Duke parë një fytyrë të bukur- Poezi nga FATBARDH AMURSI

June 6, 2026

Një fytyrë e dashuruar m’u duk

që rrezatonte mirësi,

më rrëmbeu edhe mua,

.

Që dorëzohem lehtë

aty ku shfaqet e bukura.

.

Një fytyrë pa trukime,

pa retush,

pa komplekse,

.

Ngaqë u përtonte fjalëve

veçse qeshte.

.

Po na e shpifin profilet fallco,

horrat me pamje shenjtërie,

që buza s`u thotë një urim,

.

Sikurse profetët e rremë

që në lojërat e fatit,

takohen fshehurazi me Mesin.

.

I nervozon e bukura

dinjiteti,

nuri i një hijeshie,

.

Jam gati të përleshem me cilindo,

qoftë dhe si Don Kishoti

në mbrojtje të një Dylqinje.

.

Fatbardh Amursi

• twitter

  Follow
• facebook
• linkedin

Fjalë kyçe: Fatbardh Amursi