Gazetari i Radio France, Genc Burimi që jeton e punon në Francë, e ka cilësuar si një skandal faktin, që kandidati i Alibeajt për Tiranën Roland Bejko, paguhet nga ABC dhe nga ana tjetër pretendon se mbron interesin publik.

Duke folur në ‘Task Force’ me Sonila Meçon në SYRI TV, Burimi e cilëson më të ndershëm vendimin e Grida Dumës, që u dorëhoq për tu marrë më gazetarinë.

‘Nuk njoh rast në botën perëndimore si rasti i Roland Bejkos, që një politikan i paguaka nga një media. Kjo është shokuese, e paparë. Si në SHBA, kur bën në gjykatë, ti bëhet pyetja Bejkos, është paguar apo jo, duke qenë politikan. Si mund të mbrosh ti të mirën publike, duke u paguar nga një televizion privat.

Nuk ekziston në perëndim që një deputet të paguhet nga një kanal televiziv. Qe më e ndershme ajo që bëri Grida Duma që u dorëhoq dhe u bë gazetare’, u shpreh Genc Burimi në SYRI TV.