ju drejtuar shumë vatranëve theksonte si më poshtë: “Kris Kirka ma mire me e meshele gojen se ka bolle njerze te pa durueshem e po ja thejn edhe kamen tjeter .

Ky kërcënim ish anëtarit të Kryesisë Z.Balaj është jo vetëm një gjuhë që nuk lejohet të përdoret në asnjë insititucion në SHBA por është një gjuhë e hapur kërcënuese që nuk lëjohet të përdoret në asnjë mënyrë në Federatën PanShqiptare të Amerikës VATRA , organizata e Konicës, Kirkës dhe Nolit dhe si e tillë duhet të dënohet publikisht.

Deri tani asnjë nga anëtarët e ish Kryesisë së VATRËS, madje as dhe ish Kryetari i VATRËS jo vetëm nuk e kanë dënuar kërcënimin e Z.Balaj por ende nuk janë as distancuar nga ky kërcënim Për komisionin është e paqartë kush jane keta “njerze te pa durueshem” po shpreson që këta ta padureshëm nuk janë pjesë e VATRËS dhe në qoftë së janë duhen të shporren nga VATRA menjëherë dhe të mos shkelin më kembë në
VATËR.

Çdo kërcënim, sharje ofendim personal ndaj anëtarëvë të Komisionit VATRA 5 Tetor 2019 konsiderohet kërcënim, sharje ofendim ndaj gjithë Komsionit dhe si të tillë akte do të denoncohen me forcë në VATËR dhe publikisht.

Është e vërtetë se VATRA është krijuar njëherë dhe nuk mund të ri-krijohet por VATRA nuk do të shkatërrohet siç filloi nga Kuvendi i 2017, siç vazhdoi nën drejtimin e Mishtos dhe grupit të tij që e ndjek verbazi per 2 vjet e gjysëm dhe fatkeqësisht shkatërrimi vazhdon ende dhe sot.

VATRA nuk të mbahet peng nga dëshirat personale apo kërcënimet . Ajo mbahet nga idealet e Konicës, Kirkës dhe Nolit si dhe nga VATRANËT e vërtetë dhe idealistë. Duke ndjekur idealet e Konices, Kirkes dhe Nolit si dhe me mbështetjen e këtyre vatranëve KOMISIONI VATRA 5 Tetor 2019 nuk ndalet në detyrën e tij.

Prof.dr. Zejnullah Gruda njihet nder ne dhe ne boten akademike jo vetem ne Kosove po edhe me gjere si nje nga shkencetaret e te drejtes nderkombetare dhe profesori i Tempullit te dijes (Universitetit te Kosoves) qe ka dhene shume ne edukimin e brezave shqiptare per te sotmen dhe te ardhmen kombetare te Kosoves…!

Ne gazeten (shih:,,Koha ditore,,-Prishtine) profesori i njohur dhe shkemcetari ne driten e te drejtes nderkombetare po paraqet (ne vazhdime ne faqet e keaj gazete)qasjen e Tij qe ka te beje me kufirin Kosove-Mali i Zi me sugjerimet se Komisioni Shteterore i Republikes se Kosoves ka bere shkelje te renda profesionale kur ka bere ,,marreveshje,,me Malin e Zi rreth kufirit shteteror(e jo kadastral)qe e kishim ne ish-Jugosllavi!
Ne driten e gjithe kesaj,qe ka ve ne spikame prof.dr.Zjenullah Gruda ne disa vazhdime ne gazeten e perditshme ,,Koha ditore,,eshte per te ardhe keq qe,asnje institucion politik dhe shkencor ne Republiken e Kosoves deri tash nuk e ka thene asnje fjale (sic!).

Pse kur flet me kompetence shkenca dhe bota akademike shqiptare ne Prishtine,nuk gjene asnje perkrahje institucionale ne Republiken e Kosoves?Ne vendet dhe shtetet funksionale demokratike e te lira,kur reagon shkenca dhe bota akademike per ndonje ceshtje,sikunder kjo e vendit tone,tere mekanizmat e shoqerise ngriten ne kembe dhe nisin debatet qytetare…!

Ne ne Kosove heshtim…!

