ÇDO DITË VDES PËR TY

Çdo ditë vdes ngapak për ty
Dhe pyes
Vallë a ka diku në Shqipëri
Pakëz Çamëri

Vdes në një mijë pamje të pikturave
Kur piktorët ma zbukurojnë ditën
Bardhësi m’i dhanë heshtjes në varg

Edhe pse bërtas në kupë të qiellit
Kurrë përgjigje nuk marrë

Më duhet të them pa dashje
Këtu njeri nga ne jemi të tepërt
Unë do të vdes çdo ditë për fjalën
Që m’i ruan kujtimet për ty

Sa herë bëj lutje për një Shqipëri
Ku do të këtë ma shumë Çamëri!

 

10 dhjetor 2023 AGIM DESKU

 

DIELLI S’ËSHTË LARG

Dielli nuk është larg nga lulet
Këtë ma thonë lulet që kanë shpirt engjëjsh
Fluturat na tregojnë për bukurinë e tyre
Edhe pse të gjitha lulet e meritojnë diellin

She të gjithë njerëzit snuk e meritojnë diellin
Ata që e duan ngrohtësinë e tij
Duhet t’i fitojnë betejat për lirinë e fjalës
Kam të drejt pse s’e kuptoj jetën pa dritën e diellit

Tani e shoh se çfarë ferri përjetoi populli im
Pesë shekuj nënçmim të dritës se diellit
Veç në ëndërr e shihnim se si duket liria
Askush nuk m’i ka besue ëndrrat për diellin

Asnjëherë nuk iu perulèm kohërave të ferrit
Edhe pse më shndrruan në emra demonësh
S’kam mendue se sot më mungon burrëria ime
Kur Çakorri falet e fjala s’ka ma besë njeriu

Çfarë t’i them jetës nëse më pyetin ku mbeti liria
Ku mbetën ëndrrat qē u sakrifikuam për këtë ditë
Dje e kisha liri luftëtarin e lirisë e sot ku është ai
Kur ëndrrēn e tij e ruaj në Trëndafilin e Çamërisë.

10 dhjetor 2023 AGIM DESKU

 

PSE HUMBI FJALA

Dikur e kishim fjalën
Fjalë
Nuk kishim mallë për të
Se na rrinte pranë vatrës
Mu në zemër e shpirt

Sot si për çudi
Humbi fjala dhe shpirti

Vallë është pasojë e luftës
Apo nënçmim i lirisë
Pse humbi fjala

Deri sa të di përse humbi fjala
Unë do të bëj jetë lutjesh
Të rikthehet sërish fjala e dhënë.

8 dhjetor 2023 AGIM DESKU

 

KËNGA IME

Në mbretëreshë të fjalës
Më është shndrrue nëna ime
Së bashku me Nënë Terezen

Në vargun tim
Në hyjnesha më janë shndrrue
Çlirimtaret e betejave të lirisë

Shota Galica e Marije Shllaku
Nora e Kelmendit e Marigoja

Në këngën time
Hynë këngët e pakënduara
Të poeteve të fjalës se bukur
Që ju bënë peng jetës
Për të vërtetën

Në këngën time
Mu bënë këngë të krenarisë
Mu bënë mbretëresha e hyjnesha.

MBRËMJE

Sonte dëshmitar e kam vargun për dreq
Që po më gjykon për fatin tim kryeneq
Kur me vite isha argat i dreqit e të birit të tij

Mbrëmja me muzën m`u ba vargu rebel
Ajo më erdhi në kalë dhe shall të bardhë
Fustanin e nusërisë ia kishin qepë kalorësit dardanë
Dhe diku në ëndrra shquhej për besën e dhënë

Doruntinë ishte ëndrra ime që i duhej fjalës se shejtë
Si dhe çdo krijuesi që ecën drejt diellit pa u djeg

Shumë herë ëndrrat janë të pamëshirshme ndaj meje
Më dukej sikur bajlozët e detit i ngrinin valët e detit
Por gjithmonë jam shndrrue edhe unë në pirat kryeneq

Le ta dinë secili demon nëse do të vie në këto anë
Ka për t`i lënë eshtrat ku as korbat s`do ia hanë

Eu Evropë edhe nga ëndrrat s`më dole kurrë
Vallë nëse ma harrove përkrenaren e Gjergj Kastriotit
Im Zotit tim që e kisha për të gjallë të brezave të mi
Dhe sot uratën e shejtë e fali kur betohem në flamur

Koha ime veeç sa ka fillue për ta njoh identitetin tim
Se si më paskanë gënjye kohërat apo njerëzit që kanë jetue me genjeshtra
Veç fytyrat e të madhit Ukshin Hoti sa herë ma nxjerr gjumin orë e çast
Si t`i gëzohem lirisë kur fëmijtë çamë nuk më njohin për vëlla

Jam rrëfye në librin poetik’’Rrëfej diellit’’ që më mbahet peng në Greqi
A thua bota qenka shumë frikacake më ju frikësue fjalës se poetit
Vërtëtë e shejtë është çdo fjalë që brezi çam ma thotë në katër sy

Poetë bashkohuni me shpirtin e Liridonës bile ju engjëjt e fjalës sime
Nuk di nëse do e myelli faqen e lumturisë pa ia dëgjue vrasësit denimin
S`k tjetër botë së kjo e jona vdiq me vrasjen e e engjëjve .

AGIM DESKU Dhjetor 2023

 

VARGU QË VJEN TJETËR HERË
-Sonte pas dymijë vite të krishtërimit shqip

Flamur
Sot e ngrita gotën për valëvitjen tënde
Dhe pyes veten nëse u bëra pakëz burrë

Ma mori mendja se vargu sot del nga zemra
T’i rikujtojmë vitet e ferrit brez pas brezi
Asnjë stuhi s’mundi të na i zhdukë rrënjët pellazge

Flamur
Sot erdha t’ia marr pak buzëqeshje bacit Adem
Sytë e shqiponjës t’i shoh a i kemi të njëjtë
Dhe cili u bëmë pakëz burrë
Unë apo vargu im i shejtë

Edhe diçka desha të pikturoj në flamur
Besën e dhënë që jemi shque dikur

Tjetër herë ndoshta e festojmë ma mirë
E shtrojmë sofrën e bashkuar dhe ngritim dolli
Më i kujtue nëntorët e motit të madh
Kur Shqipëri ishte edhe në Çamëri.

