Njerëzit me demencë frontotemporale mund të kenë probleme me kujtesën, ndryshime në sjellje, vështirësi në të folur ose lëvizje

VOAL- Sëmundja e Bruce Willis është përkeqësuar. Aktori, i cili përfundoi karrierën e tij në pranverën e vitit 2022, tani po vuan nga një formë e pashërueshme e demencës, sipas një diagnoze të re mjekësore.

Heroi 67-vjeçar i sagës “Die Hard” vuante fillimisht nga afazia, një çrregullim i të folurit i shkaktuar nga dëmtimi i trurit. Por “Sëmundja e Bruce ka përparuar dhe ne tani kemi një diagnozë më të saktë: demencë frontotemporale,” tha familja e tij në një deklaratë.

Fatkeqësisht, vështirësitë në komunikim janë vetëm një nga simptomat e sëmundjes me të cilën përballet Bruce”, shtoi familja, e cila tha se “u lehtësuan që më në fund patën një diagnozë të qartë”.

Degjenerimi frontotemporal (FTD) është një sëmundje neurodegjenerative, e lidhur me sëmundjen e Alzheimerit. Njerëzit me FTD mund të kenë probleme me kujtesën, ndryshime në sjellje, vështirësi në të folur ose lëvizje.

“Sot nuk ka kurë për këtë sëmundje, e cila shpresojmë se do të ndryshojë në vitet në vijim”, thanë familja dhe miqtë e Willis në një deklaratë.rsi-eb