(PRISHTINE,28 dhjetor te motit 2019)

Akademia Shqiptaro-Amerikane e Shkencave dhe e Arteve, Departamenti i Politikës dhe i Diplomacisë në Nju-Jork, më 27 dhjetor 2019, miratoi këtë :

  MEMORANDUM PËR ANULIMIN E MARRËVESHJES TREPALËSHE-SERBI-SHQIPËRI-MAQEDONI VERIORE VERSUS KOSOVËS  SË PAVARUR DHE SOVRANE

Edhe ne sikur gjithë klasa intelektuale dhe populli liridashës e patriot shqiptar i Kosovës dhe anembanë Shqipërisë Etnike, si dhe në diasporë, e denoncojmë ashpër dhe e hedhim poshtë prerazi “Minishengenin” e turpshëm të kryeministrit të Shqipërisë Edi Rama, të përfunduar me Serbinë dhe me Maqedoninë Veriore kundër interesave vitale kombëtare dhe shtetërore të Republikës së Kosovës.

Prandaj, për të mbyllur  me kapak të hekurt këtë tradhti ndaj Republikës së Kosovës, të bërë me qëllim dhe për interesa egocentrike vetjake dhe të interesave koloniale të Serbisë nga kryeministri i qeverisë së Republikës së Shqipërisë, Edi Rama, njëzërit kërkojmë që:

1) Qeveria, Parlamenti dhe Presidenti i Republikës së Shqipërisë, ta hedhin poshtë-anulojnë ligjërisht dhe sipas Kushtetutës në fuqi (Premabula dhe Neni 8, Pika 1) Marrëveshjen e “minishengenit ballkanik” të kryeministrit Edi Rama, të lidhur me Serbinë dhe me Maqedoninë Veriore në Novi-Sad (Deklarata e datës 10 tetor 2019); në Ohrid (Deklarata e dates 10 nëntor 2019) dhe në Tiranë (Traktati final, 20-21 2019), të nënshkruar nga presidenti i Serbisë, Aleksandar Vuçiq, kryeministri i M.Veriore, Zoran Zaev dhe kryeministri i Republikës së Shqipërisë, Edi Rama, sepse kjo Marrëveshje e turpshme ka grindur Prishtinën zyrtare (Qeverinë, Presidencën dhe liderët e tjerë politikë të lartë) dhe Tiranën, ku u mbajtën edhe prostesta popullore kundër mbajtjes së “samitit” të kësaj trojke në Tiranë, si dhe kanë ftohur marrëdhëniet politike në relacionin Prishtinë-Tiranë.

2)  Kryeministri i qeverisë së Kosovës në detyrë, Ramush Haradinaj dhe presidenti i Kosovës, Hashim Thaçi, urgjentisht nevojitet të shpallin PERSONA NONGRATA, kryeministrin e Shqipërisë, Edi Rama , spese me vetëdije të plotë, me prepotencë dhe me arrogancë, duke u shtirur si  “lider numër 1” i Ballkanit sheshit po përzihet në punë të brendshme të Kosovës, që së bashku me Serbinë, të marrë në dorë fatin e saj, ashtu si po kërkon miku i tij serb, presidenti Aleksandar Vuçiq, i cili me “bishtat” e tjerë në Beograd  nuk po e njohin pavarësinë e Kosovës.

3)   Nëse Qeveria, Parlamenti dhe Presidenti i Shqipërisë nuk e anulojnë Marrëveshjen e “minishengenit” Rama-Vuçiq-Zaev, që dëmton interesat e përbashkëta vitale  të Kosovës dhe të Shqipërisë, atëherë, nuk mbetet tjetër alternativë veç NDËRPRERJES  SË PËRKOHSHME të marrëdhënieve diplomatike në nivel ambasadorësh DERISA Shqipëria ta anulojë de fakto dhe de jure “Minishengenin” e Edi Ramës, sepse kjo  rrezikon izolimin e Kosovës si në palin e brendshëm rajonal, ashtu edhe në atë ndërkombëtar. Këtë fakt e justifikon edhe një numër  i shteteve  të anëtare të OKB-së, të cilat  e kanë njohur Kosovën, do t’i tërhiqnin njohjet paraprake të tyre, ashtu siç vepruan deri tani  16 sosh. Kjo është “dashuria” dhe “miqësia idilike” e Vuçiqit ndaj kryeministrit Rama, që ta ndihmojë në “bombardimin” e shtetësisë së Republikës së Kosovës, jo kurrfarë liberalizimi i “licna kartave” dhe i “radna dozvolave” të punëtorëve dhe të skamnorëve të shkretë shqiptarë, që prapë si punëtorë krahu të mësynin  Beogradin për të kryer punë të vështira krahu si hamajë; për të sharritur dru dhe për të shkarkuar-ngarkuar qymyr në stacionin e trenit, si dhe të bartin nëpër shtëpitë dhe banesat e beogradasve, ashtu sikur këtu e 100 vjet më parë, të përbuzur dhe të poshtëruar,  pa bukë, zdeshur e zbathur, dhe, duke fjetur nëpër parqe, nënviadukte dhe nëpër zgiqe  të errëta  dhe qymeze të braktisura nga njerëzit. Kjo është  esenca e “minishengenit” të tandemit Vuçiq-Rama, që t’i “rehatojnë” lypësarët e papunë shqiptarë në Serbi dhe në Maqedoni, në këto vende, ku as vetë serbët nuk gjejnë punë, nuk kanë bukë e as strehë, por përditë ikin nëpër vende të huaja në Evropë, në Amerikë e në Australi etj., ashtu sikurse shqiptarët e shkretë me strajca në krah, qe 30 vjet (1990-2019), me miliona sish, bredhin poshtë e lartë për të gjetur ndonjë krodhe buke dhe ndonjë qati mbi kokë.

