VOAL

VOAL

Please Wait ...
0%

Dorëhiqet zëvendës kancelari austriak

By | May 18, 2019

Komentet

Italia i fut të gjithë në listë, Franca s’llogarit ata nga shtëpia: Ja pse ka kaq dallime në rastet e vdekshmërisë

Dallimet e mëdha mes rasteve të vdekshmërisë nga Covid-19 në vende të ndryshme të botës, lënë shumë pyetje për të shtruar, kryesisht mbi mënyrën se si po e ndjekin këtë pandemi.

Në rrjetet sociale por edhe ekspertë kanë kritikuar mbi mënyrën se si vende si Gjermania dhe Holanda nuk po tregojnë shifra reale të viktimave, shumë prej tyre duke mos i futur në listën e viktimave të koronavirusit, ndërsa flitet se Anglia u merr leje të afërmve të viktimës nëse duan ta shtojnë në listën e viktimave nga Covid-19.

Ekspertët e epidemiologjisë thonë se qeveritë nuk po e ndjekin si duhet situatën.

Për shembull, në Spanjë sipas tyre, nuk po përfshihen tek lista e viktimave të moshuarit që nuk janë shtruar në spital por që kanë ndërruar jetë nga virusi.

Për të mos folur më pas për numrin real të të infektuarve me virusin. Ka shumë pak njerëz që po testohen nëpër botë, siç është rasti në Spanjë ku ka mungesë të theksuar të testeve.

Ndërsa Italia po i liston të gjithë pacientët që rezultuan pozitiv e ndërruan jetë, pavarësisht historikut të tyre klinik.

Në Francë, autoritetet llogarisin vdekjet vetëm në 600 spitalet e vendit, duke lënë jashtë skemës të moshuarit që vdesin në shtëpi, ose në një nga 7000 azilet. Por duke parë numrin e lartë të rasteve të vdekjeve nga shtëpia, presidenti Macron njoftoi se nga kjo javë do të procedohet ndryshe dhe do të futen të gjithë në një skemë.

Në Gjermani, ku shkalla e fatalitetit është vetëm 0.72%, ka pasur disa polemika në lidhje me faktin se shifrat e raportuara çdo ditë nga Instituti Robert Koch (RKI) tregojnë vonesë mbi ato të lëshuara nga Universiteti Johns Hopkins, që i jep shifrat në kohë reale.

Një tjetër shqetësim mbeten ata që kanë ndërruar jetë por që nuk e kanë bërë testin për koronavirus, edhe për të mos harxhuar testet.

Në Holandë, testet bëhen vetëm për pacientët e shtruar në spital. Numri real ka gjasa të jetë më i lartë sesa raportimi zyrtar.

Megjithatë rëndësi në këtë kohë ka vaksina.

Në nivel global janë 873,008 të infektuar, 43,275 viktima dhe 184,596 të shëruar./ Tiranapost

Më 2 prill Lajçak fillon punën si i dërguar i BE-së për dialogun Prishtinë-Beograd

Ish ministri i Jashtëm i Sllovakisë, Miroslav Lajçak pritet që këtë javë ta marrë pozitën e Përfaqësuesit Special të Bashkimit Evropian për Dialogun Beograd-Prishtinë dhe Ballkanin Perëndimor.

Sipas një dokumenti të cilin e ka parë Radio Evropa e Lirë, Lajçak do të marrë postin e ri me 2 prill, për një periudhë një vjeçare, një ditë pasi ambasadorët e BE-së pritet të japin dritën e tyre të gjelbër për emërimin e tij.

Sipas dokumentit, detyra e parë e Lajçak është të arrijë “normalizimin gjithëpërfshirës të marrëdhënieve” midis Serbisë dhe Kosovës.

Kjo duhet të bëhet përmes përfundimit të një “marrëveshjeje juridikisht detyruese që adreson të gjitha çështjet e pazgjidhura midis palëve në përputhje me ligjin ndërkombëtar dhe duke kontribuar në stabilitetin rajonal”, thuhet në dokument.

Negociatat e ndërmjetësuara nga BE-ja u ndërprenë në vitin 2018 pasi Kosova vendosi një taksë 100 për qind për importet serbe.