Prekaz 28 Nëntor 2023 AGIM DESKU

 

MIQTË E DIELLIT

Delli ka miq
Një botë të tërë të artit
Ka poetët
kur me vargun e tyre lobojnë
Liri për njerëzit e zënë peng
Në purgatorët e ferrit
Dielli ka miq
Piktorët që pikturojnë plagët e fluturave
Që s’mund të fluturojnë lule në lule
Dielli s’lodhet hiq për të zënë miq
Që dinë t’i shërojnë plagët e luftërave
Dashuritë e çlirimtareve i bëjnë relikt muzeu
Miqtë e diellit i falin ngrohtësi tokës
Stinëve të ftohta ia shkrijnë acarët e dimrit
Kur vjen pranvera t’i rritën gjethet e trëndafilit
Miqtë e diellit janë si unë edhe si ti
Si shpirtbardhët që lobojnë pêr fjalën e lirë
Miq të diellit bota ka ma shumë se një lumë
I ka ëndrrat e fëmijëve edhe kur flejnë në gjumë.

27 Nëntor 2023 AGIM DESKU

 

NDOSHTA JAM FAJTOR

Ndoshta jam fajtor
Pse vonë e kuptova jetën
Më mjafton që artin e vargut
E mësova nga ti
Urrejtjen që e kisha dikur
Për njeriun ma largoi
Ndoshta jam fajtor
Që kurrë nuk urrejta
Por besên e të parëve të mi
Ma forcoi
Ndoshta jam fajtor
Pse shumë besova
E di se jeta në çdo kohë
Ma tha të vërtetën
Të bukurën dhe të hidhurën
M’i tha në të njëjtën kohë
Kohërat janë të padrejta
Ndaj secilit që ka shpirt engjëlli.

23 Nëntor 2023 AGIM DESKU

 

FEMËR MA I BUKURI EMËR

Asnjë stuhi nuk nisej nga ti
Nuk është mëkat të jesh fèmër
Se mëkati yt isha unë
Femër
Për mua është ma i bukuri emër
Është edhe mbretëresha e yjeve
Rruga për ta pa dritën e diellit
Nisët nga mbrëmjet kur ka hënë
Për t’u shndrrue në muzën e poetit
Më i rikujtue kujtimet që s’kthejnë më
Për të gjallë të heronjve
Unë t’i di dhembjet për atdheun
T’i kam rujtur plagët dymijë vjeqe
Që kurdoherë i ndave me vargun e poetit
Femër sa zemër të madhe ke
Sa më i bashkue dy botëra në një
Ku bota do te ngrit dolli për paqen
E di se Dante krijoj ferrin për ty femër
Por ai harroi se koha e tij u bë ferr
Dhe mbijetove për të më bërë mbret.

18 nëntor 2023 AGIM DESKU

 

 

VARGU IM MA I BUKUR QË DI
-Flordian Shabaj,në pervjetorin e aksidentit

Tek porta e diellit
Krijova vargun ma të bukur
Aty ku rrijnë engjëjt e tu Flordian
Këtu kthejnë edhe zogjtë shegtarë
Vijnë e shkojnë e dhembjen ta marrin
Këtu ndalojnë mijëra kalorës atdheu
Më thuaj për plagët Flordian
Kanë apo s’kanë shërim
Kanë apo s’kanë urrejtje
Më thuaj për jetën Flordian
Ka apo s’ka lumturi
Para teje ka apo s’ka dashuri
Më thuaj për ëndrrat Flordian
Kanë apo s’kanë faculetë kujtimi
Më thuaj për betejat Flordian
Kanë apo s’kanë zemra çlirimtarësh
Më thuaj edhe për shumëçka Flordian
Ku i mbajnë lotët babai e nëna
Kanë apo s’kanë kohë për lot
Më thuaj për motrat e vëllezërit
Kanë apo s’kanë lumturi pa ty
Nga zemra të them Flordian
Pusho i qetë në Dardaninë tënde
Ti më je bir i shekullit të Ri
Vargu më i bukur që unë di.

17 Nëntor 2023 AGIM DESKU

 

VARGU MA I BUKUR
-Nora e Kelmendit

Për luftën ç’më thua Nora
Por për betimin e atdheut të të parëve
Ia dole me hy edhe m`u në ferrin e Dantes
E di se e kishe me gjithë zemër
Pushka top iu bëftë sulltanëve të mjerë
Nuk janë të thëna krejt ëndrrat e betejave
Ndoshta harruen se ishin të zënë kronikanët
Atë çka duhet thënë burrnisht sot
Nëpër beteja për jetë a vdekje e ke thënë dje
Unë dua t’i rikujtoj disa kujtime që s`kthejnë ma
Eh,ç`na i ringjalle betejat e lavdisë Nora
Pse toka falët pa dashuritë e çlirimtares
Për këtë është dëshmitare koha e jonë
Nuk ka mbetë gurë e drue pa e rrotullue
Derisa ia kanë pa lakuriq këmbët e gjarpërit
Aty ku dhemb fjala dikur shkonte gjuha
Në gjuhën e nënës i mbërrina vitet e lirisë
U dogjem për të me mish e shpirt populli im
Asgjë s`qenka jeta nëse s`ke vdekë për fjalën
Ti nuk i numërove vdekjet sa herë vdiqe për mua
Unë mbeta gjallë për t`iu bërë hero lirisë
Asnjë varg s`mund ta shkruaj për dashurinë e shpirtit
Përballë betejave të lavdisë Nora
Më duhet disa vite të marr fuqi vargu
Dua disa herë t`i rikthehem legjendave të zanave
Kur i jepnin gji Mujit për t`i dalë zot shqipeve
S`kam për t`ia fal vetes nëse t`i harroj betejat Nora
Dhe vargjet që më dalin nga thellësia e shpirtit për ty
Sa me fat është kohai me që i mbijetova pesë shekujt e ferrit
Dikush i ruan në zemër takimet e fshehta të poetit
I cili bëhet urë lidhëse në mes fjalëve të dhëna
Së një ditë do ta shkruaj vargun ma të bukur për ty Nora.