4) Të shqetësuar  dhe të indinjuar nga lidhja e paktit  Aleksandar Vuçiq-Edi Rama dhe Zoran Zaev për njëfarë “minishengeni ballkanik”:Serbia+Shqipëria+Maqedonia Veriore, i cili është arritur dhe nënshkruar pa pjesëmarrjen e Kosovës, me qëllim që kjo të anashkalohet si shtet dhe si faktor  i rëndësishëm politik në Ballkan, duke qenë se Beogradi zyrtar nuk e njeh si shtet të pavarur dhe sovran, por vetëm si “provincë serbe”(Këtë e thotë Kushtetuta në fuqi e Serbisë e viktit 2006). Këtë e thotë edhe Rezoluta 1244 e KS të OKB-së.

5)  Kështu, presidenti Aleksandar Vuçiq  vazhdimisht po i trumbeton gjithë botës, duke ia biruar tëmthat kryeministrit të Shqipërisë, Edi Rama  gjoja se “Kosovo is part of Serbia and always will be!’ ( 10 nëntor 2014)!

6) Këtë sintagmë me përmbajtje kolonialiste, hegjemoniste, aneksioniste dhe gjenocidale për “spastrimin” e shqiptarëve nga Kosova dhe të rikolonizimit të saj, miku i ngushtë serb Aleksandar Vuçiq për çdo takim ia përsërit kryeministrit Edi Rama, se Serbia kurrë nuk do ta njohë Kosovën, dhe se Serbia nuk ka kryer kurrfarë gjenocidi në Kosovë (1989-1999). Mirëpo, ky qëndrim dhe kurs i politikës zrytare promilosheviqiane i Serbisë së  Vuçiqit, të Daçiqit dhe të Bërnabiqit, të ASHAS-së dhe të Kishës Ortodokse Serbe. Mirëpo, sa ia vlen, kur kjo politikë antishqiptare e Serbisë së A. Vuçiqit nuk e pengon  fare Edi Ramën për të lidhur “Mini Shengenë” me Serbinë e presientit Aleksandar Vuçiq, gjoja për arritjen e ndonjë prosperiteti ekonomik dhe tragtar, kur Kosova  nuk ka kurrfarë marrëdhëniesh politike e as diplomatike me Serbinë ngaqë kjo nuk e njeh shtetin e pavarur të Kosovës, por institucionet e saj i quan “institucione të përkohshme” !

7) – Çfarë do të thotë kjo për “politikën” dhe për “diplomacinë” e proserbe të Edi Ramës? – “Pajtimin ekonomiko-tregtar-kulturor e politik” të shqiptarëve të Kosovës me serbët pushtues dhe me Serbinë kolonialiste”, para se Serbia ta njohë Republikën e Kosovës? – Kjo do të ishte tradhti mbi tradhti ndaj luftës çlirimitare kombëtare të UÇK-së dhe të popullit të viktimizuar të Republikës së Kosovës, që me gjakun e tyre të derdhur si lumë kundër pushtuesit barbar dhe agresor, e kanë paguar shtrenjtë, duke humbur mbi 13000 shqiptarë të të gjitha moshave, të vrarë dhe të masakruar nga harangat barbare çetniko-fshiste serbe (1989-1999).