Emërimi i pritshëm i Lajçakut është pritur me skepticizëm në Kosovë, ku presidenti Hasim Thaçi ka thënë disa javë më parë se “misioni i tij është krijuar të dështojë për shkak të angazhimit të tij për të ndaluar Sllovakinë që ta njohë Kosovën”.

Dokumenti i BE-së i parë nga Radio Evropa e Lirë, thotë se mandati i Lajçakut gjithashtu do të konsistojë në përmirësimin e marrëdhënieve fqinjësore dhe pajtimit në të gjithë Ballkanin Perëndimor, rritjen e prezencës së BE-së përmes diplomacisë publike, dhe kontributin për unitetin, konsistencën dhe efektivitetin e veprimit të BE-së në rajon.

Lajçak, i cili u propozua për këtë post nga shefi i politikës së jashtme të BE-së Josep Borrell, u tërhoq si ministër i Jashtëm i Sllovakisë. Ai këtë detyrë e kishte ushtruar në një periudhë tetë vjeçare. rel

Spanja njofton 812 vdekje nga COVID 19

Spanja njoftoi të hënën 812 vdekje të reja nga koronavirusi, ndërsa më shumë se 6 000 rastet e reja të konfirmuara të infektimeve e bëjnë atë vendin e tretë, së bashku me Shtetet e Bashkuara dhe Italinë, që tejkalon totalin e Kinës.

TOPSHOT - Mortuary employees wearing face masks burry the coffin of a COVID-19 coronavirus victim at Fuencarral cemetery in Madrid on March 29, 2020. - Spain confirmed another 838 deaths in 24 hours from coronavirus , a new daily record bringing the…

TOPSHOT – Mortuary employees wearing face masks burry the coffin of a COVID-19 coronavirus victim at Fuencarral cemetery in Madrid on March 29, 2020. – Spain confirmed another 838 deaths in 24 hours from coronavirus , a new daily record bringing the…

Autoritetet spanjolle e vendosën vendin në izolim dy javë më parë në përpjekje për të ndaluar përhapjen e shpejtë të virusit.

Taktika është përdorur nga qeveritë në të gjithë botën, përfshirë kufizimet e reja të hënën në Moskë duke lejuar njerëzit vetëm të dalin nga shtëpitë e tyre për punë thelbësore, pazar për ushqim ose ilaçe ose për urgjencë mjekësore.

Presidenti nigerian Muhammadu Buhariann njoftoi urdhrat për qëndrimin në shtëpi në kryeqytetin e vendit, Abuja, dhe qytetin më të madh, Lagos dhe tha se udhëtimet në pjesë të tjera të vendit duhen shmangur.

Autoritetet në Zimbabve urdhëruan një bllokim tre-javor duke filluar nga e hëna, ndërsa masa të ngjashme në Nepal, Slloveni dhe Argjentinë janë duke u zgjatur.

Në Shtetet e Bashkuara, që kanë numrin më të lartë të infektimeve në të gjithë botën, shteti i Nju Jorkut ka kaluar shifrën e zymtë të 1,000 vdekjeve.

Spitalet në qytetin e Nju Jorkut do të marrin ndihma me ardhjen e anijes spitalore

U.S. President Donald Trump salutes the crew of the Navy hospital ship USNS Comfort at Naval Station Norfolk, in Norfolk, Virginia, U.S. March 28, 2020.

U.S. President Donald Trump salutes the crew of the Navy hospital ship USNS Comfort at Naval Station Norfolk, in Norfolk, Virginia, U.S. March 28, 2020.

të marinës amerikane, e cila do të lejojë spitalet të lirojnë hapësirën për pacientët me koronavirus duke marrë ata që kanë nevojë për kujdes jo nga virusi. Anija e saj motër, USNS Mercy, filloi të merrte pacientët të dielën në portin Long Beach, pranë Los Anxhelesit.

Presidenti amerikan Donald Trump njoftoi se udhëzimet për distancimin social do të shtrihen deri në fund të prillit për të parandaluar përhapjen e virusit.

Italia, e cila ka padyshim numrin më të lartë të vdekjeve deri më tani dhe ka qenë në izolim të rreptë për javë të tëra, njoftoi më shumë se 750 vdekje të tjera të dielën, por pa shenja shpre me një ngadalësim të infeksioneve të reja.

