I njëjtit burim thotë se Beqiri ishte një modele e re që përpiqej të ndërtonte karrierën e saj, por Epstein i premtoi kontrata modelingu dhe kjo është arsyeja pse ajo pranoi fillimisht ta takonte. Gjithashtu burimi thotë se Misse Beqiri tani është penduar dhe ndihet keq për të gjitha viktimat në këtë situatë dhe beson se drejtësia do të vihet në vend.

SHBA– Emri i 39-vjeçares shqiptare, Misse Beqiri është përfshirë në dokumentet e publikuara së fundmi, duke rikthyer në vëmendje një takim të vitit 2011 me financierin amerikan, i cili më vonë u përball me akuza të rënda për trafikim dhe shfrytëzim seksual. Sipas The Sun, një burim pranë modeles shqiptare ka deklaruar se “ishte një tronditje e plotë kur mësoi se emri i saj ishte përmendur në dosjen e Jeffrey Epstein.

I njëjtit burim thotë se Beqiri ishte një modele e re që përpiqej të ndërtonte karrierën e saj, por Epstein i premtoi kontrata modelingu dhe kjo është arsyeja pse ajo pranoi fillimisht ta takonte. Gjithashtu burimi thotë se Misse Beqiri tani është penduar dhe ndihet keq për të gjitha viktimat në këtë situatë dhe beson se drejtësia do të vihet në vend.

“Natyrisht që u ndje e vlerësuar nga vëmendja e tij, por asgjë nuk ndodhi. Ishte një modele e re që përpiqej të ndërtonte karrierën e saj; ai i premtoi kontrata modelingu dhe kjo është arsyeja pse ajo pranoi fillimisht ta takonte. Tani ajo pendohet për këtë. Ndihet keq për të gjitha viktimat në këtë situatë dhe beson se drejtësia do të vihet në vend. Ajo e di që nuk ka bërë asgjë të gabuar, ajo thjesht e takoi, ishte ai që e kërkoi, jo e kundërta. Dhe ata që e njohin, e dinë të vërtetën”, tha burimi.

Raportimet theksojnë se Epstein kishte shprehur interes të madh për të. Ai i kishte ofruar ta çonte me avion privat në Paris për një sfilatë mode dhe madje kishte dashur t’i blinte një Mercedes me vlerë 100 mijë paund. Takimi i parë mes tyre kishte ndodhur në rezidencën e tij në Manhattan, me vlerë 37 milionë paund.

Misse ishte habitur kur kishte parë brenda vilës shtatëkatëshe një klasë të improvizuar me banka shkollore, por kishte vendosur të qëndronte, duke shpresuar se ai mund ta ndihmonte në karrierë. Takimi kishte ndodhur vetëm disa muaj pasi Epstein kishte përfunduar 13 muaj burg dhe një vit arrest shtëpie pas dënimit të vitit 2008 për sigurimin e një të miture për prostitucion. Ndërsam një mik i saj ka deklaruar se ajo në atë kohë nuk dinte për dënimin e Epstein.

Misse Beqiri u bë e njohur ndërkombëtarisht si bashkëshortja e ish-portierit të Manchester United, Anders Lindegaard, me të cilin u martua në vitin 2016. Ajo ka edhe një djalë 11 vjeçar, Julian me Lindegaard. Më pas nisi një romancë me Jake Hall, e cila përfundoi përfundimisht në vitin 2021 dhe solli lindjen e vajzës së tyre, River, 8 vjeç.

The Sun shkruan më tej, se Misse Beqiri ka përjetuar edhe disa tragjedi familjare. Ajo humbi vëllain e saj, Flamur Beqiri, i cili u qëllua jashtë shtëpisë së tij në Battersea në prag të Krishtlindjes 2019. Sipas Gjykatës Flamuri ishte përfshirë në krim të organizuar dhe kishte rivalitete të dhunshme me grupe të tjera në Skandinavi.

Për vrasjen, Anis Hemissi u dënua me burgim të përjetshëm me minimum 35 vite. Teksa Misse Beqiri përgatitet për sezonin e ri të Ladies of London: The New Reign, shprehet optimiste kur pa për herë të parë billboardin me imazhin e saj.

“Çfarë momenti surreal. Jam jashtëzakonisht krenare për ne, për përpjekjen, zemrat e hapura, gjithçka që sollëm këtë sezon. Jeta nuk më është dhënë në një pjatë të artë. Nuk jam perfekte, por e di vlerën time dhe jam rritur në një person për të cilin jam krenare. Ky program nuk është thjesht një punë për ne, është bërë jeta jonë, ashtu si edhe kasti.

Jam shumë mirënjohëse për këdo që më qëndroi pranë kur isha e rrënuar, kur nuk mund të ngrihesha nga shtrati, por u ngrita, sepse njerëzit besuan tek unë. Dhe do të vazhdoj gjithmonë të luftoj për një jetë më të mirë për mua dhe fëmijët e mi. Të shoh këtë billboard nuk përmbledh të gjitha momentet krenare, por tregon se mund të biesh shumë herë dhe sërish të ngrihesh. Ja një kapitull i ri,” shprehet Misse, teksa përgatitet të shfaqet në Ladies of London: The New Reign./Dosja.al