ARSYETIM

(A)        Të anulohet “Minishengeni” nga Shqipëria dhe të revokohet  Edi Rama nga posti i kryeministrit për  shkak të përzierjes në çështje të brendshme të Kosovës për interesa të politikës dhe të diplomacies kolonialiste të Serbisë së Madhe .

(B)        Të gjithë këta “narrativa” të paktit “minishengen ballkanik” Vuçiq-Rama-Zaev, që pengojnë shtetndërtimin e Kosovës në kuptimin e plotë të së drejtës ndërkombëtare dhe të Kartës së Kombeve të Bashkuara, pa DYSHIM SE mund të sjellin jo vetëm ftohjen, por edhe prerjen e marrëdhënieve diplomatike mes Kosovës dhe Shqipërisë. Mirëpo, që të mos ndodhë ky nonsens për  shkak të gabimeve dhe të tradhtisë së kryeministrit Edi Rama, URGJENTISHT DUHET REAGUAR QEVERIA, KUVENDI DHE PRESIDETNI I SHQIPERISE, NE MENYRË  QË TË ANALUOJNË “MINISHENGENIN” E TURPSHËM PROSERB TE EDI RAMES, DHE TË PËRQËNDROHEN VETËM NË STRATEGJINË E OBJEKTIVAVE PRIORITARE NACIONALE DHE SHTETËRORE PËR T’U INTEGRUAR NË BASHKIMIN EVROPIAN (BE). Ky DUHET TË JETË IMPERATIVI I POLITIKËS SË JASHTME DHE I DIPLOMACISË SË SHQIPËRISË, jo kurrfarë “Minishengeni ballkanik”PROJUGOSLLAV, ku fjalën kryesore, do ta ketë Serbia  si superfuqi koloniale ballkanike, natyrisht, e ndihmuar edhe nga Rusia, si dhe nga ndonjë aleat tjetër tradicional sllav i saj (1878-2019).

(C)         Pra, QEVERIA, PARLAMENTI DHE PRESIDENTI I  SHQIPERISE, duhet të reagojnë urgjentisht  dhe të reflektojnë thell dhe me maturi, pa u hamendur ta denoncojnë paktin “Vuçiq-Rama-Zaev sipas ligjeve dhe Kushtetutës në fuqi (1998), si dhe sipas objektivave dhe parimeve të Kartës së Kombeve të Bashkuara dhe të së drejtës pozitive ndërkombëtare, të cilat rreptësisht e ndalojnë përzierjen në çështje të brendshme të shteteve të pavarura dhe sovrane. Në këtë kontekst, as Vuçiqi (Serbia) e as Rama (Shqipëria) nuk kanë asnjë të drejtë morale e as ligjore, që të përzihen në çështje të brendshme të Kosovës, edhe pse kjo ende nuk është e njohur de fakto e as de jure nga OKB-ja.

      (Ç)   Një përzierje e tillë e kryeministrit Rama në çështje të brendshme të Kosovës në favorin e politikës kolonialiste dhe hegjemoniste të Serbisë bie ndesh me interesat kompelementare nacionale dhe shtetërore të Republikës së Shqipërisë dhe të Republikës së Kosovës ngaqë edhe “Minishengeni” i mbështjellur me “folie alumini ekonomiko-tregtar liberal” ka të njëjtin mision historik të shtypjes së mëtejme kolonialiste të shqiptarëve të Kosovës, si dhe të Preshevës, të Bujanovit dhe të Medvegjës. Për këtë qëllim strategjik shumëshekullor të tiranisë koloniale mbi shqiptarët dhe mbi Shqipërinë Etnike, Serbia gjithmonë ka ditur dhe ka qenë e suksesshme , që t’i ndërtojë dhe t’i ruajë me fanatizëm lidhjet, kontaktet, interesat dhe marrëdhëniet ndërshtetërore me Shqipërinë .

