Sydney e priti vitin e ri me fishekzjarrët tradicionale dhe spektakolare – Ngjarja u ndoq nga mbi një milion njerëz

VOAL- Australia ishte një nga vendet e para në botë që priti Vitin e Ri të dielën me një shfaqje spektakolare të fishekzjarreve në Sydney. Më shumë se një milion njerëz festuan, veçanërisht rreth portit të metropolit australian.

Ura e Portit dhe Teatri i Operas, simbole të qytetit, u ndriçuan dhe u ngjyrosën në mesnatë (14:00 me orën tonë). U hodhën tetë tonë fishekzjarre.

Fishekzjarret i kanë projektuar dritat e tyre në vitin 2024, vit në të cilin do të zhvillohen zgjedhjet për pothuajse gjysmën e njerëzimit dhe Lojërat Olimpike të Parisit në verë.

Viti i kaluar është shënuar nga kriza dhe luftëra: lufta në Ukrainë, lufta në Gaza, kriza e refugjatëve, kriza klimatike dhe inflacioni. Për më tepër, viti 2023 ishte viti më i nxehtë që nga fillimi i regjistrimeve më 1880, me fatkeqësi të tilla si përmbytjet, thatësirat dhe zjarret pyjore të shkaktuara nga ngrohja globale.rsi-eb