Një zyrtar i qeverisë italiane tit ha televizionit Sky TG24 të Italisë se ndërsa të gjithë duan të rikthehen në jetën normale, të flasësh për një veprim të tillë në këtë pikë është e papërshtatshme, dhe se masat e izolimit të vendosura për të skaduar të premten do të shtyhen në mënyrë të pashmangshme.

Disa udhëheqës botërorë janë përqendruar tek ndikimi ekonomik i krizës, duke tërhequr shpesh kritika ndërsa rriten infektimet dhe shifrat e vdekjeve.

Presidenti brazilian Jair Bolsonaro shkeli rregullat e Twitterit me disa postime ku shfaqen video në të cilat ai është takuar me grupe njerëzish ndërsa vuri në dyshim nevojën për të mbyllur bizneset dhe për t’i mbajtur njerëzit larg grumbullimeve.

Twitter tha se do të ndalonte postimet që janë kundër rekomandimeve të shëndetit publik dhe inkurajojnë teknikat joefektive të parandalimit që mund të rrisin mundësinë që njerëzit të sëmuren. Platforma e mediave sociale fshiu dy prej postimeve të Bolsonaros, duke thënë se shkelnin rregullat.

Sipas statistikave të Universitetit Johns Hopkins në fillim të së hënës, në të gjithë botën, numri i rasteve të konfirmuara të koronavirusit ishte rreth 737,000 me 35,000 vdekje.

Viktimat përfshijnë komedin e njohur japonez Ken Shimura, vdekja e të cilit u raportua të dielën vonë. 70-vjeçari u shtrua në spital në 20 Mars me ethe dhe probleme me frymëmarrjen.

Qeveria e Kinës ka filluar të inkurajojë bizneset të rihapin dyert pasi zyrtarët shëndetësorë po e përqëndrojnë vëmendjen ndaj kërcënimit të rasteve të importuara pasi kanë bërë përparim të gjerë në eliminimin e rasteve të transmetuara në vend.

Kina ishte vendi i parë që raportoi raste të koronavirusit të ri dhe vendosi izolime të rrepta, veçanërisht në qytetin e Wuhan, i cili kishte numrin më të madh të më shumë se 81,000 infeksioneve në Kinë.

Me spitalet në të gjithë botën që po përballen me një fluks të pacientëve dhe mungesë të furnizimeve, Sekretari i Përgjithshëm i OKB-së Antonio Guterres theksoi kontributet e tyre përmes një postimi të dielën në Twitter.

“Punonjësit e shëndetësisë në të gjithë botën vazhdojnë të ofrojnë ndihmë kritike për ata që preken nga pandemia e COVID-19, shpesh duke bërë sakrifica personale. Unë jam mirënjohës për guximin, përkushtimin dhe sakrificën e tyre”, tha zoti Guterres.

Ministri i Shëndetësisë i Francës: Pandemia COVID-19 u përhap nga Kisha Evangjeliste

Paris

Ministri i Shëndetësisë i Francës Olivier Veran, prendoi se pandemia e koronavirusit të ri (COVID-19) në vend është përhapur nga ritualet fetare që janë bërë në Kishën Evangjeliste në qytetin Mulhouse muajin e kaluar, raporton Anadolu Agency (AA).

Veran në deklaratën për gazetën javore Le Journal du Dimanche, bëri vlerësime rreth COVID-19 që e ndikoi vendin.

“Pika e kthesës ishte mbledhja e mbajtur në Kishën Evangjeliste në Mulhouse. Pandemia në mbarë vendin me të vërtetë u përhap prej këtu”, u shpreh ai.

Ai pohoi se nuk janë vonuar me masat kundër COVID-19.

Ndërkohë në lajmin e gazetës Le Monde, virusi nga Kisha Evangjelike në Mulhouse është përhapur në në Austri.

Sipas lajmit një familje që jeton në kryeqytetin e Austrisë, Vjenë, më 17-21 shkurt ka marrë pjesë në rituale e kishës, të cilët më pas përmes Belgjikës janë kthyer në Vjenë. Testi i tyre ka rezultuar pozitiv.

