Britania do të kundërshtojë çdo përpjekje për të zhvendosur palestinezët nga Rripi i Gazës në vendet fqinje arabe kundër vullnetit të tyre, tha ministri i qeverisë Starmer.

“Nuk duhet të ketë zhvendosje të detyruar të palestinezëve, apo çfarëdolloj reduktim në territorin e Rripit të Gazës”, tha Sekretarja e Zhvillimit Ndërkombëtar Anneliese Dodds në Dhomën e Komunave.

Presidenti amerikan Donald Trump propozoi në fillim të kësaj jave zhvendosjen e palestinezëve nga Rripi i Gazës, teksa shtoi se SHBA-të kanë në planë të marrin kontrollin e Gazës për ta zhvilluar atë.

Ai tha se parashikon ndërtimin e një resorti ku komunitetet të ndryshme të mund të jetojnë në mënyrë harmonike.

Kryeministri izraelit Benjamin Netanyahu tha se propozimi i Trump ishte “i jashtëzakonshëm” dhe bëri thirrje që ai të shqyrtohej. bw