15 Nëntor 2023 AGIM DESKU

 

KËSHTU ËSHTË JETA

Do të dêshiroja të di më shumë
Si ishte jeta dje dhe si është sot
Por dua të di si do të jetë edhe nesër
Disa ndoshta thonë se jetën meritoje
Apo me jetën lojë nuk ka
Paramendoje nëse ecën valêve të detit
Dhe bajlozët rrahin gjoksat për dyluftim
Si do ia bën me fatin e tokës se Çakorrit
A ka mëkat ma të madh se falja e tij
Dikur koha ishte për ata që thonë jam burrë
E çfarë na servohet për nesër një djall e di
Nëse kohërat nuk ndryshojnë me hapa të njeriut
Kam frikë se ma s’ka kohë për burra
Që i dalin fyt për fyt bajlozave të detit
Por, mund të lutemi për plagët e jetës
Dhembjet i kemi të përbashkëta dje edhe sot
Ndoshta në ëndërr më vjen Itaka
Se aty ende jeton e bukura ime e shenjtë
Ka dymijë vjet që të dytë jetojmë për njeri-tjetrin
Dhe sikur asnjëri nuk leshojmë pe
Bëjmë gara se cili e mban të vërtetën në zemër
Eh sa çuditëmi me botën përse na fajson
Besa edhe na quen të marrë pse e duam vetveten
Lirinë e falur kurrë nuk e kanë dashur brezat tonë
Dhe ende jemi në luftë për t’i fitue betejat e lirisë
Se kemi mbetur duke i soditur zogjtë shtegtarë
Kah fluturojnë të lirë dhe kalojnë dete e oqeane
Popullit tim i thuhet rri i qetë dhe mos protesto
Ruaje barazinë dhe vlerat e njeriut të paqes
Kështu është jeta sot e si po shihet edhe nesër
E njëta kohë e vjeshtës kur gjethet bien nē tokë
Pra çfarë t’i thuhet kur të falin karrotën në vend
Të gotës se ngritur për ditën kur vdiqa si hero.

09 Nëntor 2023 AGIM DESKU

 

MA MERR HËNËN NË PËRQAFIM

Vetëm sonte
Ma merr hënën në përqafim
Pastaj ik po deshe fluturim
Edhe kështu paskna lindur për mallkim
E di që nuk fluturojnë zogjtë pa mue
Ti ik krue në krue
Shëno në ditarin e kujtimeve
Dhe ruaj këngët e bilbilave
Kur me zërin e tyre na shoqëronin
Ik po e zëre hënën përqafoje
Falja vetëm kujmet që s`kthejnë ma
Se çdo ditë i vrasin kujtimet
Veç në ditarin tim kanë mbetur diçka
Nga e kaluara që kurrë nuk harrohet
Ndoshta një ditë edhe mund të ngushëllohemi
Nëse do të ishim heronj të fjalës
Na kishte takue lavdia.

5 Nëntor 2023 AGIM DESKU

 

KOSOVA IME
Ose rikujtoje Pashko Vasën

Or ti ç`farë thua
Në Kosovën time
Sikur s`ka vend për mua
Jo s`ka vend veç për tradhëtarë
Që sillën mu si gomarë
S`ka as që do të këtë ndonjëherë
Or të mjerë
Që ndjellni veç zi e ferr
Dhe një ditë do vie edhe fundi
Lum ai që e merr lumi
Shpeton nga dyfyrësia
Dhe nga mallkimi e tradhëtia
Hiq ma mirë nuk është
As në Shqipërinë amë
Ku burrat e dheut dikur
E quanin nanë
Si nuk na shikojnë fare sytë
Si jemi të rrethuam me shumë armiq
Pse merremi me punë të kota
Kujtone Pashko Vasen o të mjerë
Vetem shqiptaria na bën nderë
Dhe çdo ditë ta keni në mendje
Ujë fle e armiku s`fle.

O2 Nëntor 2023 AGIM DESKU

 

ZOTI DI EDHE SHQIP

Nëse lutem në gjuhën time
Edhe Zoti di shqip

Me gjuhën që më ka rritë nana
E më ka dhanë gji zanash
Më iu ba atdheut luftëtar

Lutu populli im çdo ditê shqip
Këndo dhe dashuro vetëm shqip
Lutjet m’i bani me Lahutën e Fishtës

Ka dymijë vjet që jam këtu
E lutjet pse nuk i baj në gjuhën teme
Më thuaj populli im
Pse

A ka lutje ma të mirë
Se Formula e Pagëzimit
Kur lutem

N’emen t’atit,t’birit e t’shpirtit t’shejt
Amen!

Lutjen time
Nëse ma dëgjoni
Ndonjëherë kur bëjmë lutje

Të lutemi vetëm shqip
Se edhe Zoti di shqip.

27 TETOR 2023 AGIM DESKU

 

NJË DITË PA LUFTË

Sikur të mbetët bota një ditë pa luftë
Kam besim në yjet se do të zbriesin në tokë
Shpejt edhe zogjtë do të ju bashkoheshin
Do të ndalojnë stuhitë rrëbeshet e shiut

Dielli do t’i shton rrezet e ngrohtësisë për lulet
Në kopsht trëndafilat do të marrin emrin tim
Për emrin që kanë e shpërndaj aromën e tyre
Kudo që njerëzit s’e duan erën e hidhur të luftës

Një ditë me buzëqeshje i mundim mëkatet
Koha për të cilën flasim ishte dje por edhe sot
Të krisurit nga shpirt i i tyre i ndyrë s’kanë fytyrë
Ëndrrojnë për takimet donzhuane të Adamit

Sa dua të jetoj vetëm një ditë pa luftë të ndyrë
Atë ditë i dua lulet të çelin agimeve të para
Panverat në këtë ditë i dua si asnjëherë më parë
T’i shoh kur shkëlqejnë yjet në sytë e fëmijëve

Kjo ëndërr dua të më bën çlirimtar për breznitë
E di që të heronjtë nuk do të vdesin kurrë
Pas çdo beteje presin vargjet e poetëve.