Në lajm gjithashtu u pohua se këto rituale kanë shkaktuar që virusi të përhapet edhe në Burkina Faso, një shtet afrikan.

Të paktën 1000 persona pjesëmarrës në rituale ishin diagnostikuar me virus

Në lajmin e France Info, televizioni shtetëror, kishte njoftuar se të paktën 1000 persona pjesëmarrës në rituale në Kishën Evangjeliste në Mulhouse, mes 17-21 shkurt, ishin diagnostikuar me koronavirus.

Në këto rituale fetare kishin marrë pjesë shumë persona nga qytete të ndryshme të Francës, si rezultat i së cilës pandemia ishte përhapur në mbarë vendin.

NË AUSTRI MBAJTJA E MASKAVE ËSHTË E DETYRUESHME

VOAL.CH – Një ndër masat kryesore që Austria ka marë për mbrojtjen nga koronavirusi është mbajtja e maskave.

Prej së mërkurës, në hyrje të të gjithë supermerkateve, do të ndahen maskat mbrojtëse.

Ky lajm u dha nga kryeministri Sebastian Kunz. Mbajtja e maskave është një masë kryesisht për mbrojtjen e personelit të supermekarteve.

“Për kulturën tonë, thotë Kunz, kjo është diçka e huaj. Por është e detyrueshme. Qëllimi është që maskat të mbahen jo vetëm në supermerkate, por kudo.”/heute.at/20minuten/EB

Itali, 101-vjeçari që i mbijetoi gripit spanjoll mposht koronavirusin

Një italian 101-vjeçar që mbijetoi nga pandemia e gripit spanjoll një shekull më parë, është shëruar me sukses nga koronavirusi i ri (COVID-19), raporton Anadolu Agency (AA).

Italiani, i identifikuar vetëm si z. P., lindi në qytetin Rimini në bregdetin veriperëndimor të Detit Adriatik në vitin 1919, ndërsa është rritur midis dy luftërave botërore.

Javën e kaluar, ai shkoi në një spital në Rimini pasi rezultoi pozitiv në COVID-19.

Kjo nuk ishte hera e parë që z. P u prek nga një pandemi. Ai është një nga të mbijetuarit e pandemisë së gripit spanjoll që filloi në vitin 1918, i cili shkaktoi vdekjen e 600.000 italianëve.

Sipas Gloria Lisi, nënkryetares së Komunës së Riminit, stafi mjekësor në spital ishte i pashpresë për 101-vjeçarin, pasi njerëzit më të vjetër se 65 vjeç kanë tendencë të përjetojnë simptoma më të rënda të COVID-19.

Pasi filloi të shërohej nga sëmundja, ai është liruar nga spitali.

Z. P thuhet të ketë sjellë dritë shprese tek pacientët e tjerë me koronavirus, kurse mbijetesa e tij ka shërbyer për të kujtuar se edhe personat e moshuar mund ta mposhtin sëmundjen.

Gjermani, synohet kryerja e 200 mijë testeve në ditë për koronavirusin

Berlin

Në Gjermani synohet kryerja e 200 mijë testeve në ditë për koronavirusin e ri (Covid-19), transmeton Anadolu Agency (AA).

Në artikullin e revistës “Der Spiegel”, bëhet e ditur se në raportin sekret të Ministrisë së Brendshme që i është paraqitur kancelares Angela Merkel, theksohet rëndësia e kufizimeve që vazhdojnë prej dy muajsh në jetën publike dhe sugjerohet të kryhen një numër i madh i testeve të koronavirusit si Koreja e Jugut për të parandaluar skenarin e situatës më të keqe.

Në raportin e përgatitur nga ekspertët, kërkohet që duke filluar nga 13 prilli të kryhen të paktën 100 mijë teste në ditë dhe më pas kjo të rritet deri në 200 mijë deri në fund të muajit prill.

Më tej në raport thuhet se 70 për qind e popullatës do të infektohet në rast se nuk vendosen kufizime të rrepta në jetën publike, nëse personat e infektuar me virus nuk përcaktohen me teste dhe nëse ata nuk izolohen.

Me infektimin e 70 për qind të popullatës mund të ndodhë skenari i situatës më të keqe, gjë e cila nënkupton mbingarkesë në spitale dhe që mund të shkaktojë mbi 1 milion vdekje nga koronavirusi.

