DHOMA E IME- Poezi nga YMER LLUGALIU

May 22, 2023

Kjo dhoma ime tepër e ngushtë,

e zhveshun mobiljesh,

e zhveshun stolish,

vetmi dhe errsi,

në derë s‘më troket askush.

Nga dritarja dielli kurrë s‘më hyn,

dritarja shikon drejt e në burg,

në qelinë e ftoht,

ku kam nji patriot.

Shpeshherë

gjumin e kam tremb

deri në mesnatë,

ndër libra t’ue vjel

ndonji mollë bukurije,

ndonji mjalt dashunije,

​

ndonji rrush mendimi,

ndonji arrë rrezistence,

ndonji qershi freskije.

Kam hyp shpeshherë

mbi maja selvish,

në gembin ma të nalt

me vjerr në nji qime floku

shpatën e drejtsisë.

Ç‘e do ktë vit mori verë e thatë,

pemët s‘dhanë fryt,

I shortuan pa takt,

i krositën pa kriter;

Me nji lang shkrumues

të gjitha i kanë spërkat.

Rrëshen-Mirtitë,1976

• twitter

  Follow
• facebook
• linkedin

Fjalë kyçe: YMER LLUGALIU