PAKT ME LUFTËN OSE PAKT ME DJALLIN

Mbase s’mund të krijoj pakt me të tjerët
T`i kthehem paktit me vetveten
Ose do bëj pakt me djallin

Më ke të bëj tjetër veç me djallin
Ndoshta ai e ndalon luftën

Kur bota është verbue
Dhe askush nuk do me pa
Askush nuk do me dëgjue

Sërish në sy më rrinë zjarret e luftës
Ëndrra fëmijësh për lirinë e vrarë
Që nuk ju rikthehet kurrë më

Më neverijnë fytyrat idioteske politikajêsh
S`kam komente për fytyrat e tyre

Kur flaka e luftës ka marrë dhenë
Dhe po ngritet edhe mbi lartësië e shpirtit tim
Unë s’kam më zë t’i bërtas botës
Ndalo vdekjet

Janë mësuar veshët e mi
Me krisma e rafale automatiku

Copat e ashtit tim i kam të freskëta
Mezi i kam mbledhur grimcat e atomit
Për t`i rujtur kujtim për brezat që vijnë

Kam vendos të mos heshti
Se heshtja më kthehet në bumerang
Këtë e di se ma thonë fytyra fëmijësh
Plagët e të cilve s’kanë më shërim

Çfarê t’i them botës që s’ka sy as vesh
Të njëjtat fjalë ia them edhe vetes
Ndaloni luftërat anë e mbanë botës
Sa nuk është bërë vonë

Deri kur luftë
Deri kur plagë e vetmi
Falni buzëqeshje

Le të qeshin në sytë e mi
Kudo në botë sytë e secilit fëmijë.

19 Tetor 2023 AGIM DESKU

 

MIQTË E MI

Të mirë i kam miqtë e mi
Yjet i prekin me dorë
Piktorë të Mona Lizës janë
E duan të bukurën ma shumë se unë
Donzhuan të Venedikut i quaj
Ngjajnë me Lasgushin
Poetët e vargjeve të hyjnive
Nuk di cilin ta veçoj të parin
Kam fat pse janë më të mirë
Ma të mirë se unë shumë
Botën e mbajnë në duar
Janë edhe burra shkuar burrave
Me të bardha i kam miqtë e mi
Pa asnjë të zezê janë
Mund ta zënë vendin e mbretit
Ndonjëherê fjalosëm për vargjet
Cili ta gjejmë vargun e olimpit
Them unë për miqtë e mi
Janë Heminguej dhe elita e tij
Edhe kur dashurojnë e di
Nëpër vargjet plot lirika qëndrojnë
Me burrështetasit e matin burrërinë
Muzën e kanë pranë çdo çast në jetë
Kanë shpirt të engjëjve dhe kurrë s’urrejnë
Ambasadorë të paqes është moto e tyre
S’qajnë kokën fare për gjera të kota
Tradhëtinë e vrasin në pikë të ditës
Këtë fenomen që pushtuesit na sjellën
Për atdhedashuri shquhen miqt e mi
Që janë ma të mirë sê unë këtë unë e di.

18 Tetor 2023 AGIM DESKU

 

BOTA IME E TITANIKUT

Më zëntë Kulla e Babilonit Zeus
Nëse nuk e mbrojta yllin e mëngjesit
Me të cilin më pagëzuan Agim Desku
Më duhet disa herë të të kujtoj Zeus

Të më vien në mendje rrënjët e mia pellazge
Tani jam betue ta ngriti gotën e dollisë
Itakën më duhet ta gjej me çdo çmim
Se ajo mbetët përgjithmonë toka e jonë

Aty ruhen dashuritë e zjarrta të Penelopës
Fjalët e bukura dhe besa e Doruntinës
Aty më ruhen edhe ëndrrat e mia burrërore
Me të cilat e krijova botën time të Titanikut
.
Dhe më duhet të eci valëve rebele të detit
E di që demonët s’ka kush t’i numëroj mjeranët
Sa shumë kanë zbitur nga qielli me stuhi shiu
Sërish nëse më duhet më u gozhdue në ferr

Dua të ju fal fuqinë e rikthimit të Prometheut
Të gjithë të rikthehemi në Promethe për Itakën
Vetëm dashnorët e Venedikut na sjellin fate jete
Këtë herë dua t’ia fal dashurinë e mikesTitanikut.

16 Tetor 2023 AGIM DESKU

 

PROMETHE
-Dedikim A.S

Sêrish ma riktheve të vërtetën e fjalës
Pick e kisha vetminë e jetës sime
Nëse them mbërrina në breg të oqeanit
Deti ishte i vogël për t’i zënë dhembjet

Lumenjt nuk i përballonin plagët e ferrit
Dreq o punë ky mjerim i njeriut të vetmuar
Botës ia ndezi flakën e stuhive të Etnes
Dhe ja ec e thuaj se s’ka varg në vetmi
Dhe engjëjt ndaluan në shpirtin e ëndrrave

Në Promethe ma riktheve fuqinë e fjalës
Sikur në lrgjenda kur zanat na rizgjuan
Kur luftëtarëve të atdheut gji ju kanë dhënë
Sa afër bregut të detit isha për një çast

Tani ika diku larg ku do të jem drita e yjeve
Asnjë djall ma s’do ta shoh pranë meje
E gjithë bota do të hynë në vallen e dashurisê
Miqtë e mi sërish do jenë ëndrrat e mia

Tani i shoh yjet kah ndritin sofrën e bashkimit
Dhe ngritim dolli për jetën e së vërtetës
Kurrë s’kam mendue që kujtimet rikthen sërish
Sonte edhe unë prap hyra në vallen e çlirimtarëve

Kështu ishte dikur jeta e bukur në vargun tim
Kur unë e poezia jetonim për njeri-tjetrin
Deri sa na urryen demonët e kush tjetër
Dhe ti erdhe vargu ma i bukur i jetës sime

E di të dêrguan engjëjt e mbrëmjeve me hënë
Ndoshta ndonjë ditë unë e ti do bëhemi varg drite
Bota me na lexue apo na me e lexue botën e artë
Nuk është pyetje e marrë,por flet shpirti që djeg.