Ministri gjerman i Shëndetësisë, Jens Spahn në një deklaratë ditë më parë shprehu mundësinë për të kryer 300 deri në 500 mijë teste në javë.

Holanda do t’i kthejë 600 mijë maskat e importuara nga Kina

Amsterdam

Me arsyetimin se nuk i plotësojnë standardet e mjaftueshme, Holanda ka vendosë mbledhjen e 600 mijë nga 1.3 milionë maskat që ka importuar nga Kina me qëllim për të parandaluar përhapjen e koronavirusit të ri (Covid-19), transmeton Anadolu Agency (AA).

Në një deklaratë nga faqja e internetit të Institucionit Transmetues Publik (NOS) thuhet se Ministria e Shëndetësisë, mirëqenies dhe sportit vendosi ndalimin e importimit të maskave nga Kina dhe mbledhjen e 600 mijë maskave të shpërndara. Gjithashtu bëhet e ditur se pas kësaj maskat që do të importohen do t’u nënshtrohen testeve.

Disa spitale dyshuan për cilësinë e maskave të shpërndara dhe iu drejtuan për kryerjen e ekzaminimit Organizatës së Kërkimit Shkencor të Aplikuar (TNO) të Holandës, thuhet në deklaratë. Shumë spitale nuk kanë përdorur maskat në fjalë që “TNO ka përcaktuar se maskat të cilat nuk përmbajnë standardet e nevojshme të sigurisë dhe shëndëtësisë, nuk pengojnë bartjen e koronavirusit nëpërmjet frymëmarrjes”.

Gjithashtu pasi thuhet se nuk ka informacione të sakta nëse janë përdorur apo jo maskat me probleme, bëhet e ditur se disa spitale pas dezinfektimit kanë ripërdorur masakat e vjetra për arsye se nuk ka pajisje të mjaftueshme.

Ish-ministri francez vdes nga koronavirusi

Ish-ministri francez, Patrick Devedjian, ka vdekur nga koronavirusi të dielën në mëngjes. Vetëm para tri ditëve, ai kishte shkruar në Tëitter se ndihet i lodhur, por është në gjendje stabël.

Babai i katër fëmijëve ndodhej në një spital privat në jug të Parisit pasi ishte duke u trajtuar nga e mërkura e kaluar. Nuk ka qenë e ditur që ai vuante nga sëmundje të tjera.

“Gjendja e tij u rëndua të shtunën. Mjekët e vendosën në komë artificiale, por nuk mbijetoi”, tha një burim familjar.

Devedjian ishte republikan konservator që kishte shërbyer në disa pozita ministrore gjatë pushtetit të ish-presidentit francez, Nicolas Sarkozy, shkruan “Daily Mail”, transmeton Gazeta Express.

Ai u bë pjesë e disa politikanëve evropianë që u infektuan me koronavirus, përfshirë kryeministrin britanik, Boris Johnson, dhe ministrin e shëndetësisë në qeverinë britanike, Matt Hancock.

Ky ministër vinte nga një familje që kishte ikur nga gjenocidi ndaj armenëve, që kishte ndodhur në fillim të shekullit të kaluar, nga viti 1914 deri në vitin 1924.

Di Maio pret mjekët shqiptarë: BE lindi nga solidariteti, Shqipëria ua kujtoi sot këtë gjë!

Mbërrin në Itali ekipi i mjekëve dhe infermierëve shqiptarë. Për ti pritur në aeroport ka shkuar vetë ministri i Jashtëm i Italisë, Luigi Di Maio.

Ai gjeti rastin të falenderonte popullin shqiptar, qeverinë dhe kryeministrin Rama si dhe shtoi se Shqipëria me solidaritetin e treguar sot u tregoi vendeve të tjera të BE-së arsyen pse u krijua BE-ja.