(D)  Kështu flet historia dhe praktika politike dhe diplomatike e Serbisë së Nikola Pashiqit (1912-1926); historia e Mbretërisë Serbo-Kroato-Sllovene (1918-1941); historia e RSFJ-së Tito-Rankoviq (1945-1980), si dhe historia më e re  e Serbisë gjenocidale e Slobodan Milosheviqit, e Tomsilav Nikoliqit, e Aleksandar Vuçiqit, e Ivica Daçiqit, e Vojsilav Sheshelit, e Akademisë Shkencave dhe të Arteve Serbe (Me Memorandumin e saj çetniko-fashist famëkeq 1986) dhe Kisha Ortodokse Serbe, që bashkërisht, duke bashkëdyzuar trurin, pushkën, penën, lutjet dhe mjetet e tjera shfarosëse kundër kroatëve, bshnjakëve myslimanë dhe shqiptarëve, kanë kryer  3 (tre) gjenocide kundë Kroacisë, Bosnjës dhe Kosovës (1990-1999).

Për çudi, kjo Serbia gjenocidale e Sllobodan Milosheviqit dhe e Aleksandar Vuçiqit dhe e Arkanit…etj., nuk pati prerë lidhjet dhe allishverishet diplomatike, ekonomikee as tregtare me Shqipërinë deri më 1998, kur Evroa dhe bashkësia ndërkombëtare e futën Serbinë nën embargën ndërkombëtare për shkak të luftërave gjenocidale të saj, edhe pse Kosova ndodhej në shtetrrethimin e hekurt, në flakën dhe në zjarrin gjenocidal të Serbisë. MJerisht dhe tragjikisht, ky rast provon recidivat miqësore të liderëve politikë shqiptarë  me ata serbë të Serbisë (1990-1999). Së fundi, rast konkret miqësia Vuçiq-Rama, të cilët i ka bashkuar  Kosova ngaqë frikësohen nga pavarësimi i saj i plotë në kuptim e së drejtës ndërkombëtare si subjekt i saj. Mirëpo,  kot e kanë, sepse as Vuçiqët e as Ramiqët, as Toptanët me “bishtat” e tyre proserbë, kurrë nuk do t’ia arrijnë qëllimit që Kosovën ta kthejnë prapa në “baltën e gjallë” koloniale dhe gjenocidale të Serbis֝ë së Madhe, pavarësisht sesa është dhe, sa do të jetë e fortë dhe jetëgjatë miqësia Vuçiq-Rama.

Sa më sipër,  apelojmë Tiranën dhe Prishtinë zyrtare, që sa më parë të jetë e mundur  të marrin masa ligjore dhe kushtetuese përkatëse  për ZGJIDHJEN  e këtij problemi të paparashikuar mes dy vendeve, si rrjedhim i lidhjes së marrëveshjes së “minishengenit ballkanik”  mes Serbisë, Shqipërisë dhe Maqedonisë Veriore. Ndryshe, nëse kjo Marrëveshje Trepalëshe nuk anulohet nga ana Shqipërisë, atëherë kjo, do të gjenerojë kriza dhe konflikte të paparashikuara mes Kosovës dhe Shqipërisë, gjë që ky është objektivi strategjik dhe taktik i politikës dhe i diplomacisë së “MINISHENGENIT BALLKANIK” të Serbisë, që sa më parë t’i konfrontojë shqiptarët mes veti, duke krijuar  ndonjë incidient dhe konflikt të rëndë në brezin e kufirit  Kosovë-Shqipëri, me qëllim që ta detyrojë OKB-në,  t’i vendosë forcat e saj paqësore, sepse vetëm në këtë formë, Serbia do të mund t’ia arrinte që të “rikthente murin e Berlinit” në kufirin qindravjeçar serbojugosllav mes dy shteteve shqiptare.  –Kjo, do  të ishte humbja më e madhe  për interesin nacional dhe shtetëror gjithëshqiptar, sepse de fakto dhe de jure, do të pezullohej BASHKIMI i Kosovës me Shqipërinë. –Këtë, edhe përmes “Minishengenit” e do Serbia, këto e do Edi Rama, që ta izolojnë Kosovën si në aspektin rajonal, ashtu edhe në atë ndërkombëtar si shtet të papërfunduar juridikisht sipas së normave dhe parimeve të së drejtës ndërkombëtare, duke e zvarritur me vite e dakada mosnjohjen e Kosovës nga ana e Organizatës së Kombeve të Bashkuara.  Nga një mision i këtillë antikombëtar  shqiptar Vuçiq-Rama, Qeveria, Parlamenti dhe Presidenti i Republikës së Shqipërisë me procedurë të shkurtër ligjore dhe kushtetuese,  do të duhej ta revokonin nga  posti i kryeministrit, Edi Ramën, sepse ka shkelur ligjin, Kushtetutën dhe parimet dhe normat e Kartës së OKB-së dhe të së drejtës ndërkombëtare, duke pretenduar që përmes “Minishengenit” serbojugosllav, të ndërhyjë në punë të brendshme të Republikës së Kosovës.

