Shpresojmë që në zgjedhjet e 28 dhjetorit shumica e popullit të Kosovës të mos votojë për rrenca!

Me zemër të trishtuar por me mendje të kthjelltë, dua t’i demaskoj disa nga rrenat e shumë politikanëve dhe diplomatëve, si më poshtë:

– Krimineli serb Vuçiq dhe regjimi fashist serb e rrejnë Evropën dhe Amerikën se Serbia do të largohet nga Rusia nëse u jepet Kosova. (Serbia është shteti më rrenc në të gjithë botën).
– Disa diplomatë të Evropës e rrejnë Amerikën se Vuçiq po e rrenë Rusinë, jo Perëndimin. (Amerika nuk ka kohë të merret me rrenat e Evropës për Serbinë dhe Kosovën).
– Disa politikanë të Evropës e rrejnë vetën dhe gjithë botën se Kosova është duke e eskaluar situatën, kurse Serbia e “pafajshme “, po mërzitet shumë nga eskalimi.
– Evropa dhe Amerika (disa diplomatë, jo të gjithë) e rrejnë Kosovën se Asociacioni serb është shumë i mirë, se nuk e rrezikon shtetin e Kosovës, dhe se do ta sjellë minoritetin serb në përqafim të Kosovës.
– Dy ish-ambasadorë amerikanë, tani lobistë për Serbinë, e rrejnë opinionin publik se qeveria e Kosovës është fajtore për problemet me Serbinë.
– Ata, bashkë me disa politikanë evropianë, e rrejnë kriminelin Vuçiq se do të ia mundësojnë Serbisë kthimin në Kosovë.
– Vuçiq e rrenë popullin serb se Serbia do të kthehet në Kosovë.
– Organizata armiqësore “Lista srpska” e rrenë veten se “Kosova është Serbi”.
– Serbia dhe “Lista srpska” i rrejnë me të madhe diplomatët ndërkombëtarë duke pretenduar se minoriteti serb në Kosovë nuk ka të drejta.
– Një ish-ambasador amerikan e rrenë PDK-në se do ta kthejë Thaçin prej Hagës, ndërsa i rrenë PDK-në, LDK-në dhe AAK-në se do ti kthejë në pushtet.
– Ky ish-ambasador dhe emisar e rrenë vetën se mund ta ndrrojë Kryeministrin dhe Presidenten sipas qejfit dhe të emërojë dikë tjetër, pa vullnetin e popullit të Kosovës.
– Gjykata Kushtetuese e Kosovës dhe PZAP (Paneli Zgjedhor për Ankesa dhe Parashtresa) i legjitimojnë rrenat e listës serbe dhe opozitës së Kosovës, sipas nevojës.
– Disa fytyra të LDK-së e rrejnë opinionin publik se në Kosovë ka “shtypje ndaj serbëve” dhe e rrejnë popullin e Kosovës, se Serbisë duhet t’i jepet diçka për tu bërë mirë me te.
– Ata e rrejnë veten se Albin Kurti për ta është më problem sesa “Lista srpska”!
– Disa fytyra të PDK-së e rrejnë popullin dhe vetën se shkëmbimi territorial do ta
qetësonte Serbinë.
– Shumë përfaqësues të PDK-së, LDK-së, AAK-së dhe NISMËS rrejnë me të madhe dhe pa turp, pa u ndalur, se Albin Kurti është rrenc dhe bashkëpuntor i Serbisë dhe Rusisë.
– Për gati pesë vite ata kanë rrejtë edhe vetën, se me rrenat e tyre do ta largojnë Albinin përgjithmonë nga jeta politike.
– Ata po ashtu rrejnë se Albini nuk ka bërë gjë të mirë për Kosovën, se nuk e ka çliruar veriun nga strukturat paralele dhe bandat serbe, dhe se nuk e çmontoi sulmin terrorist të Radojciqit.
– Ata rrejnë pa pikë turpi se KM Albin Kurti është fajtor për bllokimin e formimit të institucioneve, miratimit të buxhetit dhe ndihmave ndërkombëtare.
– Ata rrejnë me të madhe se Albini i ka prishur marrëdhëniet me partnerët ndërkombëtarë dhe se ai është anti-amerikan.
– Ata e rrejnë vetën se nëse e fusin shtetin në kaos, do të ndërhyjnë ndërkombëtarët (ish-ambasadorët amerikanë) për t’jua dhënë atyre pushtetin i cili do të jetë i kontrolluar nga Serbia.
– Ata rrejnë se Presidentja Vjosa Osmani po e shkelë kushtetuten dhe se kontrollohet nga LVV-ja.
– Kryeministri i Shqipërisë i rrenë të gjithë, pa përjashtim dhe pa u ndalë.
– Rrenat në media janë baza e gati të gjitha raportimeve dhe opinioneve të shumë gazetarëve rrenacakë të Kosovës, Shqipërisë, Trojeve tjera dhe kudo që jetojnë shqiptarët. Më rrenca se gazetarët nuk ka.
– Gati të gjithë e dijnë se po e rrejnë njëri-tjetrin, por kënaqen dhe krenohen me rrena, sepse rrenat janë bërë modë në politikë.
– Shumë prej tyre madje i besojnë rrenat e veta.
– Gjëja më e keqe është se një pjesë e madhe e rrencave paguhen nga Serbia, disa oligarkë dhe forca të errëta armiqësore, për të rrejtë për Kosovën.

Dhe, të gjithë këta rrenca bashkë, përpiqen ta rrejnë dhe mashtrojnë popullin e Kosovës se për të gjitha këto rrena të tyre, fajtor është Albin Kurti! Shpifjet, shtrembërimet, dezinformatat, fyerjet dhe mashtrimet e ndryshme të paskrupullta të tyre kundër Albinit, janë edhe më të këqija se rrenat e tyre.

Por, populli shumicë i Kosovës nuk i han rrenat dhe nuk mund të mashtrohet. E ka thënë vetë populli se “Rrena i ka këmbët e shkurta”. Kjo është e vërteta.

Ata që do të më shajnë për demaskim të këtyre rrenave, nuk më shqetësojnë, sepse janë rrenca. Të kuptohemi, ka edhe rrena të bardha dhe të nevojshme, të cilat nuk janë objekt i këtij shkrimi. Pastaj, ka rrenca të mëdhenj e të vegjël.

Cikli i rrenave vazhdon… Shtoni sa të doni…
O rrenca, ndaleni turrin se e keni lodhë popullin e Kosovës me rrena!

Mbetet të shpresojmë, që në zgjedhjet e 28 dhjetorit shumica e popullit të Kosovës t’i dënojë me votë rrencat profesionist të Kosovës, gjë që mund të ndikojë sadopak edhe në shukatjen e rrencave ndërkombëtarë!

Më 30 nëntor 2025