“Falenderoj kryeministrin Edi Rama, qeverinë dhe popullin për solidaritetin e madh që po na tregojnë. Para se këta mjekë hypnin në avion, kryeministri shqiptar mbajti atje një fjalim mallëngjyes, tha se edhe ata po përballen me luftën kundër koronavirusit por se atje s’mund të mbanin rezerva në një kohë që neve këtu në Itali, miqëve të tyre po na mbarojnë rezervat. Solidariteti i tyre tregon një arsye më shumë që Shqiëpria të hyjë sa më parë në BE. Shpirti i solidaritetit është ajo vlerë që e bëri të lindë BE dhe që po ua kujton Shqipëria vendeve të BE sot. Faleminderit Shqipëri, faleminderit qeveria”.

Di Maio shtoi se mjekët shqiptarë do të ndihmojnë në zonën më të nxehtë të përhapjes së sëmundjes së koronavirusit në Itali, në atë të Lombardisë.

“ Nesër këta mjekë dhe infermierë do shkojën në Lombardi aty ku është vatra më e nxehtë e virusit. Njerëzve tanë po iu shkon ndihmë dhe për këtë jemi të lumtur”,- vijoi ai. bw

Mattarella: “Evropa duhet të kuptojë seriozitetin e kërcënimit ose do të jetë vonë. Ne kemi nevojë për veprim të përbashkët “

voal.ch – Pas gjendjes shumë të rënduar në Itali prej pandemisë të Covid 19, ku vetëm sot kanë humbur jetën 919 njerëz, ka reaguar Papa Françesku duke u lutur në sheshin e Shën Pjetrit bosh.

Ka reaguar gjithashtu edhe Presidenti i Italisë Sergio Mattarella me një apel për Europën:

Presidenti italian Sergio Mattarella ka paralajmëruar : “Evropa ose e kupton seriozitetin e kërcënimit ose nesër do të jetë vonë. Ne kemi nevojë për veprim të përbashkët “.

Presidenti Mattarella pasi ka falenderuar popullin italian dhe veçanërisht profesionistët e shëndetit, mjekët, infermierët, forcat e rendit dhe të gjithë ata që janë në vijat e para për t’u përballur me “një faqe të trishtuar në historinë tonë”.

Presidenti Mattarella nisur nga situata shumë e rëndë ka mbajtur i ka bërë apel Europës duke mbajtur qendrim të qartë kritik : “Në Bashkimi Evropian, Banka Qendrore dhe Komisioni, ditët e fundit, kanë marrë vendime të rëndësishme dhe pozitive financiare dhe ekonomike, të mbështetura nga Parlamenti Evropian,  por Këshilli i krerëve të qeverive kombëtare nuk e ka bërë ende këtë. Kjo pritet të ndodhë konkretisht në ditët në vijim “. Një mesazh i ashpër, ndaj “skifterëve” të Evropës, shkruan Corriere.it duke komentuar fjalën e Mattarella-s

Për kreun e shtetit italian, “modelet e vjetra” duhet të tejkalohen, përndryshe mbi kokë rreziku është ai i shpërbërjes: “Shpresoj që të gjithë ta kuptojnë plotësisht, para se të jetë vonë, serioziteti i kërcënimit për Evropën. Solidariteti nuk kërkohet vetëm për shkak të vlerave të përbashkëta me Bashkimin Europian, por edhe të interesit të përbashkët “. Ky ishte një nga thekset kryesore të fjalës të Mattarella-s drejtuar sot përmes televizionit popullit italian.

Lutja e Papës për fundin e pandemisë: “O Zot mos na braktis në mëshirën e stuhisë”

Në tremen e Bazilikës së Shën Pjetrit, para sheshit bosh, në një ditë që do të mbetet në histori, Papa Françesku i kërkoi Zotit ta dëgjojë lutjen e gjithë burrave e grave, në këto kohë pandemie nga koronavirusi. Pas bekimit “Urbi et Orbi”, të gjithë ata, që ishin lidhur me të në lutje, përmes mjeteve të komunikimit, por edhe të gjithë besimtarët, që u bashkuan me Papën shpirtërisht e me ndjetin e zemrës, edhe pse nuk kishin mundësi ta shihnin apo ta dëgjonin lutjen, patën mundësi të marrin Ndjesën e plotë, sipas kushteve të Kishës.