12 Tetor 2023 AGIM DESKU

 

KOHA PËR MIKUN TIM

Epoka e mikut tim m’i ngjan kohës sime
Kur dhembjet e plagët ishin me vite loti im
Fatet e njëjta dikur dhe sot në të njëjtin çast
Na kaliti ferri i Dantes mua këtu e ty atje miku im

Tokën e shenjtë ta gëzojmë zotnat na kanë pagëzue
Pak para Krishtit ishim bekimi i hyjnive
Para dymijë vitesh të dytë e kishim nga një mbret

Unë e kisha Mbretëreshën Teutë dhe shqiponja në flamur
Dikur seç më ngriti nga ferri e më bëri burrë
Ti ke Yllin e Davidit
Edhe mua me rriti nëna në djepin
Me të njëjtin yll e kishte pikturue
Për emrin tim Agim

Kohërat vijnë e shkojnë
Të artat i ruajnë kujtimet që kurrë s’kthejnë ma
Të hidhurat i marrin djajtë me vete
I zëntë ferri i Dantes

Tani i bëj roje kohës për miqtë e mi
Engjëjt më paskan lexue fatin tim
M’i bëjnë shoqëri natës se vargut
Ndalojmë së bashku në pasqyrën e të rrëfyerit

Gjyshërit ma kanë lenë besën ta ruaj me xhelozi
Edhe nëse duhet kohërave me iu hap zemrën
Fali o Zot kohërat që nuk m’i kthejnë kujtimet
Kohën time sonte ia fala miqve ta ruajnë kujtim

Kam edhe shumë për të fal për ditët e shenjta
Buzëqeshjet që m’i falin dua pa kthim të ju fal
Dua të rebelohem e t’i ndaloj luftërat nëpër botë
Të shndrrohem në Gjordano Bruno a Jan Pallah.

11 Tetor 2023 AGIM DESKU

 

NJË DITË PA LUFTË

Sikur të mbetët bota një ditë pa luftë
Kam besim në yjet se do të zbriesin në tokë
Shpejt edhe zogjtë do të ju bashkoheshin
Do të ndalojnë stuhitë rrëbeshet e shiut

Dielli do t’i shton rrezet e ngrohtësisë për lulet
Në kopsht trëndafilat do të marrin emrin tim
Për emrin që kanë e shpërndaj aromën e tyre
Kudo që njerëzit s’e duan erën e hidhur të luftës

Një ditë me buzëqeshje i mundim mëkatet
Koha për të cilën flasim ishte dje por edhe sot
Të krisurit nga shpirt i i tyre i ndyrë s’kanë fytyrë
Ëndrrojnë për takimet donzhuane të Adamit

Sa dua të jetoj vetëm një ditë pa luftë të ndyrë
Atë ditë i dua lulet të çelin agimeve të para
Panverat në këtë ditë i dua si asnjëherë më parë
T’i shoh kur shkëlqejnë yjet në sytë e fëmijëve

Kjo ëndërr dua të më bën çlirimtar për breznitë
E di që të heronjtë nuk do të vdesin kurrë
Pas çdo beteje presin vargjet e poetëve.

13 tetor 2023 AGIM DESKU

 

DIKUR

Disa të vetqujtur “patriot”
Dikur u mbështjelleshin deri në fyt
Me fotografitë e Enverit dhe Titos në trup
Ku s’kishte ma vend më ia vënë gjilperën diku

Sot shquhen të parët në demokraci
Mendojnë ata se ne hamë bari
Thua që askush nuk i di “meritat” e Tij
Dhe kanë zënë vend tani në hierarki

O bobo nga ju treti kjo farë burrënia
Janë zhdukur ëndrrat besa edhe historia
Fal zhurmagjive që nuk i njeh ma njerêzia
Sa lart sot kakarisin me zërin e katilit.

 

KOHA PËR ME U PA
-Ernest Koliqit
-Siiiiiiiiiiiii-Nga roli që e kam lujtur në vitet 1995 në dramën ‘’Takimi I orës 9’’ të Ernest Koliqit

Kohërat s`janë fajtore
Nëse në mua rëndojnë mëkatet
Por nëse janë kohërat mëkate të urrejtjes
Cili jemi fajtor fajtor i kohës

Koha për me u pa është
Çasti ma i bukur i jetës
Nëse aty thuhet e vërteta

Kohën për me u pa
E vendosin sytë dhe mendja e atdhetarëve
Nê dritën e diellit kur flaka e diellit
M`i fal ngrohtësi fjalës time të lire

Kohën për më me u njohur me alfabetin
Ti ma fale emrin e dashur mësues
Një të vërtetë që me lot e pritëm
Nëpër secilin cep të atdheut

Më duhet t`i nxjerri fjalët nga zemra
Që me vite i kemi rujtur si relikte muzeu
Në mendjen dhe sytë e kosovarëve
Të cilët ju përulen për kohën që u pamë

Faleminderit për kohën që mësuam kush jemi e
Tani di për rrënjët pellazge fal mësuesit tim
Mësova edhe për kohën e Gjergjit dhe shpatën e tij
Mësova edhe për Shën Jeronimin

Sot dua të ngriti dolli për mësuesin
Në sofrën e shtruam në çdo kohë për mikun
Për besnikërinë e Konstadinit dhe Doruntinës
Lart ta ta ngritim dheun e kësaj toke Dardane
Faleminderit Ernes Koliqi mësues i mësuesit tim.

06 Tetor 2023 AGIM DESKU

 

ÇMENDURI

T’u thaftë goja më thanë
Pse mendojnë se flas përqartë
Ta them të vërtetën
E kam trashëgim nga babai

E di që s’kanë faj
Kur ma marrin inati miqtë
Edhe në poezi më hyri
Një marrëzi e madhe

Vet me vete thash
Ku jeton sot Agim Desku
Apo jetoi në botën e çudirave
A të rebëlimit

Thonë se gjuha shkon
Aty ku dhemb dhembi
Mendjes sime i fluturojnë mendime
Së si e zeza ia ka zënë vendin
Jetës së bardhë

Çmenduri deri në fund
Urrejnë njeri-tjetrin
Harrojnë plagët e luftëtarëve
Që një Zot e di a kanë a s’kanë shërim

Harrojnë se lufta për tokën
S’ka filluar qysh sot
Shekujt s’ka kush t’i numëroj

E dinë vetëm zemrat e nënave
Çfarë do më thanë ndarja
A ka dhembje ma të madhe
Një popull të jeton në shtëpinë e tij
Me njëqind kufij

Çmenduri

Evropës duhet më ia rikujtu
Rikthehu në kohën e Kongreseve famëkeqe
Të ndarjes se popullit tim
Kur vetëm lotët i kishim si ngushëllim

Më duhet të them
Sikur ishim popull i tepërt i tokës
Apo pse jemi të vetmit në botë
Me rrënjë pellazge

Ndoshta edhe nuk jemi
Nga dashuria e pastër e Adamit e Evës

E di një të vërtetë
Këtu jemi edhe para djallit
Kurrë nuk pushtuam tokat e huaja
Veç jetuam që pesë shekuj të pushtuar

Të gjitha ferrët i përjetuam
Nga ai i Dantes deri tek ky fqinji i zi.

