Bëhet fjalë për dy francezë që ndodheshin në vend për “Ndihmën e Kishave Ungjillore Zvicerane” (EPER); mbetën të plagosur bashkëpunëtorët e tjerë

VOAL- Dy punonjës të EPER – Pain pour le prochain (Ndihma e Kishave Ungjillore Zvicerane) u vranë të enjten në Ukrainën juglindore. Nuk dihet ende shumë për identitetin e tyre, por ata duhet të jenë dy vullnetarë të kombësisë franceze. Anëtarë të tjerë të organizatës u plagosën. OJQ-ja tregoi në një deklaratë.

“Një grup bashkëpunëtorësh u sulmua (…) gjatë një operacioni humanitar. Dy nga kolegët e vlerësuar të ekipit humbën jetën në mënyrë tragjike dhe anëtarë të tjerë të stafit u plagosën,” tha OJQ-ja në një deklaratë.

Departamenti Federal i Punëve të Jashtme (EDA) është në dijeni të incidentit dhe, sipas informacioneve, nuk ka asnjë zviceran në mesin e viktimave, tha ai.

Presidenti francez Emmanuel Macron njoftoi në X (ish-Twitter) se dy punonjës të ndihmës franceze ishin vrarë në Ukrainë nga një sulm rus, duke e përshkruar veprimin si “frikacak dhe të egër”. Zëdhënësja e ACES tha se nga rezultatet fillestare të hetimit rezulton se dy viktimat janë shtetas francezë. rsi-eb