R.SH. – Vatikan

E premte e veçantë Kreshmësh, ky 27 mars. Udhën e Kryqit, që zakonisht besimtarët e ndiqnin në famullitë e kishat e tyre, sot, po e bëjnë sa e sa të sëmurë me koronavirus, sa e sa njerëz që vuajnë për viktimat, të cilët mund të jenë familjarë, miq, ose të njohur. Duket dhimbje pa fund, por të krishterët kanë shpresën në Zotin, i cili ka premtuar se nuk do t’i braktisë kurrë. Në këtë të Premte Mëshire, Kisha i ka këshilluar ata ipeshkvij që munden, të shkojnë të vetëm në varrezën e dioqezës së tyre, për një çast lutjeje e bekimi, për të shprehur afërsinë me ata, që kanë ndërruar jetë e, me ata që vajtojnë.

O Zot, shikoje gjendjen tonë të dhimbshme

Edhe Papa Françesku u lut sot në orën 18, nga tremja e Bazilikës së Shën Pjetrit, me sheshin bosh, por në bashkim shpirtëror me gjithë të krishterët e botës, të të gjitha traditave. Ati i Shenjtë, në praninë e fugures së Zojës “Salus Populi Romani” e të kryqit të Shën Marçelit, që ndali murtajën në Romën e vitit 1522, iu lut Zotit të Mëshirës të ketë mëshirë për burrat e gratë e kësaj kohe pandemie. “O Zot i Gjithpushtetshëm e i mëshirshëm, – u përgjërua Papa në fillim të kremtimit – shikoje gjendjen tonë të dhimbshme: ngushëlloji bijtë e tu e hapi zemrat tona për shpresën, që ta ndiejmë mes nesh praninë e Atit Qiellor”.

Më pas u lexua Ungjilli sipas Markut, pjesa në të cilën Jezu Krishti, në barkë me dishepujt e vet, ndal stuhinë e i bën të heshtin erërat e valët. Duke marrë shkas nga fjalët e para të Ungjillit, ku thuhet “erdhi mbrëmja”, Papa, gjatë homelisë, komentoi: “Që prej javësh duket se ka zbritur mbrëmja. Re të errta janë dendësuar mbi sheshe, rrugë e qytete; kanë marrë në dorë jetën tonë, duke e mbushur gjithçka me një heshtje shurdhuese e me një boshllëk dëshpërues, që paralizon çdo gjë kur kalon: ndihet në ajër, shihet në gjeste, na e thonë vështrimet. Ndihemi të frikësuar e të humbur. Si dishepujt e Ungjillit, u kapëm të papërgatitur nga një stuhi e papritur dhe e furishme. E kuptuam se jemi të gjithë në të njëjtën barkë, të gjithë të brishtë e të çorientuar, por njëkohësisht, të rëndësishëm e të nevojshëm, të gjithë të thirrur për t’u dhënë rremave së bashku, të gjithë me nevojën për të ngushëlluar njëri-tjetrin. Mbi këtë barkë… jemi të gjithë”.

O Zot, “nuk po pyet për ne?”

Papa Françesku komentoi qëndrimin e Jezusit, që, në barkë me dishepujt, kishte besim të patundur në Atin Qiellor, pavarësisht nga stuhia, pavarësisht se ndodhej në atë pjesë, që mund të mbytej e para. E me një paralelizëm, që sot është më se i qartë, vuri në dukje frikën e dishepujve, që i thonë Zotit: “nuk po pyet për ne?” Edhe ata, ashtu si ne sot, tregohen të brishtë, të paaftë të kapen pas besimit në Hyjin, pas gjithë atyre qëndrimeve, që edhe sot, na i mësojnë të moshuarit, duke na treguar udhën e lëshimit të vetvetes në dorën e Zotit. Jemi të shqetësuar për vetveten, denoncoi Papa, jemi kthyer në egoistë e vëmë në plan të parë dukjen, duke e lënë të zbuluar nervin e vetëdijes se i përkasim njëri-tjetrit si vëllezër. Ecim me shpejtësi nëpër udhët e botës, me etje për para e pushtet e nuk ndalemi para thirrjes së Zotit për të parë ç’ndodh përreth nesh, për të parë luftrat e padrejtësitë, të varfërit, planetin e sëmurë rëndë.

“Pse keni frikë? Akoma nuk keni besim?”