30 Shtator 2023 AGIM DESKU

 

FALEMINDERIT
-Heroit Afrim Bunjaku

Faleminderit hero që na i çele sytë
Kur na kishte zënë gjumi dimëror
Ti u zgjove dhe bëre roje atdheu

Se urrejtja na i kishte marrë mentë e zeza
Ti hero u bëre engjëll i bardhë

Faleminderit edbe ty nēnë
Që lind dhe rrite heroi Afrimin

Faleminderit edhe ty mësues
Që ia mësove Alfabetin Afrimit

Faleminderit Kosovë
Që heronjt të kanë zonjë.

 

KOSOVË
-Motiv popullor
-Rapsodit Emin Racit

Në shpirtbardhësinë tënde të madhe
Ka vend për mijëra zogjë të maleve
Ke një zemër fisnike që ta kanë lakmi
Që çdo kush të ka në zemër e për zemër

Edhe miqtë edhe armiqt të kanë në zemër
Je lapidar i ngritur për heronjt e mi
Varr i thellë Titaniku për armiqt e zi
Zemër e djegur për nënat heroina

Kosovë je vargu ma i bukur i poetëve
Kënga dhe loti i rapsodit Emin Racit
Kur zemra e tij ia dridh telat e çiftelisë
Dhe prap të të vënë në gji të Shqipërisë

Kosovë duhet të kuvendoni si dikur nënë e bijë
Kur të dyja edhe sot keni burra e burrënesha
Mjaft na vjedhen historinë e krenarinë tonë
Ti e di mirë se kush të ka në zemër gjithmonë.

29 Shtator 2023 AGIM DESKU

 

TË VDESËSH-Shifra’’Çlirimtari’’

Edhe sa herë duhet të vdes
Për këtë tokë
Kur edhe para meje secilit brez
Vdekjet na i pagëzuan
Edhe para lindjes tonë

Sot dua t’i kem njëqind vdekje
Për të vdekur në të njëjtën kohë
Me njërën e di kujt t’ia fal
Veç fytyrës sime pa asnjë fjalë

Të kisha edhe një vdekje tjetër
Koha ime të ma merr peng
Dashurinë e lotit të çlirimtares

Secilit t’ia fal të drejtën e funeralin tim
Një grusht dhe atdheu të ma hedhin përmbi

Vdekjen mund edhe të ma vjedhin
Për të ngritur dolli me gotë shampanj
Sërish nëse më akuzojnë për njeri të ligë

Hyp së të vrava ,zbrit së të vrava

Sa kam frikë për njeriun
që e lënë në gjysmë puthjen e zjarrtë
Do të bie heroikisht për tokën
që dikur e shitën apo e falën para syve tonë.

24 Shtator 2023 AGIM DESKU

 

HIENSHËM

Si s’mund me hy ndryshe
Kur në shekullin e 21 ka forma të reja
Jo sikur në të kaluarën e dhembshme
Kur sërish hyre si hienë e natës

Asnjëra natë e ferrit nuk harrohet
Kur ia more natën e fundit Romeot dhe Zhuljetës
Dashuritë e vashave i trete mbi oqeane
Nuk e meritoj unë më u marr me fytyrën tënde

I duhet më i ra rrugës ma të largtë deri
Ku bren miza hekur aty ku ju takojnë Ufotë e dehur
Njëqind të zezat pa asnjë të bardhë
U bënë bashkë në udhëtimin tënd maratonik

Krejt emrat e një bote tjerër figurojnë
Në ditarin e palexuar ndonjëherë nga lexuesit
E historisë së rikthyer mbrapsht
Kur askush nuk na e mësoj ashtu siç është e drejtë

Dhe zotat s`paskan të drejtë me qenë edhe zotat e mi
Këtë na e tregoj historia mijëra vjeqare e rebelimit tim
Pse nuk e takova kurrë pjesën tjetër të atdheut tim
Apo sipas disa zotave ne nuk kemi ekzistue kurrë

E vërteta dhemb aq shumë sa njeriun e bëri të çmendur
Ia këndoj himnin e lashtësive në lahutën e gjyshërve tonë
E ne të gjallët si nukkishim pakëz kohë më e rujtë nga hienat
Dhe merreni me mend ajo përfundoj aty ku gjarpërinjtë festojnë.

 

19 shtator 2023 AGIM DESKU

 

FLUTURIMI I ËNDRRAVE MBI MALIN DAJT

Sonte tërë natën luftova me ëndrrat
Më hidhëruen fluturat
Për fustanin e nusërisë u zura
Pse nuk e veshen në mbrëmjen festive
Për nder të Yllit të Davidit
Shpëtimtarit të kosomosit të lirë

Ndoshta pse u ngrita mbi Dajt
Ku vetëm fluturat ngjajnë në mbretëreshën e fjalës
Ah,ky mal m`i kujton vëllëzërit e luftës
Që shtruan Sofrën me bukë ,kripë e zemër

Rrugës se Kombit u rikthyem me këngët
E legjenndarëve Sali e Feriz Krasniqi
Dhe fjalët e mençura të këtyre Korifeve të artit
‘’Nëse ju duhet historia lexoni e
Do të mësoni ma shumë’’

Në udhëkryq isha me ëndrrat
Edhe pakëz hapa na vyen të ecim përpara
Hidhërimin t`ia lëmë të kaluarës
Hienat i kemi rreth nesh të zgjuara

Ato s`kanë gjumë së s`kanë fytyrë
Përpos lutjes për Zotin

Na duhet lutja për zemrën
Për më u zgjue nga gjumi polar.