( Departamenti i Politikës dhe i Diplomacisë së ASHASHA-së, Nju-Jork)

Presidenti,

Akademik Prof.Dr. Skënder Kodra

Biznesmeni i njohur shqiptar, Harry Bajraktari, e ka goditur rëndë kryeministrin e Shqipërisë, Edi Rama, duke e quajtur tradhtar të kombit shqiptar. Sipas tij, Edi Rama duhet të ndihet i turpëruar për sjelljen e tij ndaj Kosovës dhe duket se nuk po mund ta kapërdijë refuzimin që Kosova ia bëri për t’iu bashkuar “Mini-Jugosllavisë”.

Bajraktari thotë se samiti i ri rajonal mes Shqipërisë, Maqedonisë Veriore dhe Serbisë në Durrës e shënoi edhe një pikë të ulët në marrëdhëniet mes Tiranës dhe Prishtinës dhe se përgjegjësia për këtë bie plotësisht mbi Edi Ramën, kryeministrin e Shqipërisë.

Biznesmeni shqiptar gjithashtu thotë se Rama duhet të turpërohet për sjelljen e tij ndaj Kosovës.

“Duket se ai nuk mundet ta kapërdijë refuzimin e Kosovës për t’iu bashkuar mini-Jugosllavisë së re, të cilën e kanë dizajnuar së bashku ai dhe diktatori i ri i Serbisë, Aleksandar Vuçiq. Ata e kanë tërhequr në këtë projekt edhe Zoran Zaev-in e Maqedonisë Veriore, por të gjithë të tjerët në rajon po shfaqin mungesë besimi ndaj tij”, thotë Bajraktari.

Ai e ka bërë një krahasim mes kryeministrit shqiptar dhe presidentit serb. Sipas tij, ata ngjajnë shumë me njëri-tjetrin. “Rama së voni po i ngjan shumë Vuçiqit. Njësoj si miku i tij në Beograd, ai e ka vendosur në qoshe opozitën dhe është përballur për më shumë se një vit me protesta në rrugë”, tha biznesmeni i njohur shqiptar.

Sipas Bajraktarit, Shqipëria është shndërruar në një vend me sistem njëpartiak, si në kohën e komunizmit. “Kuvendi është lodra e tij personale. Zgjedhjet e reja nevojiten për zgjidhjen e kësaj krize, por atij po i pëlqen shumë gjendja në të cilën Shqipëria praktikisht është kthyer në sistemin njëpartiak, njësoj si në kohët e errëta të komunizmit”, tha ai.

Bajraktari e arsyeton përgjigjen negative të Kosovës ndaj nismës rajonale për shkak të qëndrimit jokonstruktiv të Serbisë. Ai tha: “Nga Kosova po kërkohet që të bëhet pjesë e një unioni dhe që t’i hapë kufijtë me një shtet që nuk e njeh ekzistencën e saj, me një shtet që është duke punuar intensivisht për ta shkatërruar republikën e re dhe që ka kryer krime të mëdha lufte kundër civilëve të saj, për të cilat as nuk ka kërkuar falje, as nuk ka pranuar të paguaj dëmshpërblime.”

Sipas Bajraktarit, Kosova do të detyrohej ta largonte taksën ndaj mallrave serbe, nëse do të bëhej pjesë e mini-schengenit.

“Ky mini-schengen mes Ramës dhe Vuçiqit do të kërkonte nga Kosova që ta anulojë taksën ndaj Serbisë pa e detyruar Serbinë që të tërhiqen nga fushata dhe politika e saj armiqësore diplomatike kundër Kosovës. Mënyra e vetme që Kosova të ulet në këtë tavolinë është si anëtare e plotë, e njohur nga të gjitha shtetet, përfshirë Serbinë”, tha Bajraktari.

Sipas tij, gjëja më e dhimbshme në qëndrimin e Edi Ramës është injorimi i hapur dhe publik që ai ua bëri krimeve kundër njerëzimit, të cilat Serbia i ka kryer në Kosovë./Gazeta Express