E tani i drejtohemi Zotit, si dishepujt e atëhershëm: “Nuk pyeske për ne?” Për të marrë prej Krishtit përgjigjen: “Pse keni frikë? Akoma nuk keni besim?” Kjo është kohë Kreshmësh, nënvizoi më tej Papa Françesku, kohë për të kuptuar ç’vlen vërtet e për të ndarë gjithçka është e nevojshme nga gjërat, që të tilla nuk janë. Është koha për t’u kthyer te Hyji e për ta lënë Shpirtin Shenjt të veprojë, ashtu siç e lanë sa e sa mjekë e infermierë këto ditë, të cilët, megjithë frikën, dhanë edhe jetën për shpëtimin e të tjerëve. E Papa nuk harroi edhe gjithë punonjësit e tjerë, që e bëjnë shoqërinë të funksionojë, duke shërbyer, me kokën në rrezik.

Zoti nxjerr të mirën nga e keqja

Fillojmë të kemi fe, vërejti Ati i Shenjtë, kur e kuptojmë se kemi nevojë të shpëtohemi. Le t’i drejtohemi Zotit, t’ia dorëzojmë Atij të Lumit frikën tonë, ta ftojmë Jezu Krishtin në barkën e jetës sonë e, ashtu si dishepujt, nuk do të mbytemi. “Sepse kjo është forca e Zotit – ngriti zërin Françesku – të “Pse keni frikë? Akoma nuk keni besim?”. Ai i heshton stuhitë tona, sepse me Zotin, jeta nuk vdes kurrë… E kemi një spirancë: nëpër kryqin e Tij jemi shëlbuar. E kemi një timon: nëpër kryqin e Tij jemi shpërblyer. E kemi një shpresë: nëpër kryqin e tij jemi shëruar e përqafuar, që askush e asgjë të mos na ndajë nga dashuria e Tij shëlbuese. …Ai u ngjall e jeton krah nesh”.

Lutja e Papës Françesku

E duke i ftuar të gjithë ta përqafojnë kryqin e Krishtit me jetën e tyre, sepse vetëm kështu do të përqafojnë shpresën, Papa Françesku u lut:

“Të dashur vëllezër e motra, nga ky vend, që dëshmon fenë shkëmbore të Pjetrit, sonte, dua t’ju besoj të gjithëve në duart e Zotit, përmes ndërhyrjes së Zojës, shëndeti i popullit të vet, ylli në detin e stuhishëm. Nga ky kolonat, që përqafon Romën dhe botën zbrittë mbi ju, si përqafim ngushëllues, bekimi i Hyjit. O Zot, bekoje botën, dhuroju shëndet trupave dhe ngushëllim zemrave. Ti na kërkon të mos kemi frikë. Por feja jonë është e dobët e ne kemi frikë. Por Ti, o Zot, mos na lër në mëshirën e stuhisë. Na thuaj prapë: ‘Mos kini frikë’. E ne, bashkë me shën Pjetrin, ‘ta lemë Ty çdo shqetësim, sepse Ti kujdesesh për ne’ (shih 1 Pjt 5,7)”.

Bekimi “Urbi et Orbi” e Ndjesa e Plotë

Në fund, pas litanive të Zojës, Papa Françesku lartoi të Shenjtnueshmin Sakrament, me të cilin bekoi Romën e botën. Të gjithë ata, që ishin lidhur me të në lutje, përmes mjeteve të komunikimit, por edhe të gjithë besimtarët, që u bashkuan me Papën shpirtërisht e me ndjetin e zemrës, edhe pse nuk kishin mundësi ta shihnin apo ta dëgjonin lutjen, patën mundësi të marrin Ndjesën e plotë, sipas kushteve të Kishës. Pra, të gjithë atyre, që, në këto kohë emergjence, janë rrëfyer shpirtërisht për mëkatet, janë kunguar shpirtërisht e tani, u lutën sipas ndjetit të Papës. Kërkohet gjithashtu edhe një vepër tjetër “ndjese”, siç mund të jetë thënia e Rruzares, e Besojmës, e Atynës, pjesëmarrja virtuale në meshë, një lutje për Zojën, leximi i Shkrimit Shenjt për të paktën gjysëm ore e të tjera si këto, që mund t’i lexoni në dekretin e fundit të Pendestarisë Apostolike./RV