Dajt,17 Shtator 2023 Agim Desku

 

PARA PASQYRËS

Ka vite që s’kisha guxim burrënor
T’i dal përpara pasqyrës sime të jetës
Nuk di nëse i kam lënë vetes pakëz fytyrë
Vetëm sa me dialogue të dytë në mes vete

Para pasqyrës jam sikur para tërë botës
Dikush më shanë e dikush më jep urata
Ca të tjerë rrinë në lutje për ikjen time
Para paqsqyrës e di vetë cili jam

Njeri nga rebelëtt e pesë shekujve të ferrit
Që kurrë nuk u pajtova për të gjallë timin
Kur një popull të vogë na ndan në copa copa
Përtej pasqyrës sime nuk e di cili mund të jem

Ndoshta një mëkatar i urrejtur nga veë mëkatarët
Apo edhe djalli vetë pse kurrë nuk di të urrej
Në një botë të pistë vështirë të jesh sot njeri.

12 Shtator 2023 AGIM DESKU

 

VARGJE PËR DREQ
-ose dialog me të gjallin P.B

E di që është i gjallë
E di që është i lodhur i të qenit
shqiptar

I them
E di që këtë pak tokë që na ka mbetur
Tërë jetën me vete e ke marrë
Nëpër betejat dhemb për dhemb
Mbi shpinën prej luftëtarit e ke bartur

Prap vazhdoj t’ia rikujtoj atdhetarizmin e tij
Kur së bashku u helmuam nga gazi lotsjellës
Kah protestonim për pakëz liri

Na arrestuan vetëm pse ishim shqiptarë
Na i moren lejet dhe na lanë pa identitet kombëtar
Ky ishte synimi i tyre
Askush të mos na njihte ma

As burgjet nuk merreshin ma me neve
Se s’kishte asnjë vend të lirë

Ikëm në odën time
Babai e uli krye oxhakut dhe i them
Ke harrue kur na fole për Fishtën
Atëherë babai të njohu se ishe burrë i dheut

Ooo e ngriti zërin asgjë s’kam harrue
Por nuk dua ma të jem askushi për këtë shoqëri
Që di të vjedh në pikë të ditës atdheun
Me këta njerëz që falin tokën e larë me gjak

S’dua ma të ia baj qefin askujt
Dhe vazhdimisht flet vet me vete
Harromëni së kam ekzistuar ndonjëherë

Për këtë popull isha i tepërt
Kur tërë jetën e shtrova sofrën
Me ngritë gotën e bashkimit

Më lanë të vetëm si qyqja në rrëmë

Mësohuni të jetoni edhe pa mua bën
Unë do të vazhdoj të bërtas deri në kupë të qiellit
Të dehem dhe rebël u bëfsha
Dua ta marr lirinë në gji

Ma s’guxoj më ia lanë të paftyrëve as hajnave
Do të groposëm së bashku shtatë pash thellë në tokë
Aty do të jetojmë bashkë ose të vdesim bashkë.

9 shtator 2023 AGIM DESKU-E pa publikuar!

 

XHUBLETA E NËNËS

Nënë sa herë ke veshur xhubletën
Në fytyrën tënde i shikoja rrezet e diellit
Kur e vure plisin në ballë
Je ba nusja ma e mirë e Shqipërisë
Sytë e tu tërë botës i bënin dritë
Zemrën ia fale secilit që i falej atdheut
Përqafimin e ndanim së bashku me çlirimtarët
Nënë edhe mua ma fale një jetë të mësuesisë
Fal teje i di rrënjët e mia se cili jam sot
Nëse të them mirë ke ba që më pagëzove Agim
Se tërë lagjia ime bëri çudi nga të erdhi ky emër
Ti ma mësove Alfabetin e Manastirit
Dhe bukës më i thanë bukë e ujit ujë
Nënë dua të falëndeoj edhe për një gjë të bukur
Kur na shtroje sofrën me bukë ,kripë e zemër
Dhe ngritnim dolli me miq nga çdo anë
Unë e ti ngritnim gotën për Shqipërinë nanë
Tani fal mësimeve tua e di se cilës epokë i takoj
Jam i lumtur që i njoh heroizmat e Gjergjit
Dhe madhështinë e bamirësisë se Nënës Tereze
Nënë sikur të ishe sot më i pa veshur retē zeza
Më bëhet sikur jam në ndonjë planet të Ufove
Apo ndoshta koha ime qenka një ëndërr e trishtë
Nënë të them edhe këtë lajm të ri
Rri e qetë dhe prehu në parajsë mbretëresha ime
Se Xhubletën tani e kanë marrë me e rujtë në Unesko
Edhe fytyra jote shndrrit bashkë më të atje
Nënë ti për mua ishe një nënë e mirë
Për babain ishe krahu i djathtë i shtëpisë
Ai në sytë e tu shihte një Doruntinë të fjalës
Tërë botën së bashku me babain e kishit në gji
Të dytë ii rrëfeheshi njeri-tjetrit për një të vetme dashuri.

Stubëll ,23 shtator 2023 AGIM DESKU

 

GRATË E LUMTURA

Ma në fund shoh gra të lumtura
Pse jo tani edhe Presidente
Jo ma robinje siç i thirrnin dikur

Besa e them me zemër
Për burrninë që kanë
Matën me shumë burra të dheut
Se në damarët e tyre fle gjaku i Skënderbeut

Besa janë edhe ma burrnesha
Se sa shumë burra dje dhe sot

Gra të lumtura dëshiroj të shoh
Edhe nesër
Lumturia e tyre na sjell fat

Ma s`do të flasim vet me vete
Edhe pse edhe nëpër beteja
Gratë kanë ditur të jenë burrnesha
Kurrë varfëria e zemrës nuk na ka mungue

Mjaft kemi qenë të varfër
Në varfërinë tonë të shpirtit
I vetmi shkas mbijetese ishin gratë e lumtura
Ato burrneshat si Marije Shllaku e Shote Galica
Nora e kelmendit e Marigona.

9 shtator 2023 AGIM DESKU

 

DY MIJË VJET AJKUNË

Dy mijë vjet Ajkunë të kam kërkue
S’kam lanë gur e dru për pa e rrotullue
N’Urë të Fshejtë e n’Rozafë më thanë je besatue
Fytyrën prej mbretëreshe ta kam takue

Në këtë udhëtim më shoqëruan mijëra hyjni
Zanat ju dhanë gji luftëtarëve të mi
Ditën e kisha Homerin dhe dritën e fenerit të tij
Fare s’kisha lodhje nga dëshira me fol me ty
Për të vërtetën pellazge që bota shumë mirë e di
Kjo e vërtrtë ruhet në varret e faraonve

Çudi ende kanë frikē të vërtetën më e thanë
Në këtë udhëtim më besoni e krijova emrin tim
Enigmën se Rexhën e kishte vra kali nuk qēndron
Tani i besoj Anton Çetës kur u bë hero i bashkimit

Tek Verrat e Llukës populli foli me besa-besë
Vetëm çlirimtarët e dinë për kë e falën dashurinë
S’ka fund poezia Ajkunë deri të thyhen çdo kufi
Patjetër duhet shtruar sofra me bukë e kripë.

Gusht 2023 AGIM DESKU

 

NATA PA GOJË

Kjo natë ishte fund e krye kryeneqe
As që dallohej nga dy mijë vitet e ferrit
Dëshmitare kishim fytyra hijenash
Me shumë dêshmi Apokaliosash
Kur erdhi Nata e Purgatorit.

 

NË DITËLINDJE
-Poezi sot je pranë meje!

Sot ma afër së asnjëherë ju kam
Flas me miq që kanë ngjyrë pranvere
Flas edhe me lulet kur të parat çelin
Për secilin nga ju kam nga një varg

Poezinë e kam çlirimtare të betejave
Dëshmitar të jetës e kam dritën e diellit
E thellë është historia ime e Durrahut
Aty jetojnë shtatë brezat e mi të kryqëzuar

Në Gjergj Kastriot e Gjergj Fishtë e deri
Të papa Klimenti ma thotë Homeri me fener
E di që më urrejnë kur e them të vërtetën
Por sot nuk doja të urreni asnjëri nga ju

Ditëlindjet janë të veçanta si historitë në vete
Sa krenar jam dhe me ballë hapur e pa hile
I shikoj njerëzit drejt në sy dhe më shikojnë njëjtë
Faleminderit poezi për embëlsirën e qershisë.

25 Gusht 2023 -I juaj Agim Desku

 

NË TË NJËJTIN DIELL SHPËTIMTARËSH

Për tē shpētu,duhet veten më e rreziku
Shpetimtarët janë krenari kombētare!
Bahri .Ramadani
Nganjëherë emra të njëtë takohen
Kohë dhe dhembje të njëjta
Në të njëjtin diell qëndrojmë burrënisht
Fytyra e nënës më del përpara
Kur më thoshte
Bir, të kam rritë në djepin me yll Davidi
Jeton historia e plagëve të njëjta
Sot qëndron krenar murali lart
Emra shpëtimtarësh lexojmë
Fotografohemi me krenarinë e kombit tim
Shtrëngojmë duart me Diogardin
Na falë të njëjtën buzëqeshje si gjithmonë
Sot në të njëjtin diell kujtojmë Yllin e Davidit
Të gjithë janë këtu së bashku me mikpritjen
Vetëm kalorësit e Apokalipsit janë të vetmuar
Janë tretë nga faqja e atdheut tim.

Prishtinë,23 Gusht 2023 AGIM DESKU

 

MËKATARËT E FJALËS

Ka shumë mëkatarë të fjalës
Që nga unë deri të demoni i fundit
Sa mirë më ia nis nga vetvetja
Deri sa ta gjen njeriu lumturinë e vet

Bota nuk u krijue me ëndrra as me urata
As me fjalë të çarshisë ku të zihet fryma
Nga thashëthemet që fund e krye e kanë urrejtjen
Përandorët e Apokalipsit mundohen të festojnë

Çuditëm pse vallë zjarrët e Etnes nuk i djegin
E paçin veten në qafë si nuk u bënë kalorës dheu
Ndoshta janê ende në detyra të pakryera
Nga padronet e tyre komunista e ista…tjerë

Vështirë e kanë me mbajtë flamurin kombëtar
Sikur brezat e mi shekujve në luftë për liri
E di duhet unë të fali uratë për secilin gurë e mur
Për njeriun e ligë them fali o Zot se s’shkon larg.

23 Gusht 2023 AGIM DESKU

 

TI JE DIELLI IM

Ti dielli im që na i fal dritë njerëzimit
Mua m’i ngroh vetëm ëndrrat për liri
Sepse bukurinë e fjalës e gjej veç të ti
Edhe atëherë kur stuhitë më rrethojnë

Shkopin magjik të penës ma dhuron
Të shndrrohem në luftëtarë të mendjes
Në kalorês betejash më i mund bajlozët
Vetëm ngrohtësisë tënde i besoj dielli im

E di së tërë botën e ngroh njëjtë si mua
Sa dëshirë do të kisha për njerëzit e mirë
Më ju fal atë dashurinë e ngrohtësisë se shpirtit
Mjaft kemi hequr të zitë e ullirit në botën e ferrit

Tani fal teje as dimri i acartë s’ka fuqi që ngrin
Edhe një dëshirë të vogël kisha pasur në jetë
Demonëve e përandorëve asnjë rreeze dielli
Krejt luftërat në botë fal tyre edhe sot janë kudo

Mos u bë diell i atyre që urrejnë e mallkojnë
Çdo ditë me këtë gjuhë lindin dhe me të rrojnë
Mjafton që ke njerëz të mirë në një botë të lirë
Do të bëhesh diell i mirë në çdo emër e zemër

Ngrohi çdo nënë që bijtë e bijat ia ka fal atdheut
Faculetës së çlirimtares falija dritën e zemrës

T’i ia çendis kujtimin luftëtarit me shkronja të arit
Dielli im ngrohma atdheun ma shumë se mua
Falja dritën mikes sime të krijon poezinë e jetës
Vetëm ajo di të shkruaj me gjuhën e së vërtetës.

17 Gusht 2023